2 Corintios 7:3 - Quiché Bible

³ Man quinbij ta wa' che u ya'ic mac chiwij. Nu bim c'ut chi ix c'o pa ri kanima', rech cujc'asi' junam xukuje' cujcäm junam.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Man xa ta tajin kinqꞌat tzij piꞌwiꞌ, xinbꞌij chiꞌwe chi ix kꞌo pa qanimaꞌ, rech pune kujkamik o kujkꞌasiꞌk ne junam.

K'iche'

³ Man quinbij tä wa' chiwe chubixic chi c'o i mac. Nu bim c'u chiwe nabe canok chi ix c'äx pa wanima'. We cujc'asi'c, junam cujc'asi'c, we c'u cujcämic, junam cujcämic.

K'iche' (New Orthography)

³ Man kinb'ij tä wa' chiwe chub'ixik chi k'o i mak. Nu b'im k'u chiwe nab'e kanoq chi ix k'äx pa wanima'. We kujk'asi'k, junam kujk'asi'k, we k'u kujkämik, junam kujkämik.

2 Corintios 7:3 Referans Kwoze

1 Tesalonicenses 2:8

Ri uj c'ut quixkalok'ok'ej. Xkaj chkawäch ri u ya'ic chiwe man xuwi ta ri tzij re colobal ib ri u yo'm Dios, xane' xukuje' ri kanima'. Rumal rech chi sibalaj ix lok' chkawäch.

2 Corintios 13:10

Rumal ri' quebentz'ibaj bic we jastak ri' chiwe aretak man in c'o ta iwuc', rech aretak quinopan iwuc', man in c'a'n ta chic chiwe, jas ri ya'tal chwe rumal ri takanic ri u yo'm ri Ajawaxel pa nu k'ab. U yo'm chwe che u ya'ic i chuk'ab, man che ta u sachic i wäch.

2 Corintios 12:15

Ri in ruc' ronojel ri nu rayibal quinsach na ronojel ri c'o wuc', xukuje' c'u ne ri in quinjarisaj na wib che u banic ri utzil chiwe; quinwil c'ut chi aretak sibalaj ix nu lok', xa' man sibalaj utz ta quiniwilo.

2 Corintios 11:11

¿Jasche je quinbij wa'? ¿La xa' lo man quixinlok'ok'ej taj? Ri Dios reta'm chi quixinlok'ok'ej.

2 Corintios 7:12

Je c'u ri', aretak xintz'ibaj bic ri wuj chiwe, man xintz'ibaj taj rumal rech ri jun ri xbanow ri etzelal, mawi rumal rech ri jun ri xban etzelal che. Xane' xintz'ibaj rech cäc'ut chiwäch chi sibalaj cujilok'ok'ej chuwäch ri Dios.

2 Corintios 3:2

Ix c'u ri' ri ix ka wuj, tz'ibatal pa ri kanima'. Etamatal cumal conojel ri winak, xukuje' qui siq'uim u wäch ri wuj ri'.

Filipenses 1:7

Suc' ri nu chomanic chiwe iwonojel, rumal rech chi ix c'o pa wanima'. Aretak in c'o pa che', aretak quintzijoj chque ri winak jasche quincojon che ri tzij re colobal ib xukuje' quink'alajisaj chquiwäch chi are' ri kastzij, ix wachil pa ri u tok'ob ri Dios.