Ajilanic 14:19 - Quiché Bible

¹⁹ Rumal c'u rech chi ri lok'ok'ebal c'u'x la sibalaj nim, sacha' la u mac we tinimit ri' che ri retzelal ri u banom, e coch'om c'u ya' la ulok kas pa Ejipt c'ä pa we c'olbal ri'.”

Ajilanic 14:19 Referans Kwoze

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”

Salmib 78:38

Xel c'u u c'u'x ri Dios chque, xucuy ri quetzelal, man xusach ta qui wäch; q'ui mul xak xoc'ow ri royowal man xuya' ta be chi xk'ak'ar ta rumal ri royowal.

Salmib 106:45

xnataj ri u c'ulwächinic cuc', xuq'uex c'ut ri u chomanic, rumal rech chi sibalaj nim ri lok'ok'ebal u c'u'x:

Elem 32:32

Quintz'onoj tok'ob che la chi cäsach la qui mac, we c'u man caj la cäsach la qui mac, chesaj la ri nu bi' chupam ri wuj ri tz'ibam la.”

Santiago 5:15

Are ri ch'awem ruc' Dios ruc' cojonic querutzirisaj na ri yawab, ri Ajawaxel cuwalijisaj c'u na. We c'o mac u banom, quesachtaj na ri u mac.

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ri Jonas 4:2

rumal ri' xtzijon ruc' ri Ajawaxel xubij che: “Chilampe' la Ajawaxel, xak junam wa' ruc' ri xinchomaj chi cäc'ulmataj na aretak c'ä in c'o pa ri wulew. Rumal ri' xinanimaj bic pa Tarsis, weta'm c'ut chi lal jun ch'uch'ujalaj Dios ri quel c'u'x la, ri man chanim taj cäpe oyowal la, chi sibalaj nim ri lok'ok'ebal c'u'x la chi aretak caya' la u bixic jun c'äjisabal wächaj chanim c'ut cäq'uex c'u'x la.

Ri Jonas 3:10

Ri Dios xrilo ri caquiban ri winak aj Ninibe ri xquiban che u ya'ic canok ri itzelalaj qui no'jibal, xuchomaj chi man cuc'am ta chi ulok ri c'ax ri u chomam u c'amic ulok paquiwi'.

Ri Daniel 9:19

¡Ajawaxel, Ajawaxel! ¡Chujtatabej la, chsacha' la ka mac! ¡Chtok'obisaj la ka wäch, Ajawaxel, peta la che ka to'ic! ¡Kas che la, nu Dios, che c'u ri tinimit la xukuje' chque ri winak la, ri cäquinataj ri bi' la, mabey ib la!’ ”

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Nabe Ajawinelab 8:34

chatatabej la ulok pa ri caj, chsacha' la ri u mac, chatzelej chi jumul pa ri ulew ri xya' la chque ri e qui mam.

Elem 33:17

Xubij ri Ajawaxel che ri Moises: “Ri a bim chwe, xukuje' quinbana' wa', rumal rech chi nu jiquibam nu c'u'x chawij, at lok' chnuwäch, a ch'äcom c'ut ri nu tok'ob,” xujiquiba' u bixic ri Ajawaxel che.

Ajilanic 23:21

Man c'o ta jachin jun rilom ta subunic mawi etzelal pa Israel, ri u tinimit ri Jacob. Ri Ajawaxel ri u Dios c'o cuc', ri e are' caquiya' u k'ij jacha' jun ajawinel.

Salmib 85:2

cuyum la ri retzelal ri tinimit la xukuje' ronojel ri u mac;

Ri Habacuc 3:2

Ri tzijol la ri quinto, Ajawaxel, xukuje' ronojel ri banom la, qui nu nojisaj che u ya'ic nimalaj k'ij la. Chebana' ba' la camic, pa ri ka c'aslemal, ri e nimak tak banoj la ri xeban can la pa jujun tak k'ijol, rech xukuje' ri uj cheketamaj tak qui wäch. Je wa' chbana' la che u c'utic chkawäch ri u tok'obisaxic ka wäch umal la pune' ta ba' pa u niq'uiajil ri oyowal la.

Ri Amos 7:2

E are tak c'ut ri e sac' aretak cätajin quequitij ri q'uisbal tak k'ayes, je xinbij wa': “¡Ajawaxel, chesacha' la ka mac! ¿Jas ta ri cubana' ri tinimit la ri Jacob cucoch'o', sibalaj c'u colic?”

Ri Amos 7:5

In je xinbij wa': “¡K'ilk'ob la Ajawaxel, chbana' la tok'ob! ¿Jas ta ri cubana' ri tinimit la ri Jacob cucoch'o', sibalaj c'u colic?”