Ajilanic 10:29 - Quiché Bible

²⁹ Ri u tat ri Hobab are' ri Reuel aj Madian. C'o jun k'ij ri Moises xubij che ri baluc Hobab: “Ri uj cujbe pa ri ulew ri u chi'm ri Ajawaxel chi cuya' chke. Tasaj kuc' cakaban c'u na utzil chawe, ri Ajawaxel u chi'm chi cuban na utzil che ri Israel.”

Ajilanic 10:29 Referans Kwoze

Chapletajic 12:7

Chila' xuc'ut wi rib ri Ajawaxel chuwäch ri Abram, xubij che: “We ulew ri' quinya' na chque ri e awija'lil.” Ri Abram xuban jun porobal chila' ri xuk'ijilaj wi ri Ajawaxel, rumal rech chi chila' xuc'ut wi rib chuwäch.

K'atal tak Tzij 4:11

Chunakaj ri Seds, chuxcut ri bakit ri c'o pa Zaanaim, e c'o wi ri e u cäbal ri lic'om ri Heber ri aj quenit, ri xutas rib chquij ri niq'uiaj aj quenit chic, ri e rija'lil jacha' ri are' xukuje' aj quenit are qui mam ri Hobab ri u ji' ri Moises.

Elem 3:1

Ri Moises cätajin quebuyuk'uj ri u chij ri Jetro ri u ji', ri xukuje' cäbix Reuel che, ri cojol tabal tok'ob re Madian, xurika' c'u jun k'ij xebuc'am bic ri chij pa ri chaki'j uwo sak, xopan c'ä pa ri juyub Horeb ri cäbix u juyub ri Dios che.

Elem 2:18

Aretak xebopan ri alitomab ruc' ri qui tat Reuel xumayo, xuta' chque: “¿Jasche sibalaj chanim xixul camic?”

Chapletajic 32:12

Kas c'u chi sakil bim la chi cäban na la utzil wuc', xukuje' chi ri e wija'lil sibalaj quepok' na je jas ri u q'uial ri sanyeb ri c'o chuchi' ri plo ri man quebajilataj taj.”

Apocalipsis 22:17

Ri Uxlabaxel xukuje' ri rixokil ri Alaj Chij je cäquibij wa': “¡Tasaj!” Apachin ri cätatabenic xukuje' chubij: “¡Tasaj!” Apachin ri cächaki'j u chi', chpetok. Apachin ri cäraj, chuc'ama' re ri ja' rech c'aslemal ri xak cäsipaxic.

Hebreos 6:18

Ri Dios xuya' ri u tzij xukuje' ri jicalaj tzij ri man e q'uexel taj, ri Dios man cäcuin taj cuban tzij, rumal ri' sibalaj co cucu'bisaj ka c'u'x ri uj ri cäkatzucuj ri to'bal kib xukuje' ka chapom ri eyebal ka c'u'x ri yo'm chke.

Ri Tit 1:2

rech cu'l qui c'u'x chi c'o junalic qui c'aslemal, ri u bim ulok ri Dios chi cuya' na. Are ri Dios man banal ta tzij, u bim c'u ulok wa' c'ä majok cätiquitaj ulok ri uwächulew.

Hechos 7:5

Man xuya' ta c'u jun rechbal chupam we ulew ri', mawi ri cutac'aba' wi jun rakan. Xuchi'j c'u che chi cuya' na we ulew ri' che rechbal, xukuje' chque ri e rija'l ri quebalax na. C'ä majok c'ut c'o ralc'ual ri Abraham.

Ri Jeremiy 50:5

Caquitatabela' na jachique ri be ri cäbe pa Sion, quebe c'u na che ri u suq'uil, je c'u cäquibij wa': ‘Jo' ba' ruc' ri Ajawaxel, ka junaj c'u kib ruc' pa jun junalic c'ulwächinic, ri mawi cäsach ta u tza'm.’

Ri Isaiy 2:3

e q'uia tinimit winak quebopanic, cäquibij na: “Tisaj, chujpakal cho ri u juyub ri Ajawaxel, ri rachoch ri u Dios ri Jacob, rech are' quec'utuw tak ri u be chkawäch, cujcuin c'u che binem pa ri alaj tak u be.” Pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij.

Salmib 34:8

Chixtijtobenok, chiwila' c'ut chi utz ri Ajawaxel. ¡Utz re ri winak ri cucu'ba' u c'u'x chrij ri are'!

Nabe Samuel 15:6

xubij chque ri aj quenitab: “Chitasa' iwib. Chixel bic chquixo'l ri aj amalesib, rech man quinsachisaj ta i wäch junam cuc' we winak ri'; ri ix utz xiban chque ri aj israelib aretak qui petic pa Ejipt.” Ri aj quenitab xebel chquixo'l ri aj amalesib.

K'atal tak Tzij 1:16

Ri e rija'lil ri Hobab ri aj quenit, u ji' ri Moises, xebel bic pa ri tinimit ri e c'o wi tut xcachilaj ri ramak' ri Juda, xebe pa ri chaki'j uwo sak re Juda, iquim che ri Arad, xecanaj c'u cuc' ri winak ri e c'o chila'.

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

Elem 18:27

Ri Moises xujach bic ri u ji', xtzelej c'u ri u ji' ri Moises pa ri rulew.

Elem 18:1

Ri Jetro, ri cojol tabal tok'ob pa Madian, u ji' ri Moises, xuta' u tzijol ronojel ri u banom ri Dios che u to'ic ri Moises xukuje' ri u banom che ri u tinimit Israel, xretamaj chi ri Ajawaxel xeresaj ulok ri aj israelib pa Ejipt.

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Chapletajic 15:18

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Chapletajic 13:15

ronojel ri ulew ri cawilo quinya' na chawe, amak'el c'ut awech xukuje' quech ri e awija'lil.

Elem 6:4

Xinban xukuje' jun c'ulwächinic cuc', xinya' c'u nu tzij chi quinya' ri ulew re Canaan chque, ri ulew ri xcokxanij wi na quib quieb oxib junab.

Elem 18:12

Ri Jetro xuc'am jun awaj xuporoj che u ya'ic u k'ij ri Ajawaxel xukuje' niq'uiaj tabal tak tok'ob chic. Xopan c'u ri Aaron e rachilam conojel ri nimak tak tatayib aj israelib che wa'im ruc' ri u ji' ri Moises chuwäch ri Dios.

Ajilanic 10:28

Are cholajil wa' ri caquitakej u banic ri ajch'ojab aj israelib aretak caquimajij ri qui be.

U Camulixic ri Pixab 4:40

Chixoc ba che qui nimaxic ri u pixab, xukuje' tak ri e u takomal ri quinya' chiwe pa we k'ij ri', utz c'u quixel na xukuje' tak ri e iwija'lil, q'ui junab c'ut quixc'asi' na pa ri ulew ri cuya' na ri Ajawaxel ri i Dios chiwe kas xa jumul.”

U Camulixic ri Pixab 30:5

Ri Ajawaxel cuban na chque chi quetzelej chi ulok jumul chupam ri ulew ri xejeki' wi can ri e i mam ix, quixec'ol chi c'u na chupam; cuban c'u na chiwe chi quixpok'colitajic quebuya' c'u na tinimit qui c'ojol chquiwäch ri e qui mam.

Salmib 95:1

Chixpetok, ka bixoj ri Ajawaxel ruc' quicotemal; chujbixon che ri ch'ukul kech xukuje' ka Colonel.

Salmib 100:1

¡Chixbixon che ri Ajawaxel ruc' quicotemal, iwonojel ri ix c'o cho ri uwächulew!

Chapletajic 17:8

Chawe at, xukuje' chque ri e are' quinya' wi na ronojel ri ulew Canaan ri at c'o wi camic, quinya' na che quechbal re chbe k'ij sak; are c'ut ri in quinux na i Dios.”

Elem 2:21

Jeri' ri Moises xunimaj chi cajeki' pa rachoch ri Reuel. Ri Reuel xuya' c'u na jun u mia'l ri Sepor u bi' che rixokil,