2 Corintios 6:7 - Quiché Bible

⁷ rumal ri ka tijonic aj kastzij xukuje' rumal ri u cuinem ri Dios pa ri uj. Quekacoj tak ri ch'ojibal aj suq'uilal, rumal ri iquiak'ab che ch'ojinic rumal ri ka mox k'ab che u to'ic ib.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Rukꞌ tzij rech ri qas tzij xuqujeꞌ rukꞌ ri ukwinem ri Dios, rukꞌ chꞌoꞌjibꞌal rech sukꞌal, toꞌbꞌal qibꞌ xuqujeꞌ rech chꞌoꞌj.

K'iche'

⁷ Xukuje' k'alaj wa' aretak cäkatzijoj ri kas tzij, c'o c'u ru chuk'ab ri Dios pa kanima'. Ri kanima' ri jicom ru yo'm ri Dios chke are wa' cäkacoj pa ri ch'oj ruc' ri Itzel, xukuje' che ka to'ic kib.

K'iche' (New Orthography)

⁷ Xuquje' q'alaj wa' aretaq käqatzijoj ri qas tzij, k'o k'u ru chuq'ab' ri Dios pa qanima'. Ri qanima' ri jikom ru yo'm ri Dios chqe are wa' käqakoj pa ri ch'oj ruk' ri Itzel, xuquje' che qa to'ik qib'.

2 Corintios 6:7 Referans Kwoze

2 Corintios 4:2

Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

2 Timoteo 2:15

Chawila' awib rech catac'aba' awib chuwäch ri Dios, jas jun ri utz u banom che ri chac, jas jun ajchac ri man c'o ta caq'uix wi, ri suc' u banom che u ya'ic ri tijonic aj kastzij.

Santiago 1:18

Ri are' xuchomaj jas cuban na, xuya' ka c'aslemal rumal ri tzij re kastzij, rech cujux jujun nabe tak qui wächinic ri jastak ri e banom rumal.

2 Timoteo 4:7

Nu cojom nu chuk'ab pa ri utzalaj ch'o'j, xinq'uis ri nu chac, xinchajij wib pa ri nu cojonic.

1 Tesalonicenses 5:8

Ri uj c'ut ri uj re ri sakil, chkachomaj jas cäkabano. Chkacojo' ri ka cojonic xukuje' ri lok'ok'ebal ka c'u'x jas ri ajch'o'j cucoj atz'iak re ch'ich' pa ri ch'o'j, che u to'ic ri uwo u c'u'x. Chkacu'bisaj ka c'u'x chi cujcolotaj na, chkacojo' ba' jas ri ajch'o'j cucoj to'bal u jolom.

Efesios 3:20

Are c'u ri camic chkanimarisaj ba' u k'ij ri Dios, ri sibalaj nim na ri cäcuin che u banic chuwäch ri cäkata' che, nim na chuwäch ri cäkachomaj chi cubano. Je cubano rumal ri cuinem ri cächacun pa kanima'.

2 Corintios 13:4

Kastzij xrip ri are' cho jun ripibal ruc' tukaril. C'asal c'ut rumal ri u chuk'ab ri Dios. Jeri' ri uj, uj tukar ruc' are'. Cujc'asi' c'u na junam ruc' chiwe rumal ri u chuk'ab ri Dios.

Efesios 1:13

Xukuje' c'u ri ix, aretak xoc ri tijonic aj kastzij pa i jolom, ri u ya'ic ri u bixic ri colobal ib, xixcojon c'u che ri Crist, xixjunax c'u ruc' xukuje' xixt'ikic ix jacha' che rechbal ri Dios rumal ri Ruxlabal ri Dios ri xuchi'j ulok ojer.

2 Corintios 7:14

Aretak xinbij che ri Tit chi sibalaj quinquicot iwuc', man xel ta nu q'uixbal. Ronojel c'u ri xkatzijoj chiwe, are kastzij, je xukuje' ronojel ri utz ri xkabij chiwij che ri Tit, kas je xelic.

Salmib 119:43

Mesaj la pa nu chi' ri tzij aj kastzij, nu yo'm c'u ri weyebal c'u'x chquij ri pixab ri e tz'ibatalic.

Hebreos 2:4

Jeri' ri Dios xuk'alajisaj chi kastzij, xebuban etal, mayibal, xukuje' ronojel u wäch nimak tak chac rumal, xujach ri Uxlabaxel chque ri winak jas ri u rayibal.

Colosenses 1:5

rumal rech ri eyebal c'uxaj chrij ri c'olom chiwe pa ri caj. I tom chi c'u wa' rumal ri tzij re kastzij, are wa' ri kastzij re colobal ib.

Efesios 4:21

we kas i tom ri u tzijol ri are'; we xixtijox c'ut pa ri are' jas ri u cholajil ri kastzij ri c'o pa ri Jesus.

1 Corintios 1:24

chque c'u ri winak ri e siq'uim, chi aj judeyib chi man aj judeyib taj, ri Crist are u cuinem ri Dios, xukuje' u no'j ri Dios.

Hechos 11:21

Ri u k'ab ri Ajawaxel c'o cuc'. E q'ui xecojonic, xequiya' can ri ojer tak qui cojonic, xecojon che ri Ajawaxel.

Marcos 16:20

Ri u tijoxelab xebel bic, xquitzijoj chque ri winak pa tak ronojel c'olbal jas u banom ri Jesus. Ri Ajawaxel xebuto'o xukuje' xubano chi xquibana etal che u k'alajisaxic chi rech ri Dios ri tzij ri cäquibij. Je chbanok.

Ri Isaiy 59:17

Xuch'uk rib je ta ne xucoj ta jun to'bal uwo c'uxaj, xucoj ri colobal ib jacha' ta ne jun to'bal jolomaj, xratz'iakij ri tojow q'uexelal jacha' jun u pam atz'iak, xupis c'u rib chupam ri oyowal jacha' jun ch'ukubal.

Ri Isaiy 11:5

Amak'el u cojom atz'iak re suq'uil xukuje' re kastzij.

E C'ambal tak Tzij 3:16

Ruc' ri iquiak'ab cuchi'j ri nimalaj c'aslemal ri cäbeytajic, ruc' c'u ri mox k'ab cuchi'j k'inomal xukuje' yabal k'ij.

Elem 14:22

Ri aj israelib xeboc'ow pa chaki'j ulew chupam ri plo, chquixo'l quieb tapia re ja', jun pa qui wiquiak'ab, jun pa qui mox k'ab.

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.