2 Corintios 7:7 - Quiché Bible

⁷ Man xuwi ta rumal ri u petic xcu'bisax ka c'u'x, xane' xukuje' rumal rech chi ri are' xucu'bisaj u c'u'x chiwij. Xutzijoj c'u chke chi sibalaj quiwaj quiwil ka wäch, chi quixbison chke, chi quiwaj quiwetamaj we c'o c'ax nu rikom. Rumal ri' sibalaj xinquicotic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Man xaq xwi ta rumal ri rulibꞌal, xane rumal ri kuꞌlibꞌal kuꞌx ri xiya loq che. Sibꞌalaj xinkiꞌkotik areꞌ xutzijoj chaqe chi sibꞌalaj kꞌax ikꞌuꞌx chwe xuqujeꞌ sibꞌalaj kinibꞌisoj.

K'iche'

⁷ Man xuwi tä c'u rumal ri ropanic ri are', xane xukuje' rumal chi ri ix iwalijisam ri ranima' ri are'. Ri are' xutzijoj chke chi sibalaj quiwaj quiwil ka wäch. Xukuje' xubij chke chi sibalaj quixbisonic, chi sibalaj quixoc il wumal in. Rumal c'u ri' sibalaj xinquicot na.

K'iche' (New Orthography)

⁷ Man xuwi tä k'u rumal ri ropanik ri are', xane xuquje' rumal chi ri ix iwalijisam ri ranima' ri are'. Ri are' xutzijoj chqe chi sib'alaj kiwaj kiwil qa wäch. Xuquje' xub'ij chqe chi sib'alaj kixb'isonik, chi sib'alaj kixok il wumal in. Rumal k'u ri' sib'alaj xinkikot na.

2 Corintios 7:7 Referans Kwoze

Ri Juds 1:3

Lok'alaj tak wachalal, sibalaj xinwaj xintz'ibaj ta chiwe chrij ri kacoltajem junam iwuc'. Camic c'ut rajawaxic quintz'ibaj bic chiwe che i pixbexic chi kas quitij i chuk'ab che u bixic chi kastzij ri cojonic ri xa jumul yo'm chque ri tastalic tak winak.

2 Corintios 5:2

Aretak uj c'o pa ri ka cuerp, cujbik'bitic, sibalaj cäkarayij cujk'ax pa ri kachoch chicaj,

2 Juan 1:4

Sibalaj xinquicotic aretak xebenrik jujun chque ri awal quebin pa ri kastzij, jas ri takanic ri ka c'amom che ri Tataxel.

Santiago 5:17

Ri k'axal tzij Eliy are jun achi junam u banic kuc' uj. Ri are' xuban ch'awem ruc' Dios, xutz'onoj chi man cäpe ta jäb. Man xpe ta c'u ri jäb puwi' ri uwächulew oxib junab ruc' wakib ic'.

Hebreos 2:1

Rumal ri', rajawaxic chi sibalaj quekanimaj na ri jastak ri ka tom, mäkatas kib chrij.

1 Tesalonicenses 3:8

Aretak xketamaj chi co ix c'o pa ri i cojonic che ri Ajawaxel, xpe na chuk'ab pa ri ka c'aslemal.

1 Tesalonicenses 3:6

Camic c'ut ri Timotey tzelejinak chi ulok iwuc', ulinak kuc'. Xutzijoj ri i cojonic xukuje' ri lok'ok'ebal i c'u'x. Xubij chke chi ri uj cujnataj chiwe ruc' utzil, xukuje' chi sibalaj quiwaj quiwil ka wäch, jas ri uj xukuje' cäkaj cäkil i wäch.

Colosenses 2:5

Pune' man in c'o ta chi winakil chixo'l, in c'o c'ut pa ri uxlabal, quinquicot c'ut che rilic ri utzalaj i cholajil ri c'olic xukuje' chi amak'el co ix tac'al chupam ri i cojonic pa ri Crist.

Filipenses 1:20

Je c'u quel na jas ri quinwaj. Cu'l nu c'u'x chi man quel ta nu q'uixbal, xane' quintzijon na camic jas ri amak'el nu banom, man quinxe'j ta wib. Jeri' cänimarisax na u k'ij ri Crist rumal ri quinban pa ri nu cuerp, we quinc'asi'c o we quincämic.

2 Corintios 8:16

Maltiox che ri Dios chi xuya' pa ranima' ri Tit ri junam oquem il ri c'o wuc' chiwe.

2 Corintios 2:9

Rumal c'u ri' xintz'ibam chiwe, rech kas quinwetamaj jas ri quibano, we quinimaj ronojel ri nu tzij.

2 Corintios 1:14

je jas ri iwetamam chi jubik', chi cäquicot ri iwanima' rumal kech uj aretak cäpe ri u k'ij ri Kajaw Jesucrist, ri uj xukuje' cäquicot na ri kanima' rumal iwech.

Romanos 1:12

Rech jeri' chi cäkaya' ka chuk'ab chbil tak kib pa ri ka cojonic, xa junam c'u ri i cojonic ruc' ri wech in.

Hechos 11:23

Aretak xopanic, xrilo chi c'o ri u tok'ob ri Dios cuc' ri cojonelab chila', xquicotic. Xebupixbej conojel chi cäquiterenej ri Ajawaxel ruc' ronojel canima', chi jic chetaken che ri Ajawaxel.

Ri Lucax 22:44

Aretak xel ch'u'j ri ranima', sibalaj xbochi'n che ri Dios. Are ri u c'atanal je jas ri ju tak tz'uj quic' ri cäkaj cho ri ulew.

Ri Matey 26:75

Xnataj c'u che ri Lu' ri u tzij ri Jesus, ri xubij: “C'ä majok cok' ri ama' ec', oxmul cabij na chi man aweta'm ta nu wäch.” Xel c'u apanok ri Lu', xok' ruc' c'ayil.

Ri Matey 5:4

Utz que ri quebok'ic, cacu'bisax c'ut qui c'u'x rumal ri Dios.

Salmib 141:5

Are jun tok'ob chwe chi ri winak tz'akatisanel pa ronojel cuc'äjisaj nu wäch, jun je'lalaj c'oc'al c'ut ri quink'ilowic. We jastak ri' man quebenpakchi'j taj; pune' quinquit'oco, quitakej na u banic ch'awem ruc' Dios.

Salmib 51:1

Rumal ri lok'ok'ebal c'u'x la chwe, nu Dios, chel c'u'x la chwe; rumal ri nimalaj u ch'uch'ujil ri anima' la, che saj la ri nu mac.

Salmib 38:18

¡Quebenk'alajisaj ri nu mac, quinel c'u ch'u'j cumal!

Salmib 30:5

Xa c'u jubik' cäbeytaj ri royowal, are c'u ri rutzil man c'o ta u q'uisic. We cujok' chak'ab, ak'abil c'o chic ka quicotemal.

1 Corintios 5:2

Ri ix c'ut i nimarisam iwib. Ri are ta ne quixbisonic, iwesam ta c'u ne chixo'l ri xbanow we etzelal ri' chixo'l.

2 Corintios 1:4

Ri are' cucu'bisaj ka c'u'x pa conojel ri ka c'axc'olil, rech cujcuin che u cu'bisaxic qui c'u'x niq'uiaj chic ri e c'o pa ronojel u wäch c'axc'olil. Jas ri u cu'bisaxic ka c'u'x uj rumal ri Dios, je cäkaban uj che u cu'bisaxic qui c'u'x niq'uiaj chic.

2 Corintios 7:6

Are' c'u ri Dios ri cucu'bisaj qui c'u'x ri sachinak qui c'u'x, xucu'bisaj ka c'u'x ruc' ri ropanem ri Tit.

2 Corintios 7:8

Pune' xixinya' pa bis rumal ri wuj, man quinbison ta c'ut chi xintz'ibaj bic chiwe. Pune' xinbison can nabe rumal rech chi ri wuj xuya' bis chiwe, xa c'u quieb oxib k'ij xixbisonic.