2 Corintios 2:14 - Quiché Bible

¹⁴ Maltiox ba' che ri Dios, chi amak'el cujuc'am bic pa ri ch'äcanic pa ri Crist Jesus chi rumal c'u kech cuya' retamaxic ri u tijonic ri cäjabun, pa conojel c'olbal jacha' jun c'oc'alaj uxlab.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Xa tyox che ri Dios ri kubꞌan chaqe chi uj chꞌekenelabꞌ, xuqujeꞌ xa rumal qe uj, kutukij bꞌik ri ukꞌokꞌal ri etaꞌmanik pa ronojel kꞌolibꞌal.

K'iche'

¹⁴ Maltiox ba' che ri Dios ri cuya chke chi amak'el ronojel k'ij cujch'acan na rumal ri Cristo Jesús. Rumal c'u kech uj quel u tzijol ru Lok' Pixab ri Are' je' jas jun c'oc'alaj cunabal ri cäjabun ri ruxlab.

K'iche' (New Orthography)

¹⁴ Maltiox b'a' che ri Dios ri kuya chqe chi amaq'el ronojel q'ij kujch'akan na rumal ri Cristo Jesús. Rumal k'u qech uj kel u tzijol ru Loq' Pixab' ri Are' je' jas jun k'ok'alaj kunab'al ri käjab'un ri ruxlab'.

2 Corintios 2:14 Referans Kwoze

Romanos 8:37

Pune' cäkarik conojel we jastak ri', cujch'äcan na puwi' ronojel, rumal ri jun ri xujulok'ok'ej.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Romanos 6:17

Maltiox c'u che ri Dios, pune' ba xixc'oji' na can che lok'om tak pataninelab che ri mac, camic c'ut ruc' ronojel iwanima' cätajin quinimaj ri tijonic ri yo'm chiwe.

2 Corintios 9:15

Cäkamaltioxij ba' che ri Dios, rumal ri nimalaj u sipanic chke, ri man e c'o ta ka tzij che u ya'ic u bixic.

Colosenses 2:15

Rumal ri Crist, ri Dios xukasaj qui k'ij ri c'o qui takanic xukuje' ri c'o qui cuinem, xresaj qui q'uixbal chquiwäch conojel, xch'äcan paquiwi' cho ri ripibal.

Bixonic Tak 1:3

Ri e a c'oc'al sibalaj e je'l na che ri nu sikbal, ri a bi' c'oc'al ri jamin. ¡Rumal c'u ri', catcaj ri ixokib!

Salmib 106:47

¡Chujto'tajisaj la, Ajawaxel, xukuje' ka Dios! ¡Chujesaj la chquixo'l ri nimak tak tinimit rech cäkaya' u k'ij ri tastalicalaj bi' la, rech cujquicot che u ya'ic k'ij la!

Romanos 15:19

pa qui cuinem ri etal xukuje' mayibal, rumal ri u cuinem ri Uxlabaxel, nu tzijom ri utzalaj tak tzij re colobal ib rumal ri Crist pa Jerusalen xukuje' pa tak niq'uiaj c'olbal chic, c'ä pa Ilir.

Apocalipsis 7:12

je xquibij wa': “¡Je' chbanok! Ri tewichibal, xukuje' ri juluwem, xukuje' ri no'j, xukuje' ri maltioxinic, xukuje' ri nim ilic, xukuje' ri cuinem, xukuje' ri chuk'ab cheyok che ri ka Dios amak'el chbe k'ij sak. Je chbanok.”

Colosenses 1:23

we kas co ix tac'al pa ri i cojonic, man quiya' ta canok, we kas cu'l i c'u'x chrij ri tzij re colobal ib ri i tom, man cuban ta quieb i c'u'x. Are utzalaj tak tzij wa' cätzijox pa tak ronojel c'olbal cho ri uwächulew. Ri in, in Pawl in cojom che patanijic.

Salmib 148:14

Ri are' u yo'm cuinem pa u k'ab ri u tinimit. ¡Chyo'k u k'ij cumal conojel ri jic quebin chuwäch, cumal ri aj israelib, ri u tinimit ri c'o nakaj! ¡Chyo'k u k'ij ri Ajawaxel!

Colosenses 1:6

We tzij ri' ri xtzijox chiwe, are' wa' tzijom pa tak conojel ri c'olbal cho ri uwächulew. Cätajin cäq'uiyic xukuje' cuya' u wächinic jas ri u banom ulok iwuc' pa ri k'ij aretak xita' ri u tok'ob ri Dios xukuje' kas c'u xiwetamaj chi are' kastzij.

Filipenses 4:18

Ronojel c'o wuc', q'ui ri jastak we c'olic. Xinc'am ri xitak ulok rumal ri Epaprodit, c'o ronojel ri rajawaxic chwe ruc' u wi'. Ri xiya' chwe, are je ta ne jun c'oc'alaj c'oc'al sipam cho ri Dios, ri cäc'am rumal ri Dios ri cäkaj chuwäch.

Efesios 5:20

Amak'el chimaltioxij ronojel che ri Dios ri Tataxel pa ri u bi' ri Kajaw Jesucrist.

2 Corintios 8:16

Maltiox che ri Dios chi xuya' pa ranima' ri Tit ri junam oquem il ri c'o wuc' chiwe.

2 Corintios 1:11

we ri ix cujito' pa ri i ch'awem ruc' Dios, we e q'ui cäquiban ch'awem ruc' Dios pakawi', e q'ui c'ut quemaltioxinic rumal rech ri tewichibal ri yo'm chke rumal ri Dios.

1 Tesalonicenses 3:9

¿Jas lo cäkabano rech cäkamaltioxij che ri Dios ri nimalaj quicotemal ri c'o pa kanima' chuwäch ri Dios rumal iwech?

1 Corintios 15:37

Ri ija' ri cätiquic, man are ta ri' quel ulok, xane' are ri u tux, we trico o jun ija' chic.

Ri Ezequiel 20:41

Aretak chebenmulij ulok pa tak ri ulew chquixo'l ri nimak tak tinimit ri e jabutal wi camic, quinc'ut c'ut ri nu tastajic chixo'l chquiwäch conojel tak ri tinimit, c'äte ri' quebenc'amowaj na tak ri e qui sipanic ri cäc'oc'at cuxlab.

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Romanos 1:8

Nabe quinmaltioxin che ri nu Dios rumal ri Jesucrist chiwij iwonojel, chi ri i cojonic tzijom pa ronojel ri uwächulew.

1 Corintios 12:8

Jun yo'm che, tzij re no'j rumal ri Uxlabaxel. Ri jun chic yo'm che, tzij re etamabal. Xa c'u jun ri Uxlabaxel ri cayowic.

1 Corintios 15:57

¡Maltiox ba' che ri Dios ri cäyo'w chke chi cujch'äcan rumal ri Kajaw Jesucrist!

1 Tesalonicenses 1:8

Iwumal c'ut xel u tzijol ri u tzij ri Ajawaxel man xuwi ta pa Masedon xukuje' pa Acay, xane' xukuje' pa ronojel c'olbal elinak wi bic u tzijoxic ri i cojonic che ri Dios. Je c'u ri' man rajawaxic ta chic c'o jas cäkatzijoj ri uj.

1 Timoteo 2:8

Quinwaj c'ut chi ri winak pa conojel c'olbal cäquiban ch'awem ruc' Dios chequiwalijisaj ri qui k'ab ruc' jun ch'ajch'ojalaj canima', man c'o ta oyowal mawi c'ulelam tak ib.

2 Timoteo 2:2

Ri nu bim chawe chquiwäch e q'ui k'alajisanelab, are ri' chajacha' chque ri e jicalaj tak winak ri xukuje' quecuin che qui tijoxic niq'uiaj chic.