Ajilanic 1:46 - Quiché Bible

⁴⁶ e wakib sient oxib mil ruc' job sient cawinak lajuj (603,550) chnimalaj conojel.

Ajilanic 1:46 Referans Kwoze

Ajilanic 26:51

Ri aj israelib ri xebajilaxic aretak xban ri ajilanic ri cajilabal e wakib sient jun mil ruc' wukub sient juwinak lajuj (601,730) achijab.

Elem 38:26

Conojel ri winak ri tz'ibam qui bi' ri tz'akatinak chic jutak winak (20) qui junab, e wakib sient oxib mil job sient ruc' cawinak lajuj (603,550) chquijujunal wa' xquiya' pa niq'uiaj che ri niq'uiaj onz sak puak qui cuchuj, pajom pa ri pajbal ri cäcoj chupam ri k'ijilabal.

Elem 12:37

Ri aj israelib xebel bic pa Ramses xebopan pa Sucot, craj e c'o wakib sient mil (600,000) ri e achijab chic, man xebajilax taj ri ixokib xukuje' ri ac'alab.

Ajilanic 2:32

Ri cajilabal ri jujun tak ja aj israelib ri xelic e wakib sient oxib mil ruc' job sient cawinak lajuj (603,550) achijab.

Ucab Tzijobelil 13:3

Ri ajch'ojab ri xebucoj ri Abiam che u chaplexic ri ch'o'j e quiejeb sient mil (400,000) ajch'ojab e cha'talic. Are' c'u ri Jeroboam, xebucoj wajxakib sient mil (800,000) ajch'ojab ri e cha'talic che u banic ri ch'o'j ruc'.

Nabe Tzijobelil 21:5

Ri Joab xujach ri cajilabal ri winak pa u k'ab ri David, ri cajilabal ri aj Israel ri xmolotajic e jun miyon jun sient mil (1,100,000) achijab ri e takal che u banic ch'o'j, xukuje' quiejeb sient oxc'al lajuj mil (470,000) pa Juda.

Nabe Ajawinelab 4:20

Ri Juda, xukuje' ri Israel man quebajilataj taj ri qui winakil, e jacha' ri sanyeb ri c'o chuchi' ri plo. Sibalaj c'o ri catijic xukuje' ri cuq'uiaxic, c'o nimalaj quicotemal.

Ucab Samuel 24:9

Ri Joab xujach ri cajilabal ri winak che ri ajawinel: ri cajilabal ri achijab ri e c'o pa Israel e wajxakib sient mil (800,000) achijab ri e utz che u banic ch'o'j, ri e c'o pa Juda e job sient mil (500,000).

U Camulixic ri Pixab 10:22

Aretak ri e i mam xebopan pa Ejipt, xa e oxc'al lajuj (70), are c'u ri camic, ri Ajawaxel ri i Dios e u pok'isam jacha' ri qui q'uial ri ch'imil ri e c'o cho ri caj.”

Ajilanic 23:10

E jacha' ri u puc'uq'uil ri ulew; ¿jachin ta ri cacuin ta che cajilaxic? ¿Jachin ta ri cacuin ta che retamaxic ri cajilabal? ¡C'o ta banom wi chi je ta nu cämic jacha' we suc'alaj tak achijab ri', ri e q'uisbal tak nu k'ij e je taj jacha' ri e quech tak are'!”

Chapletajic 28:14

Ri e are' quebux na jacha' ri u puc'uq'uil ri ulew, caquilic' na quib pa ri iquiak'ab xukuje' pa ri mox k'ab, pa ri elebal k'ij pa ri kajebal k'ij, conojel c'ut ri achalaxic re ri uwächulew quetewichitaj na rumal awech xukuje' cumal tak ri e awija'lil.

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Chapletajic 17:6

Quinbano chi sibalaj queq'uiyir ri e awija'lil; quebel na ajawinelab chquixo'l xukuje' nimak tak tinimit.

Chapletajic 15:5

Ri Ajawaxel xuc'am bic ri Abram cho ja, xubij che: “Chatca'y chicaj, chebawajilaj ri ch'imil we catcuinic. Jewa' ri qui q'uial ri e awija'lil.”

Chapletajic 13:16

In quinban na chi ri e are' quebux na e jacha' ri u puc'uq'uil ri ulew. Je c'u ri' jacha' chi man ya'tal taj quebajilax ri e u bak'wäch ri puc'uc', mawi xukuje' ya'talic chi quebajilax ri e u k'ab tak awachalaxic.

Chapletajic 12:2

Quinban na jun nim tinimit ri nim u k'ij chque ri e awija'lil; catintewichi'j na xukuje' quinnimarisaj na a k'ij, catux c'u na jun tewichibal chque niq'uiaj chic.

Ajilanic 1:45

Ri aj israelib ri juwinak chic qui junab capakic, ri e utz chic che ri ch'o'j,

Ajilanic 14:29

Conojel ri c'o chic juwinak qui junab ri xtz'ibax qui bi' pa ri ajilanic ri lawalo e ch'awinak chwij, quecäm na, queroki' c'u can chupam we chaki'j uwo sak ri'.

Ajilanic 11:21

Xutzelej c'ut u bixic ri Moises: “Ri winak ri e petinak wuc' e wakib sient mil (600,000) achijab ri e tac'al puwi' ri cakan, ¿la cäbij c'u la chi cäya' la ti'j chke chi cakatij ti'j ronojel ri jun ic'?