1 Timoteo 6:4 - Quiché Bible

⁴ ri are cunimarisaj rib, man c'o ta reta'm. Xane' benak u c'u'x chquij tak ri chomanic xukuje' ri tzij ri cäquichomaj ri winak. Chupam tak wa' queq'uiy wi ulok niq'uiaj etzelal ri cäquiban ri winak, je jas we jastak ri': cäpe coyowal aretak jun chic curik utzil, cäquiyac ch'o'j, cäquetz'bej u wäch ri Dios, cäquichomaj itzel tak jastak,

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ waꞌ jun winaq ri maj retaꞌmabꞌal, ri man kakwin taj kuchꞌobꞌ ri jastaq. We winaq riꞌ kekꞌarkꞌat che utzukuxik tzijonem ri maj kutayij, ri kutik loq oyawal, tzukun chꞌoꞌj, itzel taq chomanik,

K'iche'

⁴ ri winak ri' xa nimal ri' cubano, man c'o tä retam. C'amaninak che we winak ri' amak'el c'o jas cucoj pu tzij, xukuje' cäch'ojin chquij tak tzij. Rumal c'u wa' ri cojonelab cäquirayij jastak ri man quech taj, quech'ojinic, cäquibij tzij ri äwas u bixic chbil tak quib, xak quieb qui c'ux chic cäquich'abela quib.

K'iche' (New Orthography)

⁴ ri winaq ri' xa nimal ri' kub'ano, man k'o tä retam. K'amaninaq che we winaq ri' amaq'el k'o jas kukoj pu tzij, xuquje' käch'ojin chkij taq tzij. Rumal k'u wa' ri kojonelab' käkirayij jastaq ri man kech taj, kech'ojinik, käkib'ij tzij ri äwas u b'ixik chb'il taq kib', xaq kieb' ki k'ux chik käkich'ab'ela kib'.

1 Timoteo 6:4 Referans Kwoze

2 Timoteo 2:23

Maya' c'olbal chque tak ri tzij, xukuje' ri chomanic ri man c'o ta qui patan, o ri xak cabixic. Aweta'm c'ut chi ri u banic wa' xa cuwalijisaj ch'o'j.

2 Timoteo 3:4

cäquijach tak cachil pa qui k'ab ri qui c'ulel, man cäquichomaj ta ri cäquibano, cäquichomaj chi nim qui banic, je'l caquina' u banic ri qui rayibal; are c'u ri u rayibal ri Dios, man cäcaj taj.

1 Timoteo 3:6

Rajawaxic chi man c'ac' cojonel taj, rech munimarisaj rib, makaj ne ri c'okonic puwi' jas ri xkaj puwi' ri itzel.

Ri Juds 1:10

E are c'u wa' cäquiyok' ronojel ri man cäquich'ob ta u wäch; ronojel c'ut ri cäquich'ob pa quech wi jacha' ri awaj ri man c'o ta qui no'j, chupam wa' cäsach wi qui wäch.

2 Pedro 2:12

E are' c'u we winak ri', e je ta ne e awaj ri man c'o ta qui chomanic, pa quech wi e alc'ualam rech quechapic xukuje' quecämisaxic. Quequiyok' ri jastak ri man queta'm taj. Quekaj c'u na pa ri cämisabal ri qui banom.

2 Timoteo 2:14

Chanataj wa chque. Pa ri u bi' ri Dios chata' chque chquitanaba' u yajic quib puwi' jujun tak tzij. Ri c'ulelam ib man c'o ta u patan; xane' quequiyojtajisaj ri quetatabenic.

Ri Juds 1:16

E are tak wa' ri xak quech'ach'atic, queyok'onic, xuwi cäquilij u banic ri itzel tak qui rayinic, cäquitzijoj nimak tak tzij, xukuje' cäquibij utzalaj tak tzij chque ri winak xa rumal rech chi c'o cäcaj chque.

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

1 Timoteo 1:7

Are ta cäcaj quebux ajtijab che ri pixab, man cäquich'ob ta c'u ri cäquibij. Pune' co cäquibij chi kastzij, man cäquich'ob taj.

1 Timoteo 1:4

o qui cholajil ri qui bi' ri e qui mam ri winak ri man c'o ta qui q'uisic. We jastak ri' xak quequiyac tak chomanic ri man c'o ta u patan, man quequito' ta che u banic ri chac ri u yo'm ri Dios chque rumal ri cojonic.

Santiago 1:19

Rumal wa', lok'alaj tak wachalal, chijujunal chanim chitatabej ri u tzij ri jun chic, chixbeytaj che tzijonic, chixbeytaj che oyowal,

Ri Tit 3:9

Maya' c'u qui k'ij ri conalaj tak chomanic xukuje' ri jo'sanic ri cabix chquij ri e i mam, mayac ch'o'j cuc' ri winak, miban ch'o'j chrij ri pixab. Man c'o ta c'u quechbex chque we jastak ri', man c'o ta qui patan.

Hechos 15:2

Ri Pawl xukuje' ri Bernabe xequic'ulelaj ri achijab ri'. Chuq'uisbalil c'ut, ri Pawl rachil ri Bernabe xukuje' jujun chic xetak bic pa Jerusalen rech quequichomaj we jasach ri cuc' ri e takom e cachil tak ri tatayib ri quetakan pa ri comon cojonelab chila'.

Apocalipsis 3:17

Cabij c'ut: In k'inom, utz in c'olic, man c'o ta jas rajawaxic chwe. Man aweta'm taj chi sibalaj at c'okotajinak, tok'ob c'u a wäch, at meba', at moy, at ch'analic.

2 Tesalonicenses 2:4

Ri are' cuc'ulelaj xukuje' cuwalijisaj rib chrij ronojel ri re ri Dios xukuje' chrij ronojel ri cäk'ijilaxic. Je cubano rech cät'uyi' na pa ri rachoch Dios, je ta ne Dios, cuc'ut na rib chi are Dios.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

Filipenses 2:14

Pa ronojel ri quibano, xak mixch'ach'atic, mixch'ojinic.

Filipenses 2:3

C'o jas mibano ri xa' ta che u nimarisaxic i k'ij, o rech quixux ta nimak i banic, xane' chi mach'arisaj iwib chich'obo' chi ri niq'uiaj chic e are' nimak na qui k'ij chiwäch ix.

Filipenses 1:15

Jujun cäquitzijoj ri Crist rumal quiäk rayinic xukuje' nimarisabal ib, jujun chi c'ut xukuje' rumal utzalaj rayinic.

Gálatas 6:3

We c'o jun cuchomaj chi c'o u banic, we man c'o ta c'u u banic, xak cusub rib.

Gálatas 5:26

Mäkanimarisaj kib, mäkaq'uiakala' tzij chbil tak kib, mäpe koyowal che jun chic we curik utzil.

Gálatas 5:15

We quiti'la' iwib, we quitijila' iwib, chichajij ba iwib misach ne i wäch chbil tak iwib.

2 Corintios 11:20

Aretak quebopan winak iwuc' ri cäcaj quetakan piwi', o cäqueläk'aj ri jastak iwe, o cäquiban quech chiwe, o cäquinimarisaj quib, o quixquich'ay chipalaj, ri ix xak quebicuyu'.

1 Corintios 11:18

Ri nabe are wa', nu tom chi aretak quimulij iwib ri ix comon cojonelab, c'o tasoj tak ib chixo'l. Quincoj c'u jubik' chi kastzij ri'.

1 Corintios 11:16

We c'o jun cäraj cuban ch'o'j chrij wa', chretamaj chi ri uj xukuje' conojel ri comon cojonelab aj Dios, man uj c'o ta chuxe' jun nak'atisabal chic.

1 Corintios 3:18

C'o jun musub rib. We c'o jun chixo'l ri cuchomaj chi c'o u no'j chquixo'l ri winak cho ri uwächulew camic, chubana' rib chi con, rech cäc'oji' u no'j.

1 Corintios 3:3

rumal rech chi c'ä are quiban na ri u rayibal ri winak re mac! Itzel quiwil wi we jun chic curik utzil, quiyac ch'o'j, ¿la ma ta are quiban ri u rayibal ri winak re mac? ¿La ma ta c'ä quiban iwe ri cäquiban ri niq'uiaj winak chic?

Romanos 14:1

Utz u c'ulaxic ri tukar pa ri u cojonic chibana'. Mixk'atan tzij puwi' ri jalan tak chomanic.

Romanos 13:13

Chujbinok je jas ri pa k'ij, rech utz quilitaj ri ka chac. Mujk'abaric makamulij chi kib che nimak tak wa'im re wojcorem. Mujc'uji ruc' ri winak pa ri u ch'at ri man kech taj. Mäkaban ri ka rayinic ri man takal ta qui banic. Mäkaban ch'o'j. Itzel mäkil wi we jun chic curik utzil.

Romanos 12:16

Chc'ol xa' jun anima' chixo'l. Mebibanala' nimal. Xane' chiwachilala' iwib cuc' ri man nimak ta qui banic. Michomaj iwib chi c'o i no'j,

Romanos 2:8

are c'u ri winak ri xak xuwi cäquitzucuj ri jastak ri cäcaj ri e are', ri cäquiban ri etzelal xukuje' man cäquinimaj ta ri kastzij, cäpe na ri royowal ri Dios paquiwi', cuc'äjisaj na qui wäch.

Hechos 18:15

We c'u ri jasach ri cabij alak chwe xa' e re tzij, we re bi'aj, we re ri pixab, alak chilow alak. Ri in man quinwaj taj quinux k'atal tzij chque we jastak ri'.”

Hechos 8:9

C'o jun achi Simon u bi', ri ajitz ulok nabe pa ri tinimit ri' e u subum c'u ulok ri aj Samar xukuje' cujuluj c'u rib chi are' jun winak ri nim u k'ij.

Ri Isaiy 58:4

ri k'ij ri man cäban ta wa'im quiwoc'owisaj pa yacoj tak ch'o'j xukuje' yajoj tak ib, quicämisala' iwib cuc' tak t'oconic. Jun k'ij re man u tijic ta wa'im ri jewa' quibano man quincuin ta ri' quintatabej ri i bochi'nic.

E C'ambal tak Tzij 26:12

Are c'o na quechbex che ri man c'o ta u no'j chuwäch ri cuban rib chi sibalaj c'o u no'j.

E C'ambal tak Tzij 25:14

E sutz' xukuje' ri quiakik' man c'o ta c'u jäb, jewa' ri ri winak ri cubij rib chi yanel man c'o ta c'u ri ya'tal ta rumal.

E C'ambal tak Tzij 13:7

E c'o jachin tak ri man c'o ta cäc'am chque cäquiban c'u quib chi e k'inomab, e c'o c'u jachin tak c'o ronojel cuc' cäquiban c'u quib chi e mebayib.