2 Timoteo 3:16 - Quiché Bible

¹⁶ Ronojel ri Tz'ibatalic petinak ruc' ri Dios: utz che tijonic, che pixbenic, che jic'onic, che nak'atisanic che ri suq'uilal.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Ronojel ri tzꞌibꞌatalik pa we wuj riꞌ utzij ri Dios, xuqujeꞌ utz kakꞌutik, rech kuꞌl ri winaq pa ri uchomabꞌal, rech qas utz kanoꞌjinik, rech kasukꞌumax ri winaq, xuqujeꞌ kapixibꞌax jun pa ri sukꞌal.

K'iche'

¹⁶ Ronojel ru Lok' Pixab ri Dios ri Tz'ibtalic, yo'm wa' chke uj, ri uj winak, rumal ri Dios. Ru Lok' Pixab ri Dios cujutijoj che ri kas tzij, cuc'ut chkawäch ri ka mac, cujusuc'uba' che ri tajin cäka'no, xukuje' cuya ka no'j chubanic ri jicom pa ri ka c'aslemal rech utz cäka'no.

K'iche' (New Orthography)

¹⁶ Ronojel ru Loq' Pixab' ri Dios ri Tz'ib'talik, yo'm wa' chqe uj, ri uj winaq, rumal ri Dios. Ru Loq' Pixab' ri Dios kujutijoj che ri qas tzij, kuk'ut chqawäch ri qa mak, kujusuk'ub'a' che ri tajin käqa'no, xuquje' kuya qa no'j chub'anik ri jikom pa ri qa k'aslemal rech utz käqa'no.

2 Timoteo 3:16 Referans Kwoze

Romanos 15:4

Conojel c'u ri jastak ri xetz'ibax ulok, xetz'ibax che ka tijoxic, che u cu'bisaxic ka c'u'x. Rech jeri' cäkach'ij ri c'ax, cäcu'bi ka c'u'x chrij ri Dios.

Hebreos 4:12

Ri u tzij ri Dios c'aslic xukuje' c'o u cuinem. C'o na u ware chuwäch apachique ch'ich' ri quieb u pa u chi'. Cuban quieb chque ri anima' ruc' ri uxlabal, cuban quieb chque ri u wiki'b ri bak ruc' ri u pa bak. Reta'm ri u chomanic xukuje' ri u rayibal ri canima' ri winak, we utz o man utz taj.

Marcos 12:24

Ri Jesus xubij chque: “Ix subutajinak, rumal rech chi man iweta'm ta ri Tz'ibatalic, mawi ri u cuinem ri Dios.

Salmib 119:9

¿Jas lo cuban na ri c'ojol cacuinic caruc'aj jun ch'ajch'ojalaj u c'aslemal? ¡Rajawaxic cujunaj ri u c'aslemal ruc' ri tzij la!

E C'ambal tak Tzij 6:23

Kastzij, ri takomal tak xukuje' tak ri tijonic e jun chäj ri e tzijtalic; ri pixbenic xukuje' ri yo'w tak no'j e are' be wa' re ri c'aslemal.

2 Timoteo 4:2

chak'alajisaj ri u tzij ri Dios aretak cuya' cätzijoxic xukuje' aretak man cuya' taj. Chatyajonak, chatk'ilonok xukuje' chaya' chuk'ab, chattijon ba' ruc' ronojel coch'onic.

Salmib 119:11

E nu c'olom tak ri tzij la chupam ri wanima'; rech man quinmacun ta chwäch la.

Salmib 119:130

Ri qui quiric ri tzij la caquiya' tununic, cutijoj ri winak ri man c'o ta retamanic.

Ucab Samuel 23:2

Ri Ruxlabal ri Ajawaxel cäch'aw wumal in; ri u tzij c'o puwi' ri wak'.

E C'ambal tak Tzij 15:31

Ri nim cäril wi ri pixbenic ri cuya' c'aslemal, c'o jun u c'olbal chquixo'l ri c'o ajno'jab.

2 Timoteo 2:25

xukuje' ruc' manxoyil quebutijoj ri winak ri cäquic'ulelaj ri u tzij. We ne ri Dios cuya' na chque chi cäquiq'uex qui c'u'x rech cäquetamaj ri kastzij.

U Camulixic ri Pixab 4:36

Ri are' xixuch'abej ulok kas pa ri caj che i jiq'uic, chuwäch c'ut ri uwächulew xuc'ut wi ri nimalaj u k'ak' chiwäch, xita' c'u ri u tzij pa u niq'uiajil ri k'ak'.

Hechos 20:20

Man c'o ta jun jasach ri c'o quechbex che, ri ma ta xinbij chiwe, ronojel xixintijoj che, chquiwäch ri winak xukuje' pa tak iwachoch.

Ri Xuan 3:20

Conojel c'ut ri cäquiban etzelal, cäquetzelaj u wäch ri chäj. Xukuje' man quepe ta cho ri chäj, rech man cäk'alajisax ta ri cäquibano.

Ri Matey 13:52

Ri Jesus xubij chque: “Aretak jun ajtij re ri pixab u tijom rib che ri rajawibal ri Dios, cajunamataj ruc' jun achi rajaw ja, ri queresaj ulok chupam ri u k'inomal c'ac'alaj tak jastak xukuje' k'elalaj tak jastak.”

Hechos 18:25

Ri are' tijom che ri u be ri Ajawaxel. Sibalaj c'o u chuk'ab pa ri u tzij. Quebutijoj ri winak cutzijoj ri Jesus ruc' tz'akatiquil, xak xuwi c'u ne reta'm chi ri Xuan cuban qui bautism ri winak re q'uexbal c'uxaj.

Romanos 2:20

Cachomaj chi cuya' quebatijoj ri winak ri man c'o ta queta'm xukuje' ri cätajin cäquetamaj, rumal rech chi c'o ri pixab awuc' che u c'utic ri u cholajil ri etamanic xukuje' ri kastzij.

Ri Nehemiy 9:20

Xya' c'u ne la que ri utzalaj uxlabal la che qui tijoxic; mawi jumul ma ta xopan ri jaswa' pa qui chi' ri xtak la ulok chque, xaya' la qui ja' che resaxic ri qui chaki'j chi'.

Gálatas 3:8

Ri Tz'ibatalic cubij c'u ulok chi ri Dios cuk'alajisaj chi e suc' ri man aj judeyib taj rumal ri cojonic. Xutzijoj ulok ri utzalaj tak tzijol che ri Abraham aretak xubij: “Conojel ri nimak tak tinimit quetewichitaj na rumal awech.”

Hebreos 3:7

Rumal ri', jas ri cubij ri Ruxlabal ri Dios pa ri Tz'ibatalic: “We quito jas cubij ri Dios camic,

1 Corintios 12:7

Ri Dios u yo'm chke chkajujunal ri u k'alajisaxic ri Uxlabaxel pa ri ka c'aslemal, rech c'o quechbexic.

Hechos 20:27

Nu tzijom c'u ronojel ri u chomanic ri Dios chiwe. Man c'o ta jas ma ta xinbij chiwe.

E C'ambal tak Tzij 15:10

Ri cuya' can ri utzalaj be co ri u c'äjisaxic u wäch cäbanic; ri cäretzelaj u wäch ri k'ilonic cäcäm na.

Ri Xuan 10:35

Are ri Tz'ibatalic man cuya' taj catuquixic, cubij c'u diosib chque ri winak ri xopan wi ri u tzij ri Dios,

Ri Matey 26:56

Ronojel c'u wa' cäbanic, rech cäbantajic jas ri tz'ibam can cumal ri e k'axal tak tzij.” C'äte ri', conojel ri u tijoxelab xquiya' canok, xebanimajic.

Hechos 1:16

“Kachalal, rajawaxic cäbantaj na jas cubij ri Tz'ibatalic, ri xubij can ri Ruxlabal ri Dios pa u chi' ri David, chrij ri Judas ri xc'amow qui be ri xeyutuw ri Jesus.

Ri Matey 21:42

Ri Jesus xubij chque: “¿La ma ta i siq'uim pa tak ri Tz'ibatalic?: ‘Ri abaj ri man xquicoj ta ri yacal tak ja, are abaj ri' xux na nim u k'ij. Are ri Kajaw xbanow wa'. Uj c'u mayininak.’

Romanos 4:23

Aretak xtz'ibaxic chi “xk'alajisax ri Abraham chi suc'”, man xuwi ta rumal rech ri are' xtz'ibaxic.

Hebreos 11:1

Are wa' ri u banic ri ka cojonic: cäkacu'ba' ka c'u'x chi je quebel na ri jastak ri cäkaye'j, xukuje' keta'm pa kanima' chi kastzij e c'o ri jastak ri man queilitaj taj.

Romanos 3:2

Q'ui pa ronojel u banic. Nabe ri Dios u yo'm ri u tzij pa qui k'ab ri aj judeyib.

Hechos 28:25

Rumal c'u rech chi man junam ta xechoman conojel, xquichaplej quelic bic. Ri Pawl xubij chque: “Utz ri xubij ri Ruxlabal ri Dios chque ri e mam alak rumal ri Isaiy ri k'axal tzij, ri xubij:

Marcos 12:36

Kas are c'u ri David xubij can rumal ri Ruxlabal ri Dios: Xubij ri Ajawaxel che ri Wajaw: ‘Chatt'uyul pa nu wiquiak'ab, c'ä quebencoj na ri a c'ulel che qui tac'alibal ri e awakan.’

Ri Miquey 2:7

¿La xa' ta pu c'okotajinak ri u tinimit ri Jacob? ¿La xa' ta pu q'uistajinak ri u coch'onic ri Dios? ¿La je ta pu wa' ri cuban ri Dios? ¿La ma ta cuban utzil ri u tzij puwi' ri colom cabinic?

Ri Matey 26:54

We ta c'u jewa', ¿jas ta cäban che u banic ri cubij ri Tz'ibatalic chi rajawaxic cäbantaj na?”

Ri Matey 22:43

Ri Jesus xubij chque: “¿Jas c'u che cäbix Wajaw che rumal ri David, rumal ri Uxlabaxel? Xubij c'ut ri David:

U Camulixic ri Pixab 29:29

Ri jastak ri man e keta'm taj: wa' e rech ri Ajawaxel ri ka Dios; e c'o c'u jastak ri e k'alajisam chkawäch xukuje' chquiwäch ri kalc'ual rech quekatz'akatisaj qui banic amak'el; conojel tak ri takomal re we pixab ri'.”

Ri Soponiy 3:2

Man xutatabej taj ri u ch'abal ri Ajawaxel man xujiquiba' ta u c'u'x chrij, man xutzucuj taj ri u Dios.