Ajilanic 1:16 - Quiché Bible

¹⁶ E are' c'amal tak be wa' quech amak' ri xecha' chquixo'l conojel ri aj israelib ri quequiq'uexwächij ri kas quija'lil.

Ajilanic 1:16 Referans Kwoze

Ajilanic 7:2

Chanim ri e c'amal tak qui be ri amak', ri e to'baninak che u banic ri ajilanic, xebec.

Elem 18:25

Xebucha' achijab ri c'o qui no'j chquixo'l conojel ri aj israelib, xuya' takanic pa qui k'ab paquiwi' jujun mil winak, jujun tak sient, cawinak lajuj, xukuje' lajujitak winak.

Elem 18:21

Chebacha' achijab chquixo'l ri winak ri c'o qui no'j, ri cäquina' quib chuwäch ri Dios, ri ch'ajch'oj canima', achijab ri man quequitzucuj taj chäcoj ruc' subunic, chaya' takanic pa qui k'ab paquiwi' jujun mil winak, jujun sient, cawinak lajuj, xukuje' lajujitak.

Ajilanic 26:9

che c'u ri Eliab xebalax wi ri Nemuel, ri Datan xukuje' ri Abiram. Ri Datan rachil ri Abiram e qui tz'akatil ri jumulaj ya'l tak no'j ri', junam ruc' ri Core, xquiwalijisaj quib che u c'ulelaxic ri Ajawaxel xukuje' je xquiban che ri Moises rachil ri Aaron,

Ajilanic 16:2

xquiwalijisaj quib chrij Moises. Chque wa' xequitik chi quib quieb sient cawinak lajuj (250) aj israelib, achijab ri e c'o qui tij pa ri tinimit, ri e are' juch'ob cuc' ri e ya'l tak no'j ri utz qui tzijol.

Ajilanic 1:4

xukuje' ri re jun c'amal be re jun ja winak che jujun amak'.

Ri Miquey 5:2

Are c'u ri at Belen Eprat, man nim ta a k'ij chquixo'l ri nimak qui k'ij pa Juda, chawe at quel wi na jun takanel ri catakan na puwi' ri Israel ri petinak che jun ojer alaxic.”

Nabe Samuel 23:23

Kas utz quilic tak ri c'olbal chibana' jawije' tak ri cuc'u' wi rib, chixpet chi wuc' chiliya' u bixic chwe ruc' tz'akatil, quinbe c'u na iwuc'. We c'u kastzij chi chila' c'o wi, ri in quintzucuj na pa ronojel c'olbal chquixo'l ri e u k'ab tak rachalaxic ri Juda.”

Nabe Samuel 22:7

xubij chque ri rach k'atal tak tzij ri qui sutim rij: “Achijab aj Benjamin, chinitatabej: ¿La are pa i c'u'x chi ri u c'ojol ri Isayi quebuya' tak iwulew iwonojel xukuje' tak uva ri e tiquitoj, xukuje' chi iwonojel quebuya' tak iwekle'n, quixucoj che qui nimal tak rajch'ojab?

K'atal tak Tzij 6:15

Xutzelej chi c'u u bixic ri Jedeon: “Jumul chic cuyu' la nu mac, tat, ¿jas ta c'u ri quinban na che qui to'ic ri aj israelib? Ri e wachalaxic e are ri sibalaj e meba' na chquiwäch conojel ri e ramak' ri aj Manases, in c'ut ri in ch'i'p na chquixo'l conojel ri wachalal.”

U Camulixic ri Pixab 1:15

Xebenwesaj c'u pa jujun tak amak' achijab ri c'o na qui no'j, xukuje' elinak chic qui no'j, xinya' c'u takanic pa qui k'ab rech quetakan piwi'; jujun xebencoj puwi' jun mil (1000) achijab, niq'uiaj chic xebencoj puwi' jun sient (100), niq'uiaj chic puwi' cawinak lajuj (50), niq'uiaj chic puwi' lajuj (10) jujun chi c'ut xinya' takanic pa qui k'ab rech quetakan paquiwi' jujun tak amak'.

Ajilanic 11:17

In quinkaj na bic quinch'aw c'u na awuc' chila', quinc'am c'u na niq'uiaj ri uxlabal ri c'o awuc' quinya' c'u na chque rech catquito' che u c'amic bic we tinimit ri'. Jeri' man xak ta a tuquiel catc'ojic.

Ajilanic 1:15

Che ri rech ri Neptali: ri Ahir (ri u tat ri Ahir are' ri Enan).”

Ajilanic 1:17

Pa ri nabe k'ij rech ri ucab ic' re ri junab, ri Moises rachil ri Aaron, xebe qui mulij tak we achijab ri' ri e cha'tal rumal ri Dios, ri xukuje' rumal ronojel ri tinimit, xecajilaj c'ut conojel ri aj israelib, xequitz'ibaj pa ri u cholajil tak ri achalaxic xukuje' ri jujun tak ja winak ri qui bi' chquijujunal xukuje' ri cajilabal ri achijab chnimalaj conojel ri c'o chic juwinak qui junab capakic.

Ajilanic 10:4

Aretak c'u xa jun cok'isaxic, xuwi caquimulij na quib ri e c'amal tak qui be ri amak' ri nimak qui k'ij.

Ajilanic 30:1

Ri Moises xubij chque ri e c'amal tak qui be ri camak' ri aj israelib: