2 Corintios 11:23 - Quiché Bible

²³ ¿La e pataninel re ri Crist? Ri in sibalaj quinpatanij na ri Crist chquiwäch ri e are'. (Cätajin quintzijon je ta ne jun conalaj winak.) Sibalaj nu banom c'axalaj tak chac chquiwäch ri e are'. Q'ui mul in ch'ayo'm, q'ui mul in cojom pa che', are c'u ri e are' xa jubik'. Q'ui mul ri winak cäcaj quinquicämisaj.

RI KꞌAKꞌ TESTAMENTO PA TZIJOBꞌAL KꞌICHEꞌ

²³ ¿La e patanijel kꞌut rech ri Cristo? Jer ta ne tajin kachꞌaw jun kon. In in kꞌo na chikiwach. Sibꞌalaj nim chak nubꞌanom chikiwach konojel, man kajilabꞌ taj ri mul inchꞌaytalik, in tzꞌapital kꞌi mul pa cheꞌ, sibꞌalaj kꞌi mul raj in kaminaq.

K'iche'

²³ ¿A e patänil tak re ri Cristo ri e are'? Ri in sibalaj quinpatänij na ri Cristo chquiwäch ri e are', pune ba' je' quinch'aw jas jun ch'uj aretak je' quinbij wa'. Nim na ri chac nu banom chquiwäch ri e are', q'uia mul c'ut nu rikom ch'ayic chquiwäch ri e are', q'uia mul in cojom pa che' chquiwäch ri e are', q'uia mul c'ut tzucum nu cämisaxic cumal ri winak.

K'iche' (New Orthography)

²³ ¿A e patänil taq re ri Cristo ri e are'? Ri in sib'alaj kinpatänij na ri Cristo chkiwäch ri e are', pune b'a' je' kinch'aw jas jun ch'uj aretaq je' kinb'ij wa'. Nim na ri chak nu b'anom chkiwäch ri e are', k'ia mul k'ut nu riqom ch'ayik chkiwäch ri e are', k'ia mul in kojom pa che' chkiwäch ri e are', k'ia mul k'ut tzukum nu kämisaxik kumal ri winaq.

2 Corintios 11:23 Referans Kwoze

2 Corintios 6:9

Cäban chke chi je ta ne ri ma ta etamatal ka wäch, sibalaj c'u ne etamatal ka wäch. Camic cäkabano, ka takem c'u ne c'aslem; cäquic'äjisaj ka wäch man c'u cuj qui cämisaj taj.

2 Corintios 3:6

Ri Dios xuya' chke chi cäkatzijoj ri c'ac' u c'ulwächinic. Man rech ta ri pixab ri tz'ibatalic, xane' rech ri Uxlabaxel. Ri tz'ibatalic cäcämisanic, are c'u ri Uxlabaxel cuya' c'aslemal.

1 Corintios 15:10

Rumal c'ut ri u tok'ob ri Dios ri in je nu banic wa' camic; are c'u ri u tok'ob ma ta c'o xubej chwe. Xane' sibalaj in chacuninak na chquiwäch conojel e are'; pune' c'u man in taj, xane' are' ri Dios, ri chupam ri rutzil in u to'm.

Colosenses 1:29

Rumal ri' sibalaj quinchacunic, quintij nu chuk'ab. Ri cuinem ri cuya' ri Crist chwe, are cächacun pa ri wanima' ruc' chuk'ab.

Colosenses 1:24

Quinquicot c'u pa tak ri c'axc'olil ri nu rikom rumal iwech, c'ä c'ax c'u que che ri Crist rumal ri qui c'axc'olil ri comon cojonelab, are wa' ri u cuerp. Quinc'am c'u we we c'axc'olil ri' pa ri nu cuerp. Quinrik c'u c'ax rumal quech ri comon cojonelab.

Hechos 9:16

Quinc'ut c'u na chuwäch joropa' ri q'uialaj c'ax curik na rumal rech ri nu bi'.”

Filemón 1:9

xak c'u quitz'onoj tok'ob chawe, rumal rech chi catinlok'ok'ej. In wa' in, Pawl, in nim winak chic, camic in c'o pa che' rumal rech ri Crist Jesus,

2 Timoteo 2:9

Rumal ri utzalaj tzij ri' quinrik c'ax, c'ä xinximitaj na pa che' jas jun banal etzelal. Are c'u ri u tzij ri Dios man ximom taj.

1 Corintios 3:5

¿Jachin c'u ri Pawl? ¿Jachin ri Apols? E pataninelab wa' ri cumal xixcojonic, jas ri xuya' ri Ajawaxel chiwe chijujunal.

Hebreos 10:34

Xel c'u i c'u'x chque ri xec'oji' pa che'. Aretak xec'am bic ri jastak iwe, man xebicha' taj, xane' xc'oji' i quicotemal. Xich'obo chi c'o jun iwechbal chicaj ri utz na, ri man cäq'uis taj.

2 Timoteo 1:16

Chel ta u c'u'x ri Ajawaxel chque ri e aj uwo rachoch ri Onesipor. Q'ui mul c'ut ri are' xuya' uxlanem chwe, man xq'uix ta c'u chwe chi ri in, in c'o pa che', in ximom ruc' tikom ch'ich'.

2 Timoteo 1:8

Matq'uix ba' che u k'alajisaxic jas ri u banom ri Kajaw o jas nu banom in ri in c'o pa che' rumal rech ri Are'. Xane' chach'ija' awe ri c'ax wuc' in rumal rech ri tzij re colobal ib, ruc' ri chuk'ab ri yo'm rumal ri Dios,

1 Timoteo 4:6

We quebatijoj we jastak ri' chque tak ri kachalal queq'uiy c'ut cumal tak ri tzij re ri cojonic xukuje' cumal tak ri e utzalaj tak tijonic ri e a takem, at jun utzalaj pataninel rech ri' Jesucrist.

1 Tesalonicenses 3:2

xintak c'u bic ri Timotey ri kachalal. Are pataninel re ri Dios, are kach ajchac pa ri utzalaj tak tzij re ri Crist. Xkatak bic iwuc' che i pixbexic xukuje' che u ya'ic i chuk'ab pa ri i cojonic,

Filipenses 2:17

Pune' cäpil na ri kas nu c'aslemal che u tz'akatil ri sipanic ri quiya' ix che ri Dios rumal ri i cojonic, in quinequicotok, ix c'u joch'ob quixquicot wuc'.

Filipenses 1:13

Jeri' conojel ri ajch'ojab ri e c'o pa ri rachoch ri ajawinel, cuc' ri niq'uiaj chic, queta'm chi in c'o pa che' rumal rech ri Crist.

Efesios 6:20

Ri Dios in u takom che u tzijoxic we utzalaj tzij ri'. Rumal c'u wa' in c'o pa che'. Chibana' ch'awem panuwi' rech man quinxe'j ta wib, quintzijoj jas ri takal u banic wumal.

Efesios 4:1

In c'ut, in ajpache' rumal ri Ajawaxel, quixinbochi'j chi quibano jas ri takal chque ri winak ri e siq'uim rumal ri Dios, jas ri ix xixsiq'uixic.

Efesios 3:1

Rumal ri', in Pawl, in c'o pa che' rumal rech ri Crist Jesus che iwutzil ix ri man ix aj judeyib taj.

2 Corintios 11:5

Quinchomaj c'ut chi man quinjunamataj ta cuc' ri qui quijuluj quib chi e nimak tak takomxenlab.

2 Corintios 10:7

Ri ix xuwi quiya' i wäch chque tak ri wächbalil. We c'o jun cuchomaj pa ranima' chi ri are' rech ri Crist, chuchomaj ba pa ranima' chi jas ri are' rech ri Crist, jeri' ri uj xukuje' uj rech ri Crist.

2 Corintios 4:11

Ri uj ri uj c'asc'oj, amak'el ka jachom kib pa ri cämical rumal ri Jesus, rech ri u c'aslemal ri Jesus cäk'alajin pa ri ka cuerp ri cämel.

Romanos 8:36

Jacha' ri cubij ri tz'ibatalic: “Ronojel k'ij cätzucux ka cämisaxic rumal ech la, je ta ne uj chij ri cämisaxic kij ri benam ke pa ri pilibal.”

Hechos 28:30

Ri Pawl xcanaj can quieb junab tz'akat chupam ri ja ri u kajom, ri quebuc'ulaj wi conojel ri quebopan che rilic.

Hechos 28:16

Aretak xujopan pa Rom, xya' c'u che ri Pawl chi cäc'oji' u tuquiel, ruc' jun ajch'o'j che u chajixic.

Hechos 27:1

Aretak xchomaxic chi cujbe puwi' ri plo pa Ital, xjach ri Pawl xukuje' ri niq'uiaj ajpache' chic pa u k'ab jun qui nimal jun sient ajch'ojab Julio u bi', are' cätakan paquiwi' ri ajch'ojab ri cäbix aj August che.

Hechos 25:14

Xebeytaj q'uia k'ij chila'. Ri Pest xutzijoj che ri ajawinel ri cäk'abax chrij ri Pawl, xubij: “Are jun achi yo'm can pa che' rumal ri Pelics.

Hechos 21:11

Xopan c'u kuc', xresaj ri u pas ri Pawl, xebuyut ri rakan u k'ab chbil rib, xubij: “Je cubij wa' ri Ruxlabal ri Dios: ‘Je cäquiban na wa' ri aj judeyib pa Jerusalen che ri achi ri ajchak'e we pas ri', cäquiyut na, cäquijach c'u na pa qui k'ab ri man aj judeyib taj.’ ”

Hechos 20:23

Xak xuwi weta'm chi pa tak conojel tinimit ri Ruxlabal ri Dios cuk'alajisaj chnuwäch chi quinqueyej ri u pa che' xukuje' ri c'axc'olil.

Hechos 14:19

Xepe c'u jujun aj judeyib pa Antioquiy xukuje' pa Icon. Xequich'äc ri winak, xquibuc' ri Pawl che abaj, xquijururej bic tza'm ja, pa qui c'u'x chi cäminak chic.

1 Corintios 4:1

Rajawaxic chi ri ix quiwetamaj chi uj xa' uj pataninel re ri Crist, yo'm pa ka k'ab ri jastak re ri Dios ri man etamatal ta can nabe, rech cäkatzijoj.

Ri Jeremiy 36:5

Xebuya' c'ut ri Jeremiy we pixbenic ri' che ri Baruc: “Chawila' ri nu c'ulmam cuk'atij ri nu benam chupam ri rachoch ri Ajawaxel.

1 Corintios 4:9

Quinchomaj c'ut chi ri Dios u banom chke uj ri uj takomxenlab chi uj q'uisbal que conojel, je ta ne xk'atataj tzij pakawi' chi cujcämisaxic. Uj ca'yebal chquiwäch conojel ri e c'o cho ri uwächulew, ri tako'nib aj chicaj xukuje' conojel ri winak.

1 Corintios 4:11

C'ä pa we jok'otaj ri' cujnumic, cächaki'j ka chi', man e c'o ta katz'iak, uj ch'ayo'm chk'ab, man c'o ta kas kachoch.

Gálatas 6:17

Chuq'uisbalil c'ut, wachalal, c'o chi jun mäyo'w latz' chwe. C'o che ri nu cuerp ri retal tak ri c'ax ri nu rikom rumal rech ri Ajawaxel Jesus.

2 Timoteo 3:11

ri e c'axalaj tak nu c'ulelaxic xukuje' ri e nu rikoj tak c'ax. E aweta'm conojel ri xinc'ulmaj pa Antioquiy, pa Icon xukuje' pa Listr, xukuje' conojel ri e c'axalaj tak nu c'ulelaxic ri xebencoch'o; xinresaj c'ut ri Ajawaxel pa conojel wa'.