1 Timoteo 6:1 - Quiché Bible

¹ Conojel ri e c'o chuxe' takanic, takal chque chi nim quequil wi ri cajaw pa ronojel, rech man cayok' ta ri u bi' ri Dios mawi ri ka tijonic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Rajawaxik konojel ri ajchakibꞌ keꞌkinimaj ri keyoꞌw kichak, xaq jeriꞌ man kakiya ta bꞌe kabꞌix kꞌaxal che ri ubꞌiꞌ ri Dios xuqujeꞌ che ri qakꞌutuꞌn.

K'iche'

¹ Conojel ri patäninelab cojonelab, rajwaxic nim quequil wi ri qui patrón rech man cäbix tä ri äwas chrij ri Dios, o chrij ri ka tijonic.

K'iche' (New Orthography)

¹ Konojel ri patäninelab' kojonelab', rajwaxik nim kekil wi ri ki patrón rech man käb'ix tä ri äwas chrij ri Dios, o chrij ri qa tijonik.

1 Timoteo 6:1 Referans Kwoze

Ri Tit 2:5

utz qui chomanic, e ch'ajch'oj pa ri qui c'aslemal, cäquiban ri qui chac cho tak cachoch, e utz, qui yo'm quib pa takic chque ri cachajilal, rech man cäyok' ta ri u tzij ri Dios.

Romanos 2:24

Jas ri tz'ibatalic: “Cäyok' c'u ri u bi' ri Dios chquixo'l ri man aj judeyib taj rumal rech ri quibano.”

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.

1 Pedro 2:12

Ronojel utz chibana' chquixo'l ri man cojonelab taj. Jeri', pune' cäquiyac tzij chiwij je jas chquij banal tak etzelal, cäquil ri utzalaj tak chac ri quibano, cäquinimarisaj c'u u k'ij ri Dios pa ri k'ij aretak chuta' chke jas ri ka banom.

Gálatas 5:1

Ri Crist xuya' tzokopinic chke rech cujux tzokopitalic. Rumal c'u ri' co chixtac'al chupam we tzokopitajic ri' minim chi iwib jumul chuxe' ri eka'bal ri c'o paquiwi' ri lok'om tak pataninelab.

Hechos 15:10

Camic c'ut, ¿jasche quitzur ri Dios, ruc' u ya'ic eka'bal chquij ri cojonelab, ri mawi ri uj, mawi ri e ka mam uj cuininak ta che ruc'axic bic?

Hechos 10:22

Ri e are' xquitzelej u bixic che: “Ri Cornel, are' ri qui nimal jun sient ajch'ojab. Are' suc'alaj achi ri cuna' rib chuwäch ri Dios, utz u tzijol cumal conojel ri aj judeyib. Are' xujtakow ulok. Xbix che rumal jun tako'n aj caj, chi catakan che siq'uixic la rech cabe la cho rachoch chutatabej c'ut ri cabij na la che.”

Hechos 10:7

Aretak benak chic ri tako'n aj caj ri xtzijon ruc' ri Cornel, xebusiq'uij quieb pataninel tak rech xukuje' jun ajch'o'j ri cäniman che ri Dios, jun chque ri cucu'ba' u c'u'x chquij.

Ri Lucax 17:1

Xubij ri Jesus chque ri u tijoxelab: “Kas quepe wi ri takchibal mac. C'ax c'u re ri winak ri rumal rech quepetic.

Ri Matey 11:30

Are c'u ri weka'bal ch'uch'uj, ri weka'n man al taj.”

Ri Malaquiy 1:6

Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’

1 Timoteo 5:14

Quinwaj ba' chi ri malca'nib ri c'ä e alitomab na chec'ulanok, chequiq'uiyisaj cal, chechacun pa ri cachoch. Jeri' man c'o ta rumal rech queyok' wi cumal ri qui c'ulel.

1 Corintios 10:32

Mixux ya'l tzakibal chque ri aj judeyib, mawi chque ri man aj judeyib taj, mawi che ri comon cojonelab aj Dios.

Ri Matey 11:9

¿Jas c'u che xixel bic? ¿La xixbe che rilic jun k'axal tzij? Je, quincha chiwe, ri are nim na u banic chuwäch jun k'axal tzij.

Ri Ezequiel 36:23

Ri in quenc'utu' na ri u tastajic ri nimalaj nu bi' chquiwäch ri nimak tak tinimit, ri i yo'm pa yok'ical chquixo'l; aretak chenbana', we winak ri' cäquich'ob na chi in ri' ri Ajawaxel. In, ri Ajawaxel, quinjiquiba' u bixic.

Ri Ezequiel 36:20

Pa conojel c'ut tak ri tinimit ri quebopan wi, caquiya' ri tastalicalaj nu bi' pa yok'ical, caquibij c'ut ri winak: ‘E are' tak wa' ri e u tinimit ri Ajawaxel, xebel c'u na ulok pa ri culew.’

Ri Isaiy 58:6

Man are ta wa'. Ri man u tijic ta wa'im ri cäkaj chnuwäch in, are wa': chi quebat'okopij ri tikom tak ch'ich' re ri man suq'uil taj, chi quebaquir ri t'ur ri e jat'ininak ri winak chi quebatzokopij bic ri winak ri qui rikom c'ax, xukuje' chi quitanaba' u banic c'ax;

Ri Isaiy 52:5

Are c'u ri camic ¿jas ri quinwilo? Man c'o ta u mac ri nu tinimit xak xc'am bic pa Babilon. Ri quetakan puwi', ruc' nimal cäquirak qui chi' amak'el cäquiya' oyowal chwe.

Ri Isaiy 47:6

Aretak xyactaj woyowal ruc' ri nu tinimit, xinjach ri kas nu nim tinimit pa ri q'uixbal, xinya' be che chi cäkaj pa a k'ab. Man xatok'obisaj ta c'u qui wäch, xacoj ri alalaj awekebal paquiwi' ri ri'jab.

Ri Nehemiy 9:5

xquibij ri aj levitib ri Jexu, ri Cadmiel, ri Binuy, ri Hasabniy, ri Serebiy, ri Hodiy, ri Sebaniy xukuje' ri Petaiy: “Chixwalijok, chik'ijilaj ri Ajawaxel ri i Dios ri c'o amak'el chbe k'ij sak. ¡Chyok u k'ij, cuc' tak tewichibal xukuje' tak k'ijilanic, ri nim xukuje' ri juluwemalaj u bi'!”

Ucab Ajawinelab 5:13

E are' tak c'ut ri pataninel tak rech xekeb ruc' xquinbij c'u che: “Tat, we ta xtak la rumal ri k'axal tzij, che u banic jun c'axalaj jasach, ¿La ma ta c'u xban la ri'? We xuwi u bim che la chi cach'aj ib la cäjosk'itaj c'u la.”

Ucab Samuel 12:14

Rumal c'u rech chi sibalaj nim ri macaj ri banom la chuwäch ri Ajawaxel, ri c'ojol la ri c'äte xalaxic cäcäm na.”

U Camulixic ri Pixab 28:48

Quebapatanij c'u na ri c'ulel ri quebutak na ulok ri Ajawaxel chawij; cana' na wi'jal, chaki'j chi', cäquiynaj na ri awatz'iak chawij, cana' na ronojel u wäch mebayil. Ri Ajawaxel cuya' na be chque ri a c'ulel chi catquicoj pa jun c'axalaj chac c'ä catcäm na.

Chapletajic 24:27

je xubij wa': “¡Tewichital ri Ajawaxel, ri u Dios ri wajaw Abraham, uxinak c'u jic xukuje' utz ranima' ruc' ri wajaw, u c'amom c'u nu be pa ri be ri copan cho cachoch ri e rachalaxic.!”

Chapletajic 24:12

Xuchaplej c'u u banic ch'awem ruc' ri Dios, xubij: “Ajawaxel u Dios ri wajaw Abraham, bana' la chi utz quinel camic, c'utu' ri utzil la ruc' ri wajaw Abraham.

Chapletajic 24:2

Xurika' c'u jun k'ij xusiq'uij jun chque ri pataninel rech ri sibalaj nim winak chic, ri c'o u takanic puwi' ronojel ri jastak rech ri Abraham, xubij che: “Chaya' ri a k'ab chuxe' ri wa',

Chapletajic 16:9

Ri tako'n re ri Ajawaxel xubij che ri Agar: “Chattzelej cho rachoch ri a chuchu' ri Saraiy, chanimaj pa ronojel ri catutak wi.”