2 Timoteo 4:16 - Quiché Bible

¹⁶ Pa ri nabe to'bal wib chquiwäch ri k'atal tak tzij, mawi jun xc'oji' wuc', xane' conojel xinquiya' canok. Man quinwaj ta c'ut chi cäya' we mac ri' chquij.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Are xintoꞌ wibꞌ nabꞌe mul cho ri qꞌatbꞌal tzij, xa ta ne jun xinutoꞌo, xane konojel xinkitzaq kanoq. Mat bꞌa kakoj pa kwenta.

K'iche'

¹⁶ Aretak xinsiq'uix pa k'atal tzij che ri nabe mul, xa nu tuquiel xinto' wib. Man c'o tä jun winak chic ri xc'oji wuc' che nu to'ic, xane conojel xinquiya canok. Cwaj c'ut chi ri Dios mat cuya wa' we mac ri' chquij.

K'iche' (New Orthography)

¹⁶ Aretaq xinsik'ix pa q'atal tzij che ri nab'e mul, xa nu tukiel xinto' wib'. Man k'o tä jun winaq chik ri xk'oji wuk' che nu to'ik, xane konojel xinkiya kanoq. Kwaj k'ut chi ri Dios mat kuya wa' we mak ri' chkij.

2 Timoteo 4:16 Referans Kwoze

Hechos 7:60

Xxuquic, xurak u chi' ruc' chuk'ab: “¡Ajawaxel majilaj la we mac ri' chquij!” Xbitaj c'u wa' rumal, xcämic.

Ri Xuan 16:32

Chiwilampe', cäpe ri jok'otaj, opaninak c'ut, aretak ri ix quituquij na iwib, chijujunal quixbe pa tak ri i c'olbal, quiniya' na can nu tuquiel. Man xa' ta c'u nu tuquiel in c'olic, c'o ri Tataxel wuc'.

Marcos 14:50

C'äte ri' conojel ri tijoxelab xquiya' can ri Jesus, xebanimajic.

1 Pedro 3:15

Are c'u chicojo' ri Crist che takanel xukuje' che Ajawaxel chupam ri iwanima'. Xak c'u chixc'ol che reyexic u tzelexic u bixic che ronojel winak ri cutz'onoj chiwe jas ri eyebal c'uxaj ri c'o iwuc'.

2 Timoteo 4:10

Xinuya' c'u can ri Dems. Ri are' utz xeril na ri jastak re ri uwächulew, benak pa Tesalon. Ri Cresent benak pa Galas, xukuje' ri Tito pa Dalmas.

2 Timoteo 1:15

Aweta'm ba' chi conojel ri e c'o pa Asiy xinquiya' can nu tuquiel. Jujun c'ut chque are' ri Pijel xukuje' ri Hermojenes.

Filipenses 1:17

Ri niq'uiaj chic caquitzijoj ri Crist xa' rumal u banic c'ax, man ruc' ta u ch'ajch'ojil ri canima'. Xane' are cäcaj chi sibalaj quinrik na c'ax waral pa che'.

Filipenses 1:7

Suc' ri nu chomanic chiwe iwonojel, rumal rech chi ix c'o pa wanima'. Aretak in c'o pa che', aretak quintzijoj chque ri winak jasche quincojon che ri tzij re colobal ib xukuje' quink'alajisaj chquiwäch chi are' ri kastzij, ix wachil pa ri u tok'ob ri Dios.

2 Corintios 7:11

Ri ix xicoch' ri bis jacha' ri cäkaj chuwäch ri Dios, ¡chebiwila' c'ut ri xel wi! Xixoc il che ri xc'ulmatajic xito' c'u nu wi'; xuban chiwe chi xpe iwoyowal, xukuje' xina' xe'n ib. Chuwi' chi c'u wa' xpe i rayinic che wilic, xichomaj c'ut u c'äjisaxic u wäch ri ajchak'mac. Ruc' c'u ronojel wa' i c'utum ix chi man i nimon ta iwib chupam wa'.

1 Corintios 9:3

Are wa' quinbij che u to'ic wib chquiwäch ri cäquiban tzij chwij:

Hechos 25:16

Xinbij chque chi man e nak'atal ta ri aj romab cäquijach jun winak pa cämisaxic, we c'ä maja' cätaq'ui' chquiwäch ri e tzujul tak rech, rech cuya' cuto' rib che ri cäquitzujuj wi.

Hechos 22:1

“Wachalalib, xukuje' tatayib, tatabej alak ri to'bal wib camic.”

Ri Lucax 12:11

Aretak quixc'am bic chquiwäch ri winak pa tak ri ja ri cäquitijoj wi quib ri aj judeyib che ri pixab, chquiwäch ri c'o qui takanic, chquiwäch k'atal tak tzij, mixoc il che jas quiban na che u to'ic iwib, mawi jas quibij na.

1 Corintios 13:5

man cuban ta jastak ri q'uixbal qui banic, man cutzucuj ta ri utz che chbil rib, man cäpe ta royowal, man cuc'ol ta oyowal pa ranima'.

2 Timoteo 4:15

Ri at chachajij awib chuwäch, xukuje' rumal rech chi sibalaj xuc'ulelaj u wäch ri ka tzij.