2 Corintios 5:1 - Quiché Bible

¹ Ri uj uj junam ruc' jun ja aj uwächulew, jacha' jun lic'om cäbal. Keta'm c'ut chi we cäsach u wäch wa', c'o jun kachoch ri junalic ruc' ri Dios pa ri caj, ri man k'abaj ta banowinak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Qetaꞌm kꞌut chi we qatyoꞌjal ri uj kꞌo wi, jer kꞌo jun ja ri utz katukixik, kasach uwach, kꞌo jun qachoch yaktal chilaꞌ chikaj. Man uqꞌabꞌ ta winaq bꞌanowinaq xuqujeꞌ man kasach ta uwach.

K'iche'

¹ Ketam c'ut chi we cäsach u wäch ri ka cuerpo ri je' jas jun ja ri man naj taj cuch'ijo, c'o chi na jun kachoch ri u banom u banic ri Dios pa ri caj ri man cäsach tä u wäch. Are jun ja ri man xa tä banom cumal winak.

K'iche' (New Orthography)

¹ Qetam k'ut chi we käsach u wäch ri qa cuerpo ri je' jas jun ja ri man naj taj kuch'ijo, k'o chi na jun qachoch ri u b'anom u b'anik ri Dios pa ri kaj ri man käsach tä u wäch. Are jun ja ri man xa tä b'anom kumal winaq.

2 Corintios 5:1 Referans Kwoze

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.

Hebreos 9:24

Man xoc ta ri Crist pa ri k'ijilabal ri banom che qui k'ab ri winak, u wächbal ri kas k'ijilabal. Xane' xoc pa ri caj, camic c'ut cutac'aba' rib chuwäch ri Dios che ka q'uexwäch.

2 Corintios 4:7

We k'inomal ri' pa tak ri ka cuerp c'o wi, are je jas ri lak re ulew. Jeri' cäk'alajinic chi ri nimalaj cuinem, ruc' ri Dios cäpe wi, man kuc' ta uj.

Hebreos 9:11

Aretak c'u petinak chic ri Crist, ri qui nimal ri cojol tabal tok'ob, ri cojom paquiwi' ri utzalaj tak jastak ri quepe na. Cäpatanin pa ri k'ijilabal ri nim na u banic, ri sibalaj tz'akat, ri man banom ta rumal qui k'ab ri winak; quel cubij wa' chi man aj uwächulew taj.

Ri Job 4:19

¡e ta c'u lo pa ri u c'aslemal ri winak, ri sibalaj tukar jacha' jun ja re t'ac ri yacom puwi' ri puc'uc' ulew, caxak' c'ut jacha' puc'upunel!

1 Pedro 1:4

rech cuya' jun kechbal ri man cäsach ta u wäch, man tz'ajtajinak taj, ri man cächaki'jar taj, ri c'olom chiwe pa ri caj.

2 Corintios 5:4

Joropa' c'u k'ijol cujjeki' chupam we lic'om ja ri' cujbik'bitic cäkarik c'ax man cakaj ta c'ut chi cujch'anabaxic, xane' chi chcamulix katz'iakixic jeri' chi ri cämel camojcolitaj rumal ri c'ac' c'aslemal.

Chapletajic 3:19

Cach'äc na ri a wa ruc' ri u c'atanal ri a palaj, c'ä cattzelej na pa ri ulew ri xatesax wi', at c'u ya' ulew catux chi c'u na ulew.”

Marcos 14:58

“Ri uj xkata' we achi ri' aretak xubij: ‘In quinwulij na we rachoch Dios ri' ri banom cumal qui k'ab ri winak, pa oxib k'ij c'ut quinyac chi na jun ri man banom ta cumal winak.’ ”

2 Pedro 3:11

U mac c'u rech chi conojel ri jastak cäsachisax na qui wäch, ¡sibalaj rajawaxic chi quixbin pa jun tastalic i c'aslemal xukuje' quixniman che ri Dios!

Colosenses 2:11

Ri ix man xic'amtaj ri etal re ri u kopixic ri u wi' ri u tz'umal ri ix achijab wi je jacha' ri cäquiban ri achijab aj judeyib. Ri ix man xixkopix taj cumal k'abaj, are c'u ri ix xic'am ri etal rumal ri Crist aretak ri are' xebukopij ri e itzel tak e i rayibal aj winak re mac;

1 Juan 3:19

Jeri' cäkach'obo chi uj rech ri kastzij xukuje' cäkajiquiba' ri kanima' chuwäch ri Dios.

1 Juan 3:14

Uj keta'm chi uj elinak chic pa ri cämical, uj c'o chic pa ri c'aslemal, ketamam c'ut rumal rech chi quekalok'ok'ej ri kachalal. Apachin c'u ri man culok'ok'ej ta ri rachalal, cäminak na ri'.

Hebreos 11:10

Ri Abraham reyem c'u jun tinimit ri e c'o cowilaj tak u tac'alibal, ri u banom ri Dios ruc' ri u chomanic xukuje' yacom rumal ri are'.

1 Corintios 3:9

Ri uj c'ut uj rach tak rajchaquib ri Dios. Ri ix, ix u tajin ri Dios, ix ri ja ri cuyac ri Dios.

Salmib 56:9

Ri e nu c'ulel quebanimaj na aretak quintz'onoj ri to'banic la. In kas weta'm chi ri Dios c'o che nu to'ic.

Ri Job 30:22

Caban la chi qui nu tokij bic ri quiakik', chi ri cakulja quinuyocopisaj.

2 Timoteo 1:12

Xukuje' rumal rech wa' quinrik we c'ax ri'. Man quinq'uix ta c'ut, rumal rech chi weta'm jachin che in cojoninak wi. Elinak chi sak chnuwäch chi c'o u cuinem che u chajixic ri nu yo'm pa u k'ab c'ä pa ri k'ij ri'.

Ri Isaiy 38:12

Cäyojix ri wachoch, quesax chwe, jacha' ri cäban chque ri qui lic'om cäbal ri ajyuk'ab. Ri nu c'aslemal canok junam ruc' ri u quem jun ajquem, ri cäkopix pa ri quemabal. Chi pa k'ij chi chak'ab banom la chwe chi quinrik c'ax.

Hechos 7:48

Pune' c'u ri Dios aj chicaj man cäc'oji' ta pa tak ja ri e banom che k'abaj, jas ri xubij ri k'axal tzij: