1 Timoteo 6:5 - Quiché Bible

⁵ amak'el cäquic'ulelaj quib rumal rech chi sachinak qui no'j xukuje' man c'o ta ri kastzij cuc', pa qui c'u'x chi cäquich'äc puak chrij ri nimanic che ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ we winaq riꞌ e tzukul taq chꞌoꞌj chikixoꞌl ri winaq, man utz ta ri kechomanik, are wa ri maj qas tzij kukꞌ. Pa kikꞌuꞌx chi ri utzilal chꞌekbꞌal pwaq.

K'iche'

⁵ Ri winak ri' xak ch'oj cäquilij cuc' winak ri c'o itzel tak qui chomanic, ri man quetam tä chi ri kas tzij. Cäquichomaj chi ri winak quecojonic xak rech cäquich'ac puak. Timoteo, chatasa awib chquij ri winak ri je' qui no'j wa'.

K'iche' (New Orthography)

⁵ Ri winaq ri' xaq ch'oj käkilij kuk' winaq ri k'o itzel taq ki chomanik, ri man ketam tä chi ri qas tzij. Käkichomaj chi ri winaq kekojonik xaq rech käkich'ak puaq. Timoteo, chatasa awib' chkij ri winaq ri je' ki no'j wa'.

1 Timoteo 6:5 Referans Kwoze

2 Timoteo 3:5

Je ta ne ri c'o ri nimanic che ri Dios cuc', man cäquik'alajisaj ta c'u ri u chuk'ab: chatasa' awib mat be cuc'.

2 Pedro 2:3

Ri e are' rumal ri u rayixic ri jastak que ri winak, cäquitzucuj na jas cäquiban che resaxic puak chiwij cuc' ri qui banoj tzij. Cäc'äjisax c'u na qui wäch jas ri bim ulok ojer, man cäbeytaj ta ri c'äjisabal qui wäch. Man c'o ta quelic chuwäch ri c'ax ri cäpe na chquij.

Ri Tit 1:11

Rajawaxic chi cätz'apix ri u pa qui chi'. Quequitijoj ri winak che jastak ri man ya'tal taj xa' rech cäquich'äc puak rumal. Quequituquij jujun tak ja winak.

2 Timoteo 3:8

Jacha' ri xquiban ri Jans xukuje' ri Jambres aretak xquik'atij u wäch ri Moises, jeri' xukuje' ri winak ri cäquiban ri jastak ri' cäquik'atij u wäch ri kastzij. Itzelalaj tak no'j ri c'o cuc'. Rumal c'u wa' man e c'o ta pa ri cojonic.

1 Timoteo 6:6

Nim c'ut ri cuch'äc jun we cäniman che ri Dios xukuje' cäquicot che ri c'o ruc'.

1 Timoteo 3:3

man u nak'atisam ta rib che k'abaric mawi yacal ch'o'j, xane' banal utzil, aj jamaril xukuje' man benak ta ranima' che u lok'oxic puak.

Ri Matey 23:13

¡C'ax iwech, ajtijab re ri pixab xukuje' pariseyib! ¡Xa' quieb i wäch! Quitz'apij chquiwäch ri winak ri u chi' ri rajawibal ri Dios. Ri ix c'ut man quixoc taj, mawi quiya' chi queboc ri winak ri cäcaj queboquic.

Ri Matey 12:33

“Chibana' chi utz ri che', xukuje' utz ri u wächinic, o chibana' chi man utz ta ri che', xukuje' man utz ta ri u wächinic. Quetamataj c'u qui wäch ri che' rumal ri qui wächinic.

1 Timoteo 1:6

Jujun c'ut xquijal qui be chrij wa', xquiya' canok, xquiya' qui k'ij tak ri tzij ri man c'o ta qui patan.

Apocalipsis 18:3

Rumal ri u wa'l u uva conojel ri nimak tak tinimit xek'abar ruc' ri u rayixic ri u macunic. Ri ajawinelab aj uwächulew qui banom macunic ruc'. Ri ajc'ayib re ri uwächulew e k'inomarinak rumal ri u chuk'ab ri u k'inomal.”

Ri Juds 1:11

¡C'ax que! rumal rech chi pa ri u be ri Cain e benak wi. E sachinak. Rumal ri u rayixic puak xquiban que jas ri sachinakil ri Balaam. Cäsach c'u qui wäch jas ri Core', ri xuc'ulelaj ri takanic, man xunimaj taj.

2 Pedro 2:15

Qui yo'm c'u can ri suc'alaj be, e sachinak, qui takem ri u be ri Balaam u c'ojol ri Beor, ri xulok'ok'ej ri tojbal re ri u banic ri etzelal.

1 Timoteo 3:8

Jeri' xukuje' ri pataninelab, rajawaxic chi nim quebil wi, xa' quieb metzijonic, man quek'abar taj, man cäquitzucuj ta q'uixbalalaj ch'äcoj.

2 Tesalonicenses 3:6

Kachalal, quintakan chiwe pa ri u bi' ri Kajaw Jesucrist, chi quitas iwib chrij apachin jun kachalal ri cubano xa jachique ri craj, man cächacun taj,

Ri Matey 21:13

Xubij chque: “Tz'ibatal c'ut: ‘Ri wachoch u binam ja re ch'awem ruc' Dios’. Ri ix c'ut qui jul eläk'omab i banom che.”

Ri Ezequiel 33:31

Je c'u ri' ri nu tinimit cäpetic cat'uyi' chawäch, jacha' nak'atal u banic rumal, che qui tatabexic tak ri a tzij. Man c'u caquiban taj jas ri caquibij. Caquitzelela' tak u bixoxic jacha' caban che qui bixoxic tak bix quech taquenic, benak c'u ri ranima' chrij ri puak.

Ri Jeremiy 8:10

Rumal ri', quebenjacha' ri quixokil chque jujun achijab chic, ri culew pa qui k'ab jule' tak ajchak'e chic. Conojel c'ut chi nimak chi ch'utik. Xuwi caquichomaj u rikic ri ch'äcoj ri xa quet'orixic; k'axal tzij xukuje' e cojol tabal tok'ob, conojel quequiban t'orinic.

Ri Jeremiy 6:13

Conojel, chinimak chi ch'utik, xuwi caquichomaj ri ch'äcoj rumal subunic; e k'axal tzij xukuje' e cojol tabal tok'ob, conojel quequiban t'orinic.

Ri Isaiy 56:11

E wijab tak tz'i' ri mawi jubik' quenojic, e ajyuk'ab ri man c'o ta jas cäquich'obo chquijujunal are caquitzucuj ri kas qui be, xuwi caquitzucuj ri kas utz chque.

Apocalipsis 18:13

cane'l, pa eka'n, u c'oc'al tak c'oc' k'ol, mir, c'oc'al, u wa'l uva, aseit, utzalaj c'äj, trico, e wacax, e chij, e quiej, e carwaj; man c'o ta chi quelok'ow ri pataninelab, mawi ri qui c'aslemal ri winak.

1 Corintios 11:16

We c'o jun cäraj cuban ch'o'j chrij wa', chretamaj chi ri uj xukuje' conojel ri comon cojonelab aj Dios, man uj c'o ta chuxe' jun nak'atisabal chic.

1 Timoteo 4:7

Mabe awanima' cuc' tak ri puquinic ri man c'o ta qui patan ri cäquitzijoj ri winak. Are chacojo' a chuk'ab chupatanixic ri Dios.

1 Timoteo 4:8

Ri u cojic ka chuk'ab ruc' ri ka cuerp xak jubik' cujuto' wi. Are c'u ri u patanixic ri Dios cujuto' na pa ronojel. C'o utzil cäkarik rumal wa' pa we c'aslemal ri' cho ri uwächulew, xukuje' pa ri c'aslemal ri cäpe na.