1 Timoteo 6:9 - Quiché Bible

⁹ Are c'u ri cäcaj quek'inomaric, are ri' quetakchi'x pa mac, quetzak chupam. Quetzak pa chapbal, pa q'ui conalaj tak rayinic ri cäquiban c'ax, ri cäquiban chque ri winak chi man c'o ta chi u patan ri qui c'aslemal xukuje' cäsach qui wäch.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Ri kakaj keqꞌinomarik, ketzaq pa ri mak, xuqujeꞌ kuꞌx ajchakibꞌ rech ri rayibꞌal kikꞌuꞌx. Xaq kꞌaxiribꞌal kuꞌx ri man kꞌo ta etaꞌmabꞌal chupam, xuqujeꞌ kuꞌtzaq ri winaq pa ri tukin ibꞌ.

K'iche'

⁹ Are c'u ri cäcaj quek'inomaric, quetakchi'x na pa ri mac. Quekaj pa ru chapäbal ri Itzel. Cäquichaplej qui rayixic jastak ri man c'o tä qui patän, ri xa queuya pa c'äx, cäretzelaj u wäch ri qui c'aslemal, cusach c'u qui wäch.

K'iche' (New Orthography)

⁹ Are k'u ri käkaj keq'inomarik, ketaqchi'x na pa ri mak. Keqaj pa ru chapäb'al ri Itzel. Käkichaplej ki rayixik jastaq ri man k'o tä ki patän, ri xa keuya pa k'äx, käretzelaj u wäch ri ki k'aslemal, kusach k'u ki wäch.

1 Timoteo 6:9 Referans Kwoze

E C'ambal tak Tzij 15:27

Ri cujach rib pa u k'ab ri quiäk rayinic cuban nimalaj c'ax che ri rachoch, are' c'u ri man cuc'ulaj taj ri banoj u pa k'abaj cäc'asi na.

1 Timoteo 3:7

Xukuje' rajawaxic chi utz quil wi cumal ri winak rech man c'o ta yok'bal re, rech man cächap ta rumal ri itzel.

Hechos 8:20

Are c'u ri Lu' xutzelej u bixic che: “¡Ri a puak chsach u wäch awuc', u mac rech chi cachomaj cuya' cälok' ri u sipanic ri Dios ruc' puak!

Ri Matey 13:22

Ri ija' ri ticom chquixo'l tak q'uix are cubij ri caquitatabej ri tijonic e aretak c'ut ri ch'äcoj re we uwächulew ri' cuya' sibalaj oquem il chque xukuje' ri qui lok'ok'exic ri k'inomal quebusubu. Ronojel wa cujik'isaj ri tijonic man cuya' ta c'u chque chi quewächinic.

Ri Juds 1:11

¡C'ax que! rumal rech chi pa ri u be ri Cain e benak wi. E sachinak. Rumal ri u rayixic puak xquiban que jas ri sachinakil ri Balaam. Cäsach c'u qui wäch jas ri Core', ri xuc'ulelaj ri takanic, man xunimaj taj.

2 Pedro 2:3

Ri e are' rumal ri u rayixic ri jastak que ri winak, cäquitzucuj na jas cäquiban che resaxic puak chiwij cuc' ri qui banoj tzij. Cäc'äjisax c'u na qui wäch jas ri bim ulok ojer, man cäbeytaj ta ri c'äjisabal qui wäch. Man c'o ta quelic chuwäch ri c'ax ri cäpe na chquij.

Efesios 4:22

Ri nabe i c'aslemal ri iwuc'am ulok, chiwesaj ri ojer ri k'ayinak cumal ri e subunelabalaj tak e i rayinic.

Marcos 4:19

are c'u queboc il chque ri jastak aj uwächulew, quesub rumal ri k'inomal, cäquirayij q'ui jastak chic, benak c'u qui c'u'x cuc'. Cäjik'isax ri tzij rumal ronojel wa', man quewächin taj.

Ri Matey 26:15

Xubij c'ut: “¿Joropa' cäya' alak chwe quinjach c'u ri Jesus pa k'ab alak?” Ri e are xquipaj juwinak lajuj (30) rakan sak puak che.

Ri Matey 19:22

Ri c'ojol ala, aretak xuta' we tzij ri', xbisonic, xbec, rumal rech chi e q'ui ri jastak rech e c'olic.

E C'ambal tak Tzij 22:16

Jachin ri cut'orij ri meba' che u k'inomarisaxic rib o cuya' che ri k'inom, coc na pa ri mebayil.

E C'ambal tak Tzij 21:6

Ri k'inomal ri querik cumal qui banic banoj tak tzij, xa e c'atibal ri coc'owic chque ri caquitzucuj ri cämical.

E C'ambal tak Tzij 20:21

Ri k'inomal ri cärik rumal subunic, chuq'uisbalil man cuya' ta quicotemal.

2 Timoteo 2:26

Rech quetzelej chupam ri utzalaj qui chomanic, quebel c'u chupam ri u cämibal ri itzel, e chaptajinak c'u rumal rech cäquiban ri u rayinic.

1 Timoteo 1:9

Keta'm c'u wa', chi man yo'm ta ri pixab chque ri suc' tak winak, xane' chque ri itzel tak winak, ri man cäquiya' ta quib pa takic, ri man e k'ijilal ta Dios, ri e ajmaquib, ri winak ri man e tastalic taj, ri man cäquiya' ta u k'ij ri Dios, ri e cämisal tak qui tat qui nan, ri e cämisal achijab,

Ri Lucax 21:35

jacha' jun chapbal. Cäpe c'u na ri k'ij ri' paquiwi' conojel ri e c'o cho ri uwächulew.

Ri Zacariy 11:5

Ri lok'omanelab quequicämisaj man quebux ta c'u ajchak'maquib, e are' c'ut ri quec'ayinic je caquibij wa': ‘¡Xa maltiox che ri Ajawaxel, in k'inom chic!’ Mawi ne ri kas e cajyuk' quel ta qui c'u'x chque.

Ri Isaiy 5:8

¡Tok'ob i wäch ix ri quebilok'ola' tak ja, ri quebilok'ola' tak ulew, man c'o ta jubik' c'olbal quiya' ta chi can che jun chic, quijekeba' iwib jacha' ta ne chi xak xuwi ri ix quixc'oji' chupam ri ulew!

E C'ambal tak Tzij 23:4

Macoj a chuk'ab rech catux k'inom matoc il che u rikic wa'.

Salmib 11:6

Ri Ajawaxel cujabij na paquiwi' ri e banal tak lawaloyil rachak k'ak', k'ak' xukuje' asubre, cuc'am na ulok jun quiakik' ri cuporoj ronojel. ¡Ri Ajawaxel cuya' na ri takal chque!

Ri Josue 7:11

Ri aj israelib e macuninak, quiyojim ri c'ulwächinic ri xinban cuc'. Xequimajij ri jastak ri ya'tal u sachisaxic qui wäch; xequeläk'aj queta'm c'ut chi man utz ta ri caquibano, e qui c'olom c'u chquixo'l ri jastak quech.

U Camulixic ri Pixab 7:25

Quebiporoj na ri e qui wächbal tak ri e qui banom che qui diosib, mebic'am c'u can ri k'an puak xukuje' ri sak puak ri ch'ukuwinak quij; mixkaj chupam we takchibal mac ri', quixkaj c'u ri' chupam jun banoj ri etzelal chuwäch ri Ajawaxel.

Ajilanic 31:8

Xquicämisaj ri Ebi, ri Requem, ri Zur, ri Hur xukuje' ri Reb, ri u bixic, ri job ajawinelab aj madianib, xukuje' ri Balaam (ri u tat ri Balaam are' ri Beor).

Ri Matey 6:19

“Mimulij i k'inomal waral cho ri uwächulew jawije' ri quechicopir wi, cuchuluj wi rib, jawije' ri queboc wi ri eläk'omab che reläk'axic bic.

Ri Lucax 12:21

Jewa', ri cac'ulmataj ruc' ri winak ri cumulij u k'inomal chbil rib, man k'inom ta c'u ne cho ri Dios.”

1 Timoteo 6:10

Ruc' ri u lok'ok'exic ri puak cäq'uiy wi ulok ronojel etzelal. E c'o jujun ri sibalaj xquirayij ri puak, xesach c'ut, xquiya' can ri cojonic, xquiban q'uialaj c'ax chbil quib.

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.

Ri Tit 2:12

Cujutijoj chi cäkatas kib chrij ri rayibal aj uwächulew xukuje' ri jastak ri man cäquiya' ta u k'ij ri Dios. Cujutijoj chi utz ri ka chomanic cäkabano, cäkaban ri suc', xukuje' cujniman che ri Dios pa ri ka c'aslemal waral cho ri uwächulew,

Nabe Ajawinelab 21:6

Ri Acab xutzelej u bixic: “Xintzijobej ri Nabot, ri aj Jezreel, xinbij che chi chuc'ayij ri u ticbal uva chwe, o we are' cäraj chi quinya' chi jun ticbal uva che u q'uexel. Man xuya' ta c'u u tzij che u ya'ic chwe.”