Ajilanic 11:25 - Quiché Bible

²⁵ Xkaj c'u ulok ri Ajawaxel pa ri sutz' xch'aw c'u ruc' ri Moises; xuc'am c'u niq'uiaj ri uxlabal ri c'o ruc' ri Moises xuya' c'u chque ri oxc'al lajuj nimak tak tatayib. Xak xuwi c'u xjeki' ri uxlabal paquiwi' xquichaplej u k'axexic u tzij ri Dios; man xban ta chi c'u jumul wa'.

Ajilanic 11:25 Referans Kwoze

Ajilanic 11:17

In quinkaj na bic quinch'aw c'u na awuc' chila', quinc'am c'u na niq'uiaj ri uxlabal ri c'o awuc' quinya' c'u na chque rech catquito' che u c'amic bic we tinimit ri'. Jeri' man xak ta a tuquiel catc'ojic.

Nabe Samuel 10:10

Aretak xopan ri Saul pa Gabaa rachil ri pataninel rech, xebel ulok ri jumulaj e k'axal tak tzij ri xebel ulok che u c'ulaxic. Are' c'u ri ruxlabal ri Dios xkaj puwi' ri Saul, xcoj c'u che u k'axexic tzij e jacha' ri are'.

Ajilanic 12:5

Xkaj c'u ulok ri Ajawaxel chupam jun tzatzalaj sutz' xuya' c'u rib chuchi' ri oquibal chupam ri Lic'om Rachoch Dios; xusiq'uij c'ut ri Aaron xukuje' ri Mariy, aretak c'ut xequitac'aba' quib,

2 Pedro 1:21

Ri qui tzij c'ut ri k'axal tak tzij man xpe ta ojer xa' rumal ri u rayibal jun winak, xane' e winak ri xquiya' quib pa u k'ab ri Dios ri xetzijonic, xya' qui no'j rumal ri Ruxlabal ri Dios.

Ucab Ajawinelab 2:15

Ri e k'axal tzij ri e c'o pa Jerico, ri e c'o ulok chuwäch, xquibij aretak xquilo: “¡Ri ruxlabal ri Eliy xjeki' camic puwi' ri Elisey!” Xebe c'u che u c'ulaxic, xquimejela' c'u quib chuwäch.

Santiago 1:17

Ronojel utzalaj sipanic, ronojel tz'akatalaj sipanic chicaj cäpe wi. Cäkaj ulok ruc' ri Dios ri xebuban ri sakil chicaj. Ri are' man cäq'uextaj taj. Ruc' ri are' man c'o ta u nanoch' ri q'uextajic.

1 Corintios 14:32

Ri u ya'ic qui tzijol ri cubij Dios rajawaxic cu na ri cubij ruc' ri cubano, rajawaxic cätakan puwi'.

Hechos 11:28

Jun chque wa' are Agab u bi', ri are' xtaq'ui'c, xuk'alajisaj rumal ri Uxlabaxel chi cäpe na jun nimalaj wi'jal cho ronojel ri uwächulew. Xpe c'u wa' pa tak ri k'ij aretak ri Clawd are k'atal tzij.

Salmib 99:7

Ri Dios xtzijon cuc' chupam ri jutac'aj sutz', ri e are' xquibano jas ri xetak wi rumal xukuje' xquinimaj ri pixab ri xuya' chque.

Elem 40:38

Pa ronojel c'ut ri qui binem ri aj israelib, chquiwäch c'u conojel ri e are', ri u sutz' ri Ajawaxel, cäc'oji' puwi' ri k'ijilabal, ronojel ri jun k'ij, ronojel c'u ri jun chak'ab cac'oji' jun k'ak' puwi'.

Elem 34:5

Xkaj c'u ulok ri Ajawaxel pa jun sutz', xc'oji' c'u chila' ruc' ri Moises, xubij c'ut ri kas u bi'.

Ajilanic 27:18

Ri Ajawaxel xutzelej c'u u bixic che ri Moises: “Ri Josue (u c'ojol ri Nun) are jun achi re uxlabal. Chamajij chebaya' ri ak'ab puwi' ri u jolom.

K'atal tak Tzij 3:10

Ri ruxlabal ri Ajawaxel xpe puwi' ri Otoniel, xuc'am c'u qui be ri aj israelib, xebe pa ri ch'o'j, ri Ajawaxel xuya' che chi xch'äcan puwi' ri Cusan-risataim.

Ri Isaiy 63:11

Ri e are xnataj ri ojer tak k'ijol chque aretak ri Moises xucol ri u tinimit, quec'olow c'u chi'aj: “¿Jawije' c'o wi ri Dios ri xcolow ri Moises pa ri nim ja' Nil, ri yukul rech ri u jumulaj? ¿Jawije' c'o wi ri xcojow ri Ruxlabal ri Dios pa ri ranima' ri Moises,

Ri Ezequiel 8:11

E oxc'al lajuj (70) nimak tak tatayib aj israelib, are c'u ne jun ri Jaazaniy, ri u c'ojol ri Sapan, quequiya' k'ijilanic chque tak ri e diosib. Chquijujunal c'o jun bukibal pa u k'ab, ri capaki' wi jun tzatzalaj u sibal c'oc'alaj k'ol.

Elem 32:32

Quintz'onoj tok'ob che la chi cäsach la qui mac, we c'u man caj la cäsach la qui mac, chesaj la ri nu bi' chupam ri wuj ri tz'ibam la.”

Ajilanic 16:25

Ri Moises xwalijic, terenetal cumal ri nimak tak tatayib re Israel, xbe c'ut jawije' ri e c'o wi ri Datan xukuje' ri Abiram.

Ajilanic 24:2

Aretak c'u xril ri Balaam chi ri Israel quicholajim quib pa tak amak', xmajix rumal ri ruxlabal ri Dios;

Ri Nehemiy 9:20

Xya' c'u ne la que ri utzalaj uxlabal la che qui tijoxic; mawi jumul ma ta xopan ri jaswa' pa qui chi' ri xtak la ulok chque, xaya' la qui ja' che resaxic ri qui chaki'j chi'.