Ajilanic 14:28 - Quiché Bible

²⁸ Jät jabij chque chi jewa' quinbij: “In, ri Ajawaxel quinban ri kas chi'nic ri kas cäban na rumal ri nu c'aslemal chi quinbana' na chi chic'ulmaj ix je jas ri nu tom ri i bim.

Ajilanic 14:28 Referans Kwoze

Ajilanic 14:21

Je c'u wa', chi sibalaj kastzij jacha' ri in in c'aslic xukuje' chi ri nu juluwem u nojisam ronojel ri uwächulew,

Hebreos 3:17

¿Jachin tak chquij xc'oji' wi ri royowal ri Dios pa cawinak junab? Are' chquij ri xemacunic, ri are' xecäm can pa ri chaki'j uwo sak.

Ajilanic 14:23

man c'o ta jun chque querila' ta na u wäch ri ulew ri xinchi'j chque ri e qui mam. Man c'o ta jun chque ri man nim ta in quilom cäquil ta na u wäch.

Ajilanic 14:2

Conojel e are' xquichaplej qui bixic lawaloyil chrij ri Moises xukuje' ri Aaron. Je xquibij wa': “¡C'o ta banom wi xujcäm ta can pa Ejipt, o waral chupam ri chaki'j uwo sak!

U Camulixic ri Pixab 1:35

‘Mawi jun chque we itzel tak winak ri' cäquil na u wäch ri utzalaj ulew ri xinbij chi quinya' chque ri e qui mam.

Ajilanic 32:11

chi ri winak ri ebelinak ulok pa Ejipt ri e c'o chic juwinak qui junab cäpakic man quequila' ta na u wäch ri ulew ri xinchi'j chque chi quinya' che ri Abraham ri Isaac xukuje' ri Jacob, rumal rech chi man xetaken ta che ruc' jicomal.

Ajilanic 11:1

C'o jun k'ij ri aj israelib xech'ach'at chrij ri Ajawaxel qui mac quech tak ri c'axc'olil ri quequiriko. Aretak xetataj rumal, ri Ajawaxel sibalaj xoyowaric, xutak c'u ulok jun k'ak' ri xunicowisaj rij ri e jekel wi.

Ajilanic 14:39

Aretak ri Moises xuya' u bixic chque ri aj israelib ri u yo'm u bixic ri Ajawaxel, conojel sibalaj xebisonic.

U Camulixic ri Pixab 1:34

“Aretak ri Ajawaxel xuta' ri e i yok'onic ri xibano, sibalaj xpe royowal, xuban c'ut we chi'nic ri' ri kas cäban na:

U Camulixic ri Pixab 2:14

Kas c'u aretak xujel ulok pa Cades-barney c'ä pa ri k'ij ri xojoc'ow chupam ri nima' Zered, xoc'ow juwinak wajxaklajuj (38) junab, pa tak ri k'ij ri' e cäminak chi conojel ri achijab ajch'ojab ri e c'o pa ri kajebal, jacha' ri xubij ri Ajawaxel aretak xuban ri chinic ri kas cäban na.

U Camulixic ri Pixab 2:15

Xkaj c'u ronojel ri u cuinem ri Ajawaxel paquiwi', c'ä xecäm na conojel.

Ri Job 21:20

Rajawaxic c'ut are' ri cäc'äjisax u wäch rumal ri royowal ri c'o ronojel u cuinem.

Salmib 95:11

Rumal ri' xinban ri chi'nic ri kas cäban na pa ri woyowal chi man queboc ta na pa ri nu c'olbal ri quinuxlan wi.”

Salmib 106:26

Xuyac c'u ri u k'ab, xuban c'u ri chi'nic ri kas cäban na chi quebecäm na chupam ri chaki'j uwo sak,

Ri Ezequiel 12:25

Rumal rech chi ri in, ri Ajawaxel, quinch'aw na, are c'u ri chenbij na man cabeytaj ta ri u banic. Kas ix c'u quixilow na, tinimit ri man ch'abexic ta ri quiwaj; ri in quinch'aw na quinban c'u na chi quetz'akat na ri quinbij. In ri Ajawaxel, quinya' nu tzij.”

U Camulixic ri Pixab 32:40

Quinyac ri nu k'ab chicaj, quinban na ri chi'nic ri kas cäban na rumal ri nu junaliquil