Ajilanic 1:3 - Quiché Bible

³ ruc' tz'akatil ri juwinak chic qui junab cäpakic, ri e utz chic che u banic ch'o'j. Chebitz'ibaj ri qui bi' jas ri qui cholajil ri e banal tak ch'o'j, ruc' ri u to'banic ri Aaron

Ajilanic 1:3 Referans Kwoze

Elem 30:14

Conojel ri eboquinak pa ajilabal ri oc'owinak chi jutak juwinak (20) qui junab, rajawaxic cäquiya' we torobal ri chech ri Ajawaxel,

Ajilanic 14:29

Conojel ri c'o chic juwinak qui junab ri xtz'ibax qui bi' pa ri ajilanic ri lawalo e ch'awinak chwij, quecäm na, queroki' c'u can chupam we chaki'j uwo sak ri'.

Ucab Samuel 24:9

Ri Joab xujach ri cajilabal ri winak che ri ajawinel: ri cajilabal ri achijab ri e c'o pa Israel e wajxakib sient mil (800,000) achijab ri e utz che u banic ch'o'j, ri e c'o pa Juda e job sient mil (500,000).

U Camulixic ri Pixab 24:5

“We c'o jun ala maja' naj cäc'uli'c, man cuya' ta cäbe pa ch'o'j, mawi cäya' jun patanijic chrij pa jun junab; jeri' cuya' cäc'oji' ronojel ri jun junab cho rachoch, che u quicotemal ri rixokil.

U Camulixic ri Pixab 3:18

Pa we k'ijol ri' xinya' we takanic ri' chiwe: ‘Ri Ajawaxel ri i Dios cujach we ulew ri' che iwechbal. Conojel ba' ri queta'm quech'ojinic, chiquic'ama' ri qui ch'ojibal, chenabej chquiwäch ri aj israelib ri e i winakil.

Ajilanic 33:1

E are tak c'olbal wa' ri xejeki' wi tak ri aj israelib aretak xebel ulok pa Ejipt ri qui cholajim wi quib e jacha' e banal tak ch'o'j, c'amom qui be rumal ri Moises xukuje' ri Aaron.

Ajilanic 32:11

chi ri winak ri ebelinak ulok pa Ejipt ri e c'o chic juwinak qui junab cäpakic man quequila' ta na u wäch ri ulew ri xinchi'j chque chi quinya' che ri Abraham ri Isaac xukuje' ri Jacob, rumal rech chi man xetaken ta che ruc' jicomal.

Ajilanic 26:2

“Chibana' jun ajilanic, pa jujun tak ja winak, chque conojel ri aj israelib ri juwinak chic qui junab cäpakic, ri e utz chi che u banic ch'o'j.”

Elem 12:17

Ri nimak'ij que ri caxlanwa ri man cäya' ta ch'am cuc' are jun k'ij ri qui nimak'ijaj na rumal rech chi kas pa ri k'ij ri' xixinwesaj ulok pa Ejipt chnimalaj iwonojel. Quinimak'ijaj na jacha' jun pixab ri cäjeki' canok ri quecoc'owisaj ri e tat nan xukuje' ri alc'ualaxelab.

Elem 38:26

Conojel ri winak ri tz'ibam qui bi' ri tz'akatinak chic jutak winak (20) qui junab, e wakib sient oxib mil job sient ruc' cawinak lajuj (603,550) chquijujunal wa' xquiya' pa niq'uiaj che ri niq'uiaj onz sak puak qui cuchuj, pajom pa ri pajbal ri cäcoj chupam ri k'ijilabal.

Nabe Tzijobelil 5:18

Ri e rija'lil ri Ruben xukuje' ri rech ri Gad, xukuje' ri pa niq'uiaj che ri ramak' ri Manases, e cowilaj tak ajch'ojab, ri e c'o qui quetecak tak ch'ich', xukuje' qui ch'ich' tak re ch'o'j xukuje' qui q'uiakbal ch'ab, ri sibalaj utz qui tijoxic banom che u banic ch'o'j. E cawinak quiejeb mil wukub sient oxc'al (44,760) achijab ri e ya'tal che u banic ch'o'j.

Ucab Tzijobelil 25:5

Ri Amasiy xebumulij conojel ri achijab aj Juda xukuje' ri e aj Benjamin, xebucoj ri jujun tak ja winak pa cholajil chuxe' ri qui takanic ri c'amal tak qui be ri ajch'ojab. Xerajilaj c'ut conojel ri e c'o chi juwinak qui junab cäpakic, ri xelic chi e c'o oxib sient mil (300,000) ajch'ojab ri e cha'talic, ri e suc'umatal che u banic ch'o'j xukuje' e ticarel che qui cojic tak tz'imaj ch'ich' xukuje' quetecak tak ch'ich'.

Ajilanic 3:15

“Chabana' jun ajilanic chque ri aj levitib pa ri qui cholajil ri jujun tak ja winak xukuje' tak achalaxic, chebatz'ibaj ri qui bi' conojel tak ri achijab re jujun tak qui q'uil capakic.”

Ajilanic 4:3

ri e c'o chic chupam ri juwinak lajuj (30) c'ä catakwinak lajuj (50) qui junab, ri xukuje' e utz tak che ri patanijic chupam ri Lic'om Rachoch Dios re rikoj ib.