Ajilanic 10:25 - Quiché Bible

²⁵ Che ri q'uisbabalil, chquij ri niq'uiaj ajch'ojab chic, xetaken ri quebin chuxe' ri retal ri Dan, ri are' c'u c'o ri Ahiezer che c'amal qui be (ri u tat ri Ahiezer are' ri Amisaday).

Ajilanic 10:25 Referans Kwoze

Ri Josue 6:9

Ri achijab ri e banal ch'o'j e benak chquiwäch ri e cojol tabal tok'ob, are c'u ri q'uialaj winak e benak chrij ri caxa e are tak c'ut ri e cojol tabal tok'ob man caquitanaba' ta c'u cok'esaxic tak ri trompet.

Ajilanic 1:12

Che ri rech ri Dan: ri Ahiezer (ri u tat ri Ahiezer are' ri Amisaday).

Ri Isaiy 58:8

We je caban wa', cäjuluw na ri a chaj, jacha' aretak cäpe u sakaric, man cäbeytaj ta c'u qui cunatajic tak ri e a socotajic. Ri a suq'uil cänabej na chawäch cäteri c'u ri nu juluwem chawij.

Ri Isaiy 52:12

Man rajawaxic ta c'ut quixel ulok ruc' aninakil, mawi rajawaxic xa quixanimaj ulok, rumal rech chi ri Ajawaxel ri u Dios ri Israel, quixuchajij na pa tak i xcut.

Ajilanic 7:66

Pa ri ulajuj k'ij ri Ahiezer (u c'ojol ri Amisaday, c'amal u be ri ramak' ri Dan) xuc'am ulok ri u sipanic, xak c'u junam ri u sipanic cuc' ri xquiya' ri e nabe.

Ajilanic 10:24

Ri c'amowinak qui be ri rajch'ojab ri ramak' ri Benjamin are ri Abidan (Ri u tat ri Abidan are' ri Jedeoniy).

Ajilanic 10:26

Ri c'amowinak qui be ri rajch'ojab ri ramak' ri Aser are' c'o ri Pajiel (ri u tat ri Pajiel are' ri Ocran).

Ri Josue 6:13

Ri wukub e cojol tabal tok'ob e nabe' chuwäch ri u caxa ri Ajawaxel, man xquitanaba' ta binem mawi xquitanaba' cok'esaxic tak ri qui trompet. Ri achijab ri e banal ch'o'j e nabe chquiwäch, ri niq'uiaj chic e benak chrij ri caxa. Ri trompet man caquitanaba' ta ok'enic.