Ajilanic 1:4 - Quiché Bible

⁴ xukuje' ri re jun c'amal be re jun ja winak che jujun amak'.

Ajilanic 1:4 Referans Kwoze

Ajilanic 1:16

E are' c'amal tak be wa' quech amak' ri xecha' chquixo'l conojel ri aj israelib ri quequiq'uexwächij ri kas quija'lil.

Elem 18:25

Xebucha' achijab ri c'o qui no'j chquixo'l conojel ri aj israelib, xuya' takanic pa qui k'ab paquiwi' jujun mil winak, jujun tak sient, cawinak lajuj, xukuje' lajujitak winak.

Ri Josue 22:14

Xachilax bic cumal lajuj c'amal tak qui be ri aj israelib ri nimak qui k'ij chquijujunal are' caquiq'uexwächij ri u k'ab cachalaxic xukuje' ri camak'.

U Camulixic ri Pixab 1:15

Xebenwesaj c'u pa jujun tak amak' achijab ri c'o na qui no'j, xukuje' elinak chic qui no'j, xinya' c'u takanic pa qui k'ab rech quetakan piwi'; jujun xebencoj puwi' jun mil (1000) achijab, niq'uiaj chic xebencoj puwi' jun sient (100), niq'uiaj chic puwi' cawinak lajuj (50), niq'uiaj chic puwi' lajuj (10) jujun chi c'ut xinya' takanic pa qui k'ab rech quetakan paquiwi' jujun tak amak'.

Ajilanic 25:14

Ri aj israel ri xk'ok'exic junam ruc' ri ixok aj Madian, Zimri u bi', c'amal u be jun ja winak aj ramak' ri Simeon (ri u tat ri Zimri are' c'ut ri Sal).

Ajilanic 25:4

xubij c'u che ri Moises: “Chebamulij conojel ri e c'amal tak u be ri tinimit, chebacämisaj chnuwäch pa k'ij chi sakil. Jeri' coc'ow na ri woyowal che ri Israel.”

Ajilanic 17:3

che ri ch'amiy ri rech ri ramak' ri Levi catz'ibaj wi ri u bi' ri Aaron, rajawaxic c'o jun ch'amiy che jun c'amal be re amak'.

Elem 18:21

Chebacha' achijab chquixo'l ri winak ri c'o qui no'j, ri cäquina' quib chuwäch ri Dios, ri ch'ajch'oj canima', achijab ri man quequitzucuj taj chäcoj ruc' subunic, chaya' takanic pa qui k'ab paquiwi' jujun mil winak, jujun sient, cawinak lajuj, xukuje' lajujitak.

Ajilanic 30:1

Ri Moises xubij chque ri e c'amal tak qui be ri camak' ri aj israelib:

Nabe Ajawinelab 8:1

Ri Salomon xebumulij ri nimak tak tatayib aj Israel chuwäch pa Jerusalen, conojel ri e c'amal tak qui be ri amak' xukuje' ri e winak ri nimak tak na qui k'ij chupam ri jutak ja pa Israel, che u k'axexic ri u caxa ri Ajawaxel pa Sion, ri u Tinimit ri David.

Ajilanic 1:44

Are wa' ri xel wi ri ajilabal ri xuban ri Moises, ri Aaron xukuje' ri e cablajuj c'amal tak be aj israelib ri xequiq'uexwächij tak ri camak' xukuje' ri jujun tak ja winak:

Ajilanic 4:34

Ri Moises, ri Aaron xukuje' ri e c'amal tak u be ri tinimit xquiban jun ajilanic, pa ri qui cholajil ri achalaxic xukuje' ri jujun tak ja winak ri e elinak chque ri e rija'lil ri Coat

Ajilanic 7:2

Chanim ri e c'amal tak qui be ri amak', ri e to'baninak che u banic ri ajilanic, xebec.