Ajilanic 12:6 - Quiché Bible

⁶ ri Ajawaxel xubij chque: “Chitatabej wa' ri quinbij chiwe: Aretak c'o jun k'axal tzij chixo'l wumal in, in quink'alajisaj wib chuwäch pa tak c'utwächinic xukuje' quinch'abej pa tak ichic';

Ajilanic 12:6 Referans Kwoze

Nabe Ajawinelab 3:5

Pa jun chak'ab c'ut xuc'ut rib ri Ajawaxel chuwäch ri Salomon pa ri richic' xubij c'u che: “Chatz'onoj ri cawaj, ri in quinya' c'u na chawe.”

Chapletajic 46:2

Pa ri chak'ab ri' ri Dios xuch'abej ri Israel pa jun c'utwächinic, xucoj ri u bi' che u siq'uixic, Jacob, ri are' xutzelej u bixic: “In c'o waral.”

Ri Lucax 1:22

Aretak xel ulok, man xcuin ta che qui ch'abexic ri winak. Xquich'obo chi aretak c'o pa ri rachoch Dios, xril jun c'utwächinic. Ri are' xak ruc' ri u k'ab xebuch'abej, xmemar c'u canok.

Ri Lucax 1:11

Ri tako'n aj caj re ri Ajawaxel xuc'ut rib chuwäch ri Zacariy, tac'al pa ri u wiquiak'ab ri porobal c'oc' k'ol.

Ri Daniel 10:8

Xincanaj c'u can nu tuquel, xinwil c'ut we nimalaj c'utwächinic ri'. Sibalaj c'u xinsakmaquic xinna' c'ut chi xbe ri nu chuk'ab.

Ri Ezequiel 1:1

In, ri cojol tabal tok'ob Ezequiel, u c'ojol ri Buzi, c'o jun k'ij in c'o chuchi' ri nima' Quebar, pa Babilon, in c'o chquixo'l ri e yo'm pa jun ulew chic. Xjaktaj c'ut ri caj, xinwil c'ut ri Dios pa jun c'utwächinic. Pa ri job rajilabal ri ucaj ic' re ri junab juwinak lajuj (30), job (5) junab chi c'ut c'amom chi ulok ri ajawinel Joaquin jacha' che lok'om pataninel. Ri Ajawaxel xuya' ri u k'ab panuwi'.

Hechos 10:11

Xril ri caj jakalic, cätajin cäkaj ulok jun jasach, je ta ne ri u banic jun nimalaj sak atz'iak, are wa' xkasax ulok che ri quiejeb u tza'm, c'ä cho ri ulew.

Ri Matey 1:20

Aretak ri Jose cätajin cuchomaj wa', xpe jun tako'n aj caj re ri Ajawaxel, xuc'ut rib chuwäch pa ichic', xubij: “Jose, rija'l ri David, maxe'j awib che u c'amic ri Mariy che awixokil. Rumal rech chi ri ral ri cäc'oji' na are rumal ri Ruxlabal ri Dios.

Ri Daniel 8:2

Aretak cätajin quinwil ri c'utwächinic xinna' wib chi in c'o pa ri tinimit Sus, ri c'o chuxe' ri u takanic ri Elam, chuchi' ri nima' Ulay.

Ri Matey 2:19

Cäminak chi c'u ri Herod, jun u tako'n aj caj ri Ajawaxel, xuc'ut rib pa ichic' chuwäch ri Jose pa Ejipt.

Ri Daniel 7:1

Jun chak'ab, chupam ri nabe junab re ri rajawinic ri Belsasar pa Babilon, ri Daniel xuban jun ichic' xukuje' tak c'utwächinic. Aretak c'u xc'astajic, xebutz'ibaj ri jastak ri nimak qui banic ri xerichic'aj. Are c'u wa' ri xutz'ibaj:

Ri Jeremiy 23:28

¡We jun k'axal tzij c'o jun richic', chubij chi jun ichic', we c'u cuc'am ri nu tzij chuya' u bixic ruc' jicomal! Man cuya' taj cajunamataj ta ri pajo ruc' ri trico. Ri nu tzij jacha' ri k'ak', jacha' jun bajibal ri cuban ch'akatak che ri abaj. In ri Ajawaxel quinjiquiba' u bixic.

Salmib 105:15

“Mebichap ri e cha'tajinak wumal, mawi c'ax mixch'aw chque ri e k'axal tak nu tzij.”

Salmib 89:19

Pa jun k'ijol ojer xch'aw la ulok pa jun c'utwächinic, xbij la chque ri jicalaj tak pataninel tak ech la: “Nu cha'om jun aj nu tinimit ri c'o u chuk'ab, nu nimarisam u k'ij nu to'm c'ut.”

Ri Job 33:15

C'o jutak mul cuban chak'ab, chupam jun ichic' o pa jun c'utwächinic, aretak ri winak quewar chic, aretak e majtajinak chic rumal ri waram.

Ri Job 4:13

Chak'ab, aretak cakaj ri waram paquiwi' ri winak,

Elem 7:1

Xubij c'u ri Ajawaxel che ri Moises: “Chawilampe', quinya' chawe chi caban nu q'uexwäch ruc' ri paraon ri ajawinel, are c'u ri awachalal Aaron are ri cäch'aw che a q'uexwäch ruc' ri ajawinel.

Chapletajic 20:7

Chatzelej ba' ri rixokil we achi ri', ri are' k'axal c'u tzij cutz'onoj c'u tok'ob pawi' rech catc'asi' na, we c'u man catzelej che, ri at xukuje' ri e c'o pa ri awachoch quixcäm na.”

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Apocalipsis 11:10

Ri e jekel cho ri uwächulew quequicot na che ri qui cämical. Cäquiban na nimak'ij, cäquitakala' na sipanic chquixo'l. Rumal rech chi we e quieb k'axal tzij ri' qui banom c'ax chque ri e jekel cho ri uwächulew.

Apocalipsis 11:3

Quinya' na chque ri quieb nu k'alajisanelab, chi cäquitzijoj na ri nu tzij jun mil quieb sient oxc'al (1260) k'ij, qui cojom wakwoj catz'iak che u c'utic chi quebisonic.”

Efesios 4:11

Jujun xebucoj che takomxenlab, niq'uiaj chic che k'axal tak u tzij ri Dios, jujun chic xuya' chque chi cäquitzijoj ri tzij re colobal ib, niq'uiaj chic xebucoj che ajyuk'ab xukuje' che tijonelab.

Hechos 10:17

Ri Lu' cätajin cäsach u c'u'x chi jas ri' ri jun jasach ri xc'utwächin chuwäch rumal ri Dios, aretak ri achijab ri xetak bic rumal ri Cornel, xequirika' ri rachoch ri Simon, e tac'atoj cho ri uchi'be.

Ri Lucax 20:6

We c'u cäkabij que ri winak, conojel ri winak cujquibuc' na che abaj. Elinak c'u chi sak chquiwäch ri winak chi ri Xuan are' k'axal tzij.”

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Ri Matey 23:34

Rumal ri', chiwilampe'. Quebentak bic k'axal tak tzij iwuc', quebentak bic winak c'o qui no'j xukuje' ajtijab. Jujun chque wa' quebicämisaj na, quebirip na. Jujun chic quebich'ay na pa tak ri ja ri quitijoj wi iwib che ri pixab, quebic'axc'obisaj na pa tak tinimit chi tinimit.

Ri Matey 23:31

Je c'u ri', quik'alajisaj iwib chi ix quija'l ri xecämisan ri e k'axal tak tzij.

Ri Matey 27:19

Aretak ri Pilat t'uyul puwi' ri tem jawije' cuk'at wi tzij, ri rixokil xtakan bic ruc' che u bixic che: “C'o jas maban che we suc'alaj achi ri'. Q'uialaj c'ax c'ut xinrik pa ichic' mier rumal rech ri are.”

Hebreos 1:1

Ri Dios q'ui mul xebuch'abej can ri e ka mam ojer, q'ui qui ch'abexic xubano cumal ri k'axal tak tzij.

Chapletajic 28:12

Xuban jun ichic' chila', xril jun k'a'm ri tac'al cho ri ulew ri copan c'ä chicaj, ri quepaki' wi xukuje' quexuli' wi ri u tako'nib aj caj ri Dios.

Ajilanic 24:4

chi aretak cämajitajic sibalaj cäca'y na chi sak, ri quebuc'am tak tzijol xukuje' queril c'utwächinic ri cuc'ut ri Dios chuwäch ri c'o ronojel u cuinem.

Nabe Samuel 3:15

Aretak xbitaj wa' che ri Samuel xk'oyic c'äte xwalij chucab k'ij, xebujak c'ut ri u chi' ri rachoch ri Ajawaxel. Ri Samuel cuxe'j rib che u tzijoxic che ri Eli ri c'utwächinic ri rilom,

Nabe Samuel 28:6

Xutz'onoj c'u u no'j che ri Ajawaxel, ri Ajawaxel man c'o ta xutzelej u bixic che mawi pa u waram mawi rumal Urim, mawi cumal e k'axal tzij.

Nabe Ajawinelab 3:15

Aretak xc'astaj ri Salomon xuch'obo chi ichic' ri xubano. Aretak c'u xopan pa Jerusalen, xuya' rib chuwäch ri caxa re ri u c'ulwächinic ri Ajawaxel, xebuchi'j tabal tak tok'ob ri quechajirisaxic xukuje' tabal tak tok'ob re utzirisan ib. Xucoj na jun wa'im chquiwäch ri rach k'atal tak tzij.

Ri Jeremiy 23:25

Ri in nu tom ri xquibij tak we e k'axal tak tzij, xquik'axaj banoj tzij pa ri nu bi', je c'u caquibij wa: xtzijon wuc' pa ichic'.

Ri Daniel 2:19

Pa ri ak'ab ri' ri awatalic xc'utunisax chuwäch ri Daniel pa jun c'utwächinic, rumal c'u wa' ri Daniel xutewichi'j ri Dios ri c'o pa ri caj

Chapletajic 28:16

Aretak xc'astaj ri Jacob che ri u waram, xpe pa u jolom, xubij: “Kas ba' c'o ri Ajawaxel waral, man c'u weta'm ta in.”

Chapletajic 37:5

Xurika' c'u jun k'ij ri Jose xuban jun richic', xutzijoj c'u chque ri rachalal, xa c'u sibalaj xquetzelaj chi na u wäch.

Chapletajic 37:9

Xuban chi c'u jun ichic' ri Jose ri xukuje' xutzijoj chque ri rachalal. Xubij chque: “¿La iweta'm, xinban chi jun ichic', ri xinwil wi chi ri k'ij, ri ic' xukuje' julajuj (11) ch'imil caquimejela' quib chnuwäch?”

U Camulixic ri Pixab 18:15

“Ri Ajawaxel ri i Dios cuban na chi cäwalij na jun k'axal tzij chixo'l jacha' ri in, rajawaxic c'ut quixniman che.

U Camulixic ri Pixab 18:18

Ri in quinwalijisaj na jun k'axal tzij chquixo'l jacha' ri at, jun ri kas qui winakil, cubij c'u chque ri quintak che u bixic, chucamulij c'u u bixic ri quintak wi.

Nabe Samuel 3:21

Xuc'ut chi c'u rib ri Ajawaxel jumul pa Sil, chila' c'u cuya' wi u k'alajisaxic che ri Samuel ri cäraj chi quetamaxic; cuya' c'u na u bixic ri Samuel che ronojel ri Israel.

Ucab Samuel 7:4

Kas c'u pa ri chak'ab ri', ri Ajawaxel xtzijon ruc' ri Natan, xubij che:

Ri Osey 12:11

Pa Galaad e c'o diosib ri quequik'ijilaj tak ri winak ri xa e subunelab. Pa Jilgal quechi'x tabal tak tok'ob que ama'ib tak wacax; ri e qui porobal xa' e jacha' jumulaj tak abaj ri e c'o xo'l tak ri bolaj pa tak ri ulew.”

Ri Joel 3:1

Cächa' ri Ajawaxel: “Aretak chopan we jok'otaj ri' quinban na chi cäq'uextaj ri u taklebem ri Juda xukuje' ri Jerusalen.

Ri Zacariy 1:8

C'o jun ak'ab xinwil jun c'utwächinic: Xinwil jun ajquiej ri quiejeninak chrij jun quiej quiäk rij. Tac'al pa jun beya', chquixo'l tak ri k'echob, e c'o chi juk'at quiej chrij, jujun e quiäk, jujun chic tz'iquitz'ak quij, jujun chic c'ut e sak.