Ajilanic 11:16 - Quiché Bible

¹⁶ Are c'u ri Ajawaxel xutzelej u bixic chwe: “Chebamulij oxc'al lajuj nimak tak tatayib aj israelib, ri e aweta'm qui wäch chi c'o qui takanic chquixo'l ri winak, chebac'ama' c'u ulok chupam ri Lic'om Rachoch Dios re rikoj ib che eyem c'u chila' awuc'.

Ajilanic 11:16 Referans Kwoze

Elem 24:1

Ri Ajawaxel xubij che ri Moises: “Chatpakal ulok pa ri c'olbal ri in c'o wi, chawachilaj ulok ri Aaron, ri Nadab, ri Abiu xukuje' oxc'al lajuj (70) nimak tak tatayib re Israel, naj c'u jubik' checanaj wi canok chexucul chila'.

Elem 24:9

Xpaki' c'u ri Moises puwi' ri juyub rachilam ri Aaron, ri Nadab, ri Abiu xukuje' ri e oxc'al lajuj (70) nimak tak tatayib re Israel.

U Camulixic ri Pixab 16:18

“Chebicojo' k'atal tak tzij xukuje' takanelab paquiwi' conojel ri tinimit tak ri cuya' ri Ajawaxel ri i Dios chiwe chque jujun tak amak', rech cäquik'at tzij paquiwi' ri tinimit ruc' kas suq'uilal.

U Camulixic ri Pixab 1:15

Xebenwesaj c'u pa jujun tak amak' achijab ri c'o na qui no'j, xukuje' elinak chic qui no'j, xinya' c'u takanic pa qui k'ab rech quetakan piwi'; jujun xebencoj puwi' jun mil (1000) achijab, niq'uiaj chic xebencoj puwi' jun sient (100), niq'uiaj chic puwi' cawinak lajuj (50), niq'uiaj chic puwi' lajuj (10) jujun chi c'ut xinya' takanic pa qui k'ab rech quetakan paquiwi' jujun tak amak'.

Chapletajic 46:27

Ri e u c'ojol ri Jose ri xil qui wäch pa Ejipt e quieb. Conojel ri e rachalaxic ri Jacob ri xebopan pa Ejipt e oxc'al lajuj (70).

Ri Lucax 10:17

Xetzelej ulok ri oxc'al cablajuj (72) ruc' quicotemal, xquibij: “Kajaw, xukuje' ne ri itzel tak uxlabal cäquiya' quib pa takic chke pa ri bi' la.”

Ri Lucax 10:1

E bantajinak chi c'u we jastak ri', ri Ajawaxel xebucha' jujun chic, e oxc'al cablajuj (72). Pa cacabil xebutak bic rech quenabej bic chuwäch, pa ronojel tinimit, pa ronojel c'olbal ri cäbe wi na ri are'.

Ri Ezequiel 8:11

E oxc'al lajuj (70) nimak tak tatayib aj israelib, are c'u ne jun ri Jaazaniy, ri u c'ojol ri Sapan, quequiya' k'ijilanic chque tak ri e diosib. Chquijujunal c'o jun bukibal pa u k'ab, ri capaki' wi jun tzatzalaj u sibal c'oc'alaj k'ol.

Elem 4:29

E quieb c'ut xebe che quimulixic ri nimak tak tatayib aj israelib,

U Camulixic ri Pixab 31:28

Chebic'ama' ulok waral conojel ri nimak tak tatayib, ri e c'amal tak qui be tak ri e iwamak', rech quinbij we tzij ri' chque, quebencoj c'u ri caj ulew che k'alajisanelab che qui c'ulelaxic.

Elem 18:25

Xebucha' achijab ri c'o qui no'j chquixo'l conojel ri aj israelib, xuya' takanic pa qui k'ab paquiwi' jujun mil winak, jujun tak sient, cawinak lajuj, xukuje' lajujitak winak.

Ajilanic 11:24

Ri Moises xel bic xbe che u bixic che ri tinimit ri u bim ri Ajawaxel che, xebumulij c'u oxc'al lajuj nimak tak tatayib aj israelib xebucholajij c'u chrij ri Lic'om Rachoch Dios.

Ri Jeremiy 19:1

Ri Ajawaxel xubij chwe: “Jät jalok'o jun k'ebal re t'ac, chebasiq'uij jujun nimak tak tatayib rech ri tinimit xukuje' jujun tak cojol tabal tak tok'ob ri e ri'jab chic.

Ajilanic 16:25

Ri Moises xwalijic, terenetal cumal ri nimak tak tatayib re Israel, xbe c'ut jawije' ri e c'o wi ri Datan xukuje' ri Abiram.