2 Timoteo 1:2 - Quiché Bible

² quintz'ibaj we wuj ri' chawe, Timotey, lok'alaj nu c'ojol: are ta ri Dios Tataxel xukuje' ri Kajaw Jesucrist cuban tok'ob chawe, quel u c'u'x chawe, xukuje' cuya' jamaril chawe.

RI KꞌAKꞌ TESTAMENTO PA TZIJOBꞌAL KꞌICHEꞌ

² che ri loqꞌalaj nukꞌojol Timoteo: Are ri Tataxel Dios xuqujeꞌ ri Cristo Jesús ri Ajawxel cheyoꞌw toqꞌobꞌ, toqꞌobꞌisan wach, xuqujeꞌ jaꞌmaril chawe.

K'iche'

² Lok'alaj Timoteo, quintz'ibaj bi we wuj ri' chawe, je' ta ne chi at nu c'ojol. Are ta ba' ri Dios ka Tat xukuje' ri Kajaw Jesucristo quel u c'ux chawe, cutok'obisaj a wäch, cubano chi cuxlan rawanima'.

K'iche' (New Orthography)

² Loq'alaj Timoteo, kintz'ib'aj b'i we wuj ri' chawe, je' ta ne chi at nu k'ojol. Are ta b'a' ri Dios qa Tat xuquje' ri Qajaw Jesucristo kel u k'ux chawe, kutoq'ob'isaj a wäch, kub'ano chi kuxlan rawanima'.

2 Timoteo 1:2 Referans Kwoze

2 Timoteo 2:1

Ri at, nu c'ojol, chatux co pa ri tok'ob ri c'o pa ri Crist Jesus.

1 Timoteo 1:2

Quintz'ibaj we wuj ri' chawe, Timotey, kas at nu c'ojol pa ri cojonic. Ri Dios Tataxel xukuje' ri Crist Jesus ri Kajaw cuban tok'ob chawe, quel u c'u'x chawe, xukuje' cuya' jamaril chawe.

Hechos 16:1

Xebopan pa Derb xukuje' pa Listr. C'o chila' jun cojonel Timotey u bi', ral jun chuchu' cojonel aj judey, are c'u ri u tat aj Gres.

Filipenses 4:1

Je c'u ri', lok'alaj tak wachalal, ri sibalaj quinwaj quinwil i wäch, ix nu quicotemal, ix nu ch'äcoj, chijiquiba' ba' i c'u'x chrij ri Ajawaxel, lok'alaj tak wachalal.

Romanos 12:19

Lok'alaj tak wachalal, mitoj u q'uexel ri etzelal xane' chiya' can che ri royowal ri Dios. Tz'ibatal c'ut: “Wech in ri tojow q'uexel, in quintojow na, cächa' ri Ajawaxel.”

Romanos 1:7

Quintz'ibaj c'u we wuj ri' chiwe iwonojel ri ix c'o pa Rom. Ri Dios quixulok'ok'ej, xixusiq'uij rech quixux tastalic tak winak. Ri Dios ka Tat xukuje' ri Ajawaxel Jesucrist chubana' tok'ob chiwe xukuje' chuya' jamaril chixo'l.

1 Corintios 4:17

Rumal wa' xintak bic ri Timotey iwuc', ri lok'alaj nu c'ojol, jic chrij ri Ajawaxel. Ri are' cunataj na chiwe jas ri nu banom pa ri nu c'aslemal pa ri cojonic che ri Crist Jesus, jas ri nu tijonic chquixo'l conojel ri comon cojonelab pa tak conojel c'olbal.

Ri Tit 1:4

Quintz'ibaj we wuj ri' chawe, Tit, kas at nu c'ojol pa ri cojonic, xa' junam c'ut ri ka cojonic uj quieb. Are ta ri Dios Tataxel xukuje' ri ka Colonel Jesucrist cuban tok'ob chawe, cuya' jamaril chixo'l ruc'.

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.

3 Juan 1:4

Sibalaj quinquicotic aretak quinto chi ri e walc'ual e jekel pa ri kastzij. Man c'o ta chi jun nu quicotemal chuwäch wa'.