2 Corintios 7:4 - Quiché Bible

⁴ Sibalaj nim ri cu'lbal nu c'u'x chiwij, xukuje' quinquicot iwuc'. Sibalaj cu'bisam nu c'u'x xukuje' nim ri nu quicotemal pa ronojel ri ka c'axc'olil.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Qas kuꞌl na kꞌuꞌx chiꞌwe xuqujeꞌ nimal kinnaꞌo rumal iwe. Sibꞌalaj nukꞌamom nuchuqꞌabꞌ, pa ronojel ri kꞌaxkꞌolal ri kaqariqo, kapulin ri qakiꞌkotemal.

K'iche'

⁴ Cäcu'bi nu c'ux chiwij. Sibalaj quinquicot iwumal. Chupam ronojel ri c'äx ri cäkariko xa sibalaj cäwalijisax ri wanima', nim c'u ri quicotemal quinna' iwumal.

K'iche' (New Orthography)

⁴ Käku'b'i nu k'ux chiwij. Sib'alaj kinkikot iwumal. Chupam ronojel ri k'äx ri käqariqo xa sib'alaj käwalijisax ri wanima', nim k'u ri kikotemal kinna' iwumal.

2 Corintios 7:4 Referans Kwoze

2 Corintios 1:4

Ri are' cucu'bisaj ka c'u'x pa conojel ri ka c'axc'olil, rech cujcuin che u cu'bisaxic qui c'u'x niq'uiaj chic ri e c'o pa ronojel u wäch c'axc'olil. Jas ri u cu'bisaxic ka c'u'x uj rumal ri Dios, je cäkaban uj che u cu'bisaxic qui c'u'x niq'uiaj chic.

2 Corintios 3:12

Cu'l ka c'u'x chrij wa'. Rumal ri' cäkatzijoj ronojel, man cäkaxe'j ta kib.

Santiago 1:2

Wachalal, chichomaj chi are ronojel i quicotemal wa' aretak quepe ronojel qui wäch c'ambejenic piwi'.

Colosenses 1:24

Quinquicot c'u pa tak ri c'axc'olil ri nu rikom rumal iwech, c'ä c'ax c'u que che ri Crist rumal ri qui c'axc'olil ri comon cojonelab, are wa' ri u cuerp. Quinc'am c'u we we c'axc'olil ri' pa ri nu cuerp. Quinrik c'u c'ax rumal quech ri comon cojonelab.

Filipenses 2:17

Pune' cäpil na ri kas nu c'aslemal che u tz'akatil ri sipanic ri quiya' ix che ri Dios rumal ri i cojonic, in quinequicotok, ix c'u joch'ob quixquicot wuc'.

1 Corintios 1:4

Amak'el quinmaltioxin che ri Dios rumal iwech, ri u tok'ob ri u yo'm chiwe pa ri Crist Jesus.

1 Tesalonicenses 2:19

¿Jas chrij cu'l wi ka c'u'x? ¿Jas ri ka quicotemal? ¿Jas ri tojbal ke rumal ri chac ri ka banom? Ix ri' aretak cäpe ri Kajaw Jesus.

1 Tesalonicenses 2:2

Pune' ka rikom chi c'ax nabe, pune' uj yok'om chic pa Pilips, jas ri iweta'm chic, ri ka Dios xujuto' che u tzijoxic ri u tzij re colobal ib chiwe, man xkaxe'j ta kib. Je xkabano pune' xkarik c'ax rumal ri u tzijoxic.

Filipenses 1:20

Je c'u quel na jas ri quinwaj. Cu'l nu c'u'x chi man quel ta nu q'uixbal, xane' quintzijon na camic jas ri amak'el nu banom, man quinxe'j ta wib. Jeri' cänimarisax na u k'ij ri Crist rumal ri quinban pa ri nu cuerp, we quinc'asi'c o we quincämic.

2 Corintios 11:21

Pune' quel nu q'uixbal che u bixic, ¡ri uj sibalaj xujux tukar chi je xkaban wa'!

2 Corintios 8:24

Rech c'u cäquetamaj ri e comon tak cojonelab, chebic'utu chquiwäch ix chi sibalaj quebiwaj chi c'o c'u rumal ka cuban ka c'u'x chiwij.

2 Corintios 2:14

Maltiox ba' che ri Dios, chi amak'el cujuc'am bic pa ri ch'äcanic pa ri Crist Jesus chi rumal c'u kech cuya' retamaxic ri u tijonic ri cäjabun, pa conojel c'olbal jacha' jun c'oc'alaj uxlab.

2 Corintios 1:14

je jas ri iwetamam chi jubik', chi cäquicot ri iwanima' rumal kech uj aretak cäpe ri u k'ij ri Kajaw Jesucrist, ri uj xukuje' cäquicot na ri kanima' rumal iwech.

Romanos 5:3

Man xuwi ta c'u wa'. Xane' cujquicot rumal quech tak ri c'axc'olil ri quepe pakawi'. Keta'm chi aretak cäkarik c'ax, cäketamaj na u ch'ijic ri c'ax.

Hechos 5:41

Ri takomxenlab xebel c'u bic chquiwäch ri k'atal tak tzij. Quequicotic rumal rech chi ri Dios xuya' chque chi quetzelax qui wäch rumal rech ri u bi' ri Jesus.

2 Corintios 7:14

Aretak xinbij che ri Tit chi sibalaj quinquicot iwuc', man xel ta nu q'uixbal. Ronojel c'u ri xkatzijoj chiwe, are kastzij, je xukuje' ronojel ri utz ri xkabij chiwij che ri Tit, kas je xelic.

2 Corintios 10:8

Pune' quinnimarisaj jubik' nu k'ij rumal ri takanic ri u yo'm ri Ajawaxel pa ka k'ab, man quel ta nu q'uixbal, rumal rech chi yo'm ri takanic pa ka k'ab che i yaquic, man che ta u sachic i wäch.

Filipenses 1:14

E q'ui chque ri kachalal, aretak xquito chi in c'o pa che', sibalaj xquichajij anima' che u tzijoxic ri u tzij ri Dios man ruc' ta xe'n ib.

Filipenses 1:26

Jeri' sibalaj quixquicot na pa ri u bi' ri Crist Jesus rumal ri nu c'olem jumul chic iwuc'.

2 Tesalonicenses 1:4

Jeri' chi cäkabij chque ri e u comon cojonelab ri Dios chi sibalaj cujquicotic rumal rech ri i banom. Rumal rech chi quich'ij ri c'ax ri cäban chiwe, xukuje' co ix tac'al pa ri i cojonic aretak quirik ri c'axc'olil.

Filemón 1:7

Cu'l ka c'u'x xukuje' cujquicotic rumal ri lok'ok'ebal a c'u'x, rumal rech chi a yo'm uxlanem che ri canima' ri cojonelab, wachalal.