Ajilanic 13:29 - Quiché Bible

²⁹ Chupam ri ulew Negueb e jekel wi ri aj amalesib, chupam ri c'ache'laj ulew e jekel wi ri aj hititib, ri aj jebuseyib xukuje' ri aj amoreyib, pa u xcut c'ut ri plo chunakaj ri nima' Jordan e jekel wi ri aj cananeyib.”

Ajilanic 13:29 Referans Kwoze

Ajilanic 14:43

Je la' apanok chiwe quixqueyej ri aj amalesib xukuje' ri aj cananeyib, che u banic ch'o'j iwuc' quixquicämisaj c'u na. Rumal c'u rech chi i xutum can ri Ajawaxel, ri are' man c'o ta chic iwuc'.”

K'atal tak Tzij 6:3

Aretak ri aj israelib c'o chic u wäch ri qui tico'n, ri aj madianib, ri aj amalesib xukuje' ri winak aj elebal k'ij quepe chquij.

Salmib 83:7

ri Jebal, ri Amon xukuje' ri Amalec, ri aj pilisteyib ri e jekel pa Tir,

Nabe Samuel 30:1

Churox k'ij, ri David xukuje' tak ri rachijab xebopan pa Siclag, xequirika' chi ri aj amalesib xeboc pa ri Negueb xquiban c'ax che ri Siclag, xquic'äjij, xquinicowisaj.

Nabe Samuel 14:48

Xebumulij ajch'ojab, xbe c'u che u ch'äquic ri Amalec, xucol c'ut ri Israel pa qui k'ab tak ri eläk'omab.

Ajilanic 24:20

Xril c'u apanok ri Balaam ri Amalec, xuya' c'u u bixic ri cac'ulmataj na: “Ri Amalec are jun nim tinimit ri nim u banic, xa c'u kas casachisax na u wäch.”

Ajilanic 14:45

Xebel c'u ulok ri aj amalesib xukuje' ri aj cananeyib ri e jekel chupam ri ulew ri', xecokataj c'ut ri aj israelib c'ä pa Horm, xech'äcataj c'u cumal.

Ajilanic 14:25

(Ri aj amalesib xukuje' ri aj cananeyib e jekel pa ri lianic.) Are c'u ri ix, chixtzelej pa iwakan chwek chitakej i be pa ri chaki'j uwo sak chusuq'uil ri Quiäk Plo.”

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Chapletajic 14:7

Aretak xtzelej ri Quedorlaomer xukuje' ri e rachil, xebopan pa En-mispat, ri cäbix Cades che. Xequisach qui wäch conojel ri winak ri xequirik pa tak ri be pa ri culew ri aj amalesib, xukuje' je xquiban chque ri aj amoreyib ri e jekel pa ri ulew re Hazezon-tamar.

Ajilanic 13:17

Xebutak c'u bic ri Moises che retamaxic u wäch ri ulew re Canaan, xubij c'u bic chque: “Jix pa ri Negueb chixpakal bic pa ri ulew ri c'o wi c'ächelaj.

Ajilanic 13:30

Are c'u ri Caleb xquitz'apij u pa qui chi' ri winak ri e c'o chuwäch ri Moises, xubij c'ut: “¡Cujbe ba' che u ch'äquic we ulew ri'! ¡Uj cujcuin na che u ch'äquic!”

Ri Josue 5:1

Conojel ri cajawinelab ri aj amoreyib ri e c'o pa ri u kajebal k'ij che ri Jordan, xukuje' tak ri cajawinelab ri aj cananeyib ri e c'o chuchi' ri Plo Mediteran, xoc pa qui jolom chi ri Ajawaxel xuchaki'jarisaj ri u ja'il ri nima' Jordan aretak xeboc'ow ri aj israelib chupam, sibalaj c'u xuya' xe'n ib chque, man c'u xquichajij ta anima' che u banic ch'o'j cuc' ri aj israelib.

Ri Josue 9:1

Ri cajawinelab ri hititib, ri amoreyib, ri cananeyib, ri perezeyib, ri hebeyib xukuje' ri jebuseyib xquinabej ri c'ulmatajinak. (We ajawinelab tak ri' e jekel pa ri u kajebal k'ij che ri u chi' ri nima' Jordan, pa tak ri c'ache'laj, pa tak ri lianic xukuje' pa ronojel ri tak'aj chuchi' ri Plo Mediteran quetakal c'ä ruc' ri rulewal ri Libano).

Ri Josue 10:5

Je c'u ri' ri job cajawinelab ri aj amoreyib ri ajawinel re Jerusalen, re Hebron, re Jarmut, aj Lacs xukuje' Eglon, xquimulij quib xquitakej qui be junam cuc' ri cajch'ojab che u mulixic quib chuwäch ri Gabaon che u banic ch'o'j ruc'.

Ri Josue 10:6

Are' c'u ri e jekel pa Gabaon, xquitak u bixic we takquil ri' che ri Josue, ri c'o pa ri kajebal pa Jilgal: “Mak'il ib la che qui to'ic ri pataninel tak ech la. Pet la chanim che ka to'ic, conojel c'ut ri cajawinelab ri aj amoreyib ri e c'o pa tak ri juyub quirikom quib che u banic ch'o'j kuc'.”

Nabe Samuel 7:14

Ri e tinimit tak ri qui majom ri aj pilisteyib chque ri aj israelib, cächaptaj c'ä pa Ecron queq'uis c'ä pa Gat, xetzelej chi jumul pa qui k'ab ri aj israelib. Jewa' ri xquiban ri aj israelib che u to'tajisaxic ri culew pa qui k'ab ri aj pilisteyib, xc'oji' c'u jamaril chquixo'l ri aj israelib cuc' ri aj amoreyib.

U Camulixic ri Pixab 7:1

“Ri Ajawaxel, ri i Dios, quixroquisaj na pa ri ulew ri quic'am che iwechbal, queresaj c'u na bic chiwäch wukub nimak tak tinimit ri e nimak na xukuje' c'o na qui chuk'ab chiwäch ix, e are wa' ri aj hititib, ri aj jerjeseyib, ri aj amoreyib, ri aj cananeyib, ri aj perezeyib, ri aj hebeyib xukuje' ri aj jebuseyib.

U Camulixic ri Pixab 20:17

xane' quebicämisaj jacha' che tabal tok'ob ri quichi'j che ri Ajawaxel. Ri aj hititib, ri aj amoreyib, ri aj cananeyib, ri aj perezeyib ri aj hebeyib xukuje' ri aj jebuseyib jas ri takanic ri u yo'm chiwe,

Ri Josue 3:10

Are' cac'utuw wa' chi ri c'aslic Dios c'o pa i niq'uiajil, quebupac c'ut ri aj cananeyib ri quebirik pa ri i be, ri aj hititib, ri aj hebeyib, ri aj perezeyib, ri aj jerjeseyib, ri aj amoreyib xukuje' ri aj jebuseyib.

K'atal tak Tzij 3:5

Jeri' ri aj israelib xquichaplej ri qui c'aslemal chquixo'l ri aj cananeyib, ri aj hititib, ri aj amoreyib, ri aj perezeyib ri aj hebeyib xukuje' ri aj jebuseyib,

Nabe Samuel 27:8

Quel c'u bic che qui ch'äquic ri winak ri e c'o pa Jesur, pa Jezer xukuje' pa Amalec, ri e c'o pa ri ulew ri', pa Telaim, che u suq'uil ri Xur, c'a pa Ejipt.

Ri Nehemiy 9:8

Xil la chi u jiquibam u c'u'x chij la, xban la jun c'ulwächinic ruc': chi cäya' la chque ri rija'lil ri culew ri aj cananeyib, ri aj hititib, ri aj amoreyib, ri aj perezeyib, ri aj jebuseyib xukuje' ri aj jerjeseyib; ¡Tz'akatisam ri tzij la, amak'el c'ut cätz'akatisaj la!