Ajilanic 11:20 - Quiché Bible

²⁰ Jun ic' cäbeytaj na u tijic ri ti'j cumal, c'ä quebel na ulok pa tak qui tza'm chuya' c'u muluj c'uxaj chque, rumal rech chi in qui xutum in, ri Ajawaxel, ri in c'o pa qui niq'uiajil, e ok'inak quibim c'ut chnuwäch in: ‘¿Jasche xujel ulok pa Ejipt?’ ”

Ajilanic 11:20 Referans Kwoze

Salmib 106:15

Ri Dios xuya' chque ri xquitz'onoj, xutak c'u ne' ulok jun cämisanel yabil paquiwi'.

Ajilanic 21:5

xquichaplej c'u u c'ulelaxic ri Dios xukuje' ri Moises. Je c'u xquibij wa': “¿Jasche xujiwesaj ulok pa Ejipt, rech quiban chke chi cujcäm chupam ri chaki'j uwo sak? Mawi ta ne ka ja' c'olic mawi ka wa. ¡Q'uistajinak chic ka c'u'x che we wa ri' ri xak capatzowic!”

Nabe Samuel 10:19

Are' c'u ri ix camic quiwetzelaj u wäch ri i Dios; ri ix resam pa conojel tak ri u q'ueyowal xukuje' pa tak ri rikoj tak c'ax, i xutum c'ut aretak i tz'onon jun iwajawinel ri cätakan piwi'. Rumal ri', chixeltac'al chuwäch ri Ajawaxel camic pa tak amak' pa tak u k'ab achalaxic.”

1 Tesalonicenses 4:8

Je c'u ri' xa apachin ri man nim ta cäril wi we tzij ri', man are' ta ri winak ri man nim ta cärilo, xane' are' man nim ta cäril wi ri Dios ri yowinak ri Ruxlabal chke.

Hechos 13:41

Chixul ba' pa sak, ri ix xutunelab; chixmayinok, chsach i wäch. Quinban c'u na jun nu chac pa tak we i k'ij ri', chac ri man quicoj ta ri', we ta c'o jachin cätzijon chiwe.”

Ri Malaquiy 1:6

Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’

E C'ambal tak Tzij 27:7

Ri nojinak, cäretzelaj c'u ne na ri u wäch ri juyubal räx cab; ri c'o u numic, xukuje' ne ri c'a qui' cuna' na.

Ucab Samuel 12:10

Xawetzelaj c'u nu wäch aretak xatokij ri rixokil ri Uriy ri aj hitit rech xaban awixokil che, mawi c'u jubik' cätastaj ri u banic ri etzelal pa ri awachoch.

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.

Ri Josue 24:27

xubij c'u che ronojel ri tinimit: “We abaj ri' cajwataj che k'alajisanel, are' c'u k'alajisanel che ronojel ri u bim ri Ajawaxel chke. Jun k'alajisanel wa' chiwij, rech man quixux ta banal tzij chuwäch ri Dios.”

Elem 16:13

Pa ri u benabal k'ij ri' xepe sakco'r, ri xquinojisaj u wäch ri ulew re ri kajebal, pa ri u sakaric c'o jun räxk'ab pa tak u xcut ri kajebal.

Elem 16:8

Xubij chi c'u ri Moises chque ri aj israelib: “Ri Ajawaxel benak k'ij cuya' na i ti', ak'ab cuya' na i wa ri tz'ebetalic, u tom c'ut chi c'ax quixch'aw chrij. ¿Jas ta ri ka banic uj? Man chkij ta c'u uj c'ax xixch'aw wi xane' chrij ri Ajawaxel.”

Ajilanic 11:19

man xa ta c'u jun k'ij o quieb, mawi job o lajuj o juwinak k'ij. Jayi'.

Ajilanic 11:21

Xutzelej c'ut u bixic ri Moises: “Ri winak ri e petinak wuc' e wakib sient mil (600,000) achijab ri e tac'al puwi' ri cakan, ¿la cäbij c'u la chi cäya' la ti'j chke chi cakatij ti'j ronojel ri jun ic'?

Elem 16:3

Je c'u xquibij wa' chque: “¡C'o ta banom wi chi xuban ta ri Ajawaxel chi xujcäm ta pa Ejipt! Chila' xujt'uyi wi chquinakaj ri jujun tak t'uy ti'j, cuj wa' c'ut c'ä cujnoj na, ri ix c'ut xujic'am ulok pa we chaki'j uwo sak ri' che ka cämisaxic konojel rumal wi'jal.”

Ajilanic 11:13

¿Jawije' ta lo quebenc'ama' wi ti'j che u ya'ic qui ti' we winak ri'? Quebok'ic quepe che u bixic chwe: ‘Chaya' ti'j chke che u tijic.’

Ajilanic 14:3

¿Jasche xujuc'am ulok ri Ajawaxel chupam we ulew ri'? ¿Rech cujcäm chupam ri ch'o'j, e are' c'u ri kixokil xukuje' tak ri kalc'ual quekaj pa qui k'ab ri c'ulel? ¡Are utz na chke chi chujtzelej pa Ejipt!”

Ajilanic 14:4

Xquichaplej u bixic chquixo'l: “¡Kacojo' jun che c'amal ka be chujtzelej c'u pa Ejipt!”

Ajilanic 16:13

¿La xa man nim ta cawilo chi xujawesaj ulok chupam jun ulew ri cabelel wi ri leche xukuje' ri juyubal räx cab jacha' ta ne ri ja', rech caban chke chi cujcäm chupam ri chaki'j uwo sak, ri are c'u cawaj catux nimalaj c'amal ka be?

Ajilanic 20:4

¿Jasche xic'am ulok ri u tinimit ri Ajawaxel chupam we chaki'j uwo sak ri'? ¿La are ta lo quiwaj chi cujcäm ta uj xukuje' tak ri kawaj?