2 Corintios 8:23 - Quiché Bible

²³ We c'o jun cäc'otow i chi', chibij chi ri Tit are wachil xukuje' wajchac chixo'l; xukuje' ri e niq'uiaj kachalal chic, are e qui takom ri e comon cojonelab chi cäquinimarisaj u k'ij ri Crist.

RI KꞌAKꞌ TESTAMENTO PA TZIJOBꞌAL KꞌICHEꞌ

²³ Are kꞌu ri Tito are wachiꞌl xuqujeꞌ toꞌl iwe, e taqtal bꞌik rumal ri komontyox, rech kakiya uqꞌij ri Cristo.

K'iche'

²³ We c'o jachin jun c'o jas cuta' chrij ri Tito, chibij che chi are wachi'l ri junam cächacun wuc' che i patänixic ix. We c'o jun c'o jas cuta' chquij tak ri niq'uiaj kachalal chic, chibij che chi ri e are' e takowinak bi ri kachalal cojonelab, xukuje' chi cäquinimarisaj u k'ij ri Cristo.

K'iche' (New Orthography)

²³ We k'o jachin jun k'o jas kuta' chrij ri Tito, chib'ij che chi are wachi'l ri junam kächakun wuk' che i patänixik ix. We k'o jun k'o jas kuta' chkij taq ri nik'iaj qachalal chik, chib'ij che chi ri e are' e taqowinaq b'i ri qachalal kojonelab', xuquje' chi käkinimarisaj u q'ij ri Cristo.

2 Corintios 8:23 Referans Kwoze

Filipenses 2:25

Quinchomaj chi rajawaxic xukuje' quintak na bic ri kachalal Epaprodit iwuc', are wäch ajchac, je ta ne wäch ajch'o'j, ri xitak ulok che nu to'ic aretak c'o rajawaxic chwe.

Filemón 1:17

Je c'u ri', we cachomaj chi in awachalal, chac'ulaj ri Onesimo je ta ne ri in.

2 Corintios 8:6

Rumal ri' ka bochi'm ri Tit chi chutakej u mulixic ri cuchuj ri quiya' ri xuchaplej u mulixic nabe.

3 Juan 1:8

Chekac'amowaj ba ri cojonelab ri jewa' cäquibano chujoc il chque je c'u ri' quekato' che u tzijoxic ri kastzij.

Filemón 1:24

Xukuje' ri Marcux, ri Aristarc, ri Dems xukuje' ri Lucax, ri e wäch tak ajchaquib, cäquiya' rutzil a wäch.

1 Tesalonicenses 2:2

Pune' ka rikom chi c'ax nabe, pune' uj yok'om chic pa Pilips, jas ri iweta'm chic, ri ka Dios xujuto' che u tzijoxic ri u tzij re colobal ib chiwe, man xkaxe'j ta kib. Je xkabano pune' xkarik c'ax rumal ri u tzijoxic.

Colosenses 1:7

Are wa' ri xitijoj wi iwib ruc' ri Epapras, ri lok'alaj kach ajchac. Are jun jicalaj pataninel re ri Crist c'o chixo'l.

Filipenses 4:3

Xukuje' quinta' jun tok'ob chawe at, jicalaj wäch ajchac, chebato' ri ixokib ri'. Ri e are' xinquito' che u tzijoxic ri tzij re colobal ib, xukuje' ri Clement xukuje' ri e niq'uiaj wäch tak ajchaquib chic. C'o c'u ri qui bi' pa ri wuj re c'aslemal.

2 Corintios 12:18

Xinbochi'j ri Tit chi cäbe iwuc', xintak c'u bic ri jun kachalal chic che rachil. ¿La xixusub lo ri Tit? ¿La ma ta kastzij chi kacabichal junam i to'ic ka banom ruc' c'ut ri kas junam uxlabal?

2 Corintios 8:19

Man xuwi ta c'u wa', xane' xcha' cumal ri e comon cojonelab chi cäbe kuc' che u mulixic ri cuchuj. Are wa' cäkabano che u nimarisaxic u k'ij ri Ajawaxel xukuje' che u c'utic chi c'o i rayibal che u banic.

2 Corintios 8:16

Maltiox che ri Dios chi xuya' pa ranima' ri Tit ri junam oquem il ri c'o wuc' chiwe.

2 Corintios 7:6

Are' c'u ri Dios ri cucu'bisaj qui c'u'x ri sachinak qui c'u'x, xucu'bisaj ka c'u'x ruc' ri ropanem ri Tit.

Ri Lucax 5:10

Xukuje' xumay ri Santiag xukuje' ri Xuan ri e u c'ojol ri Zebedey, ri e rachil ri Simon. Ri Jesus xubij che ri Simon: “Maxe'j awib. Kas camic cachaplej qui cäraxic winak.”

Ri Lucax 5:7

Xequisiq'uij apan ri cachil ri e c'o pa ri jun jucub chic, rech quebopan che qui to'ic. Xepetic, xequinojisaj ri quieb jucub, jeri' chi xa' jubik' man quebik'tajic.

Ri Xuan 13:16

Kastzij, kastzij quinbij chiwe: Ri pataninel man are ta nim u k'ij chuwäch ri rajaw. Mawi ri takom are ta nim u k'ij chuwäch ri xtakowic.

1 Corintios 11:7

Man takal taj che ri achi cuch'uk ri u jolom, rumal rech chi are u wächbal ri Dios, xukuje' are yabal u k'ij ri Dios. Are c'u ri ixok are yabal u k'ij ri achi.

2 Corintios 8:18

Xkatak c'u bic jun kachalal che rachilaxic bic. Conojel ri e comon cojonelab utz cäquil ri chac ri u banom pa ri utzalaj tak tzij.

2 Corintios 8:22

Junam cuc' we niq'uiaj ri', xintak chi bic jun chque ri kachalal, ri q'ui mul e u c'utum chkawäch ri utzalaj tak u chomanic, are' c'u ne c'o na ri camic, rumal ri nimalaj u jiquibam c'uxaj ri c'o ruc' chiwij.

2 Timoteo 4:10

Xinuya' c'u can ri Dems. Ri are' utz xeril na ri jastak re ri uwächulew, benak pa Tesalon. Ri Cresent benak pa Galas, xukuje' ri Tito pa Dalmas.

Ri Tit 1:4

Quintz'ibaj we wuj ri' chawe, Tit, kas at nu c'ojol pa ri cojonic, xa' junam c'ut ri ka cojonic uj quieb. Are ta ri Dios Tataxel xukuje' ri ka Colonel Jesucrist cuban tok'ob chawe, cuya' jamaril chixo'l ruc'.