Ajilanic 10:33 - Quiché Bible

³³ Je c'u ri' xebel bic chupam ri u juyub ri Ajawaxel oxib k'ij c'ut xebinic. Ri u caxa ri Ajawaxel re ri c'ulwächinic are ri benak nabe chquiwäch, cätajin cutzucuj jun c'olbal chque ri caban wi uxlanem.

Ajilanic 10:33 Referans Kwoze

U Camulixic ri Pixab 1:33

ri canabej chiwäch che u ch'aic ri c'olbal ri quixekaj wi. Chak'ab ruc' k'ak' cuc'ut ri i be ri rajawaxic quiterenej, pa k'ij ruc' jun sutz' cuc'am ri i be.”

Elem 3:1

Ri Moises cätajin quebuyuk'uj ri u chij ri Jetro ri u ji', ri xukuje' cäbix Reuel che, ri cojol tabal tok'ob re Madian, xurika' c'u jun k'ij xebuc'am bic ri chij pa ri chaki'j uwo sak, xopan c'ä pa ri juyub Horeb ri cäbix u juyub ri Dios che.

Hebreos 13:20

Are ba' ri Dios ri cäyo'w jamaril chixo'l, ri xc'astajisan ri Kajaw Jesucrist chquixo'l ri cäminakib, are wa' ri nimalaj Cajyuk' ri chij rumal ri quic' re ri junalic c'ulwächinic,

Ri Ezequiel 20:6

Pa ri k'ij ri' xinya' nu tzij che quesaxic ulok pa Ejipt quebenc'am c'u bic pa jun ulew jawije' ri cabelel wi ri leche xukuje' ri u juyubal räx cab jacha' ri ja', ¡ri ulew sibalaj je'l na chquiwäch conojel!

Ri Jeremiy 6:16

Ri Ajawaxel cubij che ri u tinimit: “Chixtac'al pa tak ri be chixca'y c'ut, chich'obo' jachique tak ri ojer tak be, ri c'o wi ri utzalaj be; chitakej quirik c'u na ri uxlanem.” Caquibij c'ut ri e are': “Jayi', man cäkaj taj cäkatakej.”

Ri Jeremiy 3:16

Aretak c'u ri ix ix q'uiyirinak chic chupam ri ulew, e q'ui chi c'ut ri e iwalc'ual e c'olic, man c'o ta chi c'u jun c'o ta chi jas cubij chrij ri caxa rech ri u c'ulwächinic ri Ajawaxel; man c'o ta chi c'u jun cachoman ta chi che mawi canataj ta chi che; man cajwataj ta chi c'ut mawi cäban ta chi jun c'ac'. In, ri Ajawaxel, quinya' ri nu tzij.

Ri Isaiy 66:1

Ri Ajawaxel cubij: “Ri caj are nu tem re ajawibal are c'u ri ulew are qui tac'alibal ri wakan. ¿Jawije' ta lo ri caban ta wi cuinem che u yaquic jun ja chwe? ¿Jawije' ta lo ri caban ta wi cuinem che u banic jun c'olbal chwe che wuxlanibal?

Ri Isaiy 28:12

Ri are' u bim chi chque nabe: “Waral c'o wi ri jororemal, waral c'o wi ri uxlanem chuxlan ri tukarinak.” Man xeniman ta c'u che.

Salmib 95:11

Rumal ri' xinban ri chi'nic ri kas cäban na pa ri woyowal chi man queboc ta na pa ri nu c'olbal ri quinuxlan wi.”

Nabe Samuel 4:3

Aretak xetzelej ri ajch'ojab aj israelib pa ri kajebal, ri e qui nimak tak tatayib ri aj israelib xquibij: “¿Jasche xuya' c'olbal ri Ajawaxel chi xujquich'äc ri aj pilisteyib camic? ¡Jekac'ama' ulok pa Sil ri caxa ri c'o wi ri u c'ulwächinic ri Ajawaxel, rech cäbin chkaxo'l cujucol c'ut pa qui k'ab ri ka c'ulel!”

K'atal tak Tzij 20:27

Pa tak ri k'ij ri' ri caxa ri c'olotal wi ri u c'ulwächinic ri Dios c'o pa Betel, ri cojol tabal tak tok'ob chuwäch are' ri Pinees, (ri u tat ri Pinees are' ri Eleazar, ri u mam ri Pinees are' ri Aaron). Ri aj israelib xquitz'onoj che ri Ajawaxel: “¿La rajawaxic cujch'ojin chi jumul cuc' ri aj Benjamin ri e kachalaxic o man cujch'ojin taj?” Ri Ajawaxel xubij chque: “Chixch'ojinok, chwek quinbano chi quixch'acanic.”

Ri Josue 4:7

Ix quibij na chque: ‘Aretak ri caxa ri c'o wi ri u c'ulwächinic ri Ajawaxel xoc'ow chupam ri Jordan, ri u ja'il ri nima' xuk'at rib chuwäch ri caxa. We abaj tak ri' quebajwatajic rech amak'el canataj chque ri aj israelib ri xc'ulmataj waral.’ ”

U Camulixic ri Pixab 31:26

“Chic'ama' we wuj ri' re ri pixab, chiya' pa u xcut ri caxa re ri u c'ulwächinic ri Ajawaxel, ri i Dios, rech cäc'oji' chila' jacha' jun k'alajisanel chiwij.

U Camulixic ri Pixab 9:9

Ri in xinpaki' puwi' ri juyub che qui c'amic ulok ri tz'alam tak abaj, ri tz'ibatal wi ri lajuj pixab, xinbeytaj c'u cawinak k'ij, cawinak ak'ab chila', man c'o ta wa xintijo mawi c'o xinwuq'uiaj.

Ajilanic 10:12

Ri aj israelib xquitakej qui be xebel bic chupam ri chaki'j uwo sak re Sinai. Ri sutz' xetok'ol chupam ri chaki'j uwo sak re Paran.

Elem 19:3

Xpaki' c'u ri Moises puwi' ri juyub ri xsiq'uix wi ulok rumal ri Dios xubij c'u che ri Moises: “Jewa' chabij chque ri e rija'lil ri Jacob chque ri aj israelib:

Ri Isaiy 11:10

Pa ri k'ij ri' ri u tux we rab ri' ri are' ri Isayi, cäwalij na jacha' jun etal chque ri tinimit; ri nimak tak tinimit quepe na che u tzucuxic, ri c'olbal c'ut ri cac'oji' wi cux na juluwem.

Ri Jeremiy 31:2

Ri Ajawaxel je cubij wa': “Chupam ri chaki'j uwo sak xinc'ut wib chi sibalaj in utz che ri tinimit ri xto'taj pa u k'ab ri cämical. Aretak ri Israel cutzucuj jun c'olbal re uxlanem,