1 Timoteo 5:5 - Quiché Bible

⁵ Are ri kas malca'n, ri canajinak u tuquiel, are ri' cu'l u c'u'x chrij ri Dios, cubochi'j ri Dios xukuje' cuban ch'awem ruc' Dios chi pa k'ij chi chak'ab.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Ri malkaꞌn ixoq ri tzaqtal kanoq, kakubꞌiꞌ ukꞌuꞌx chirij ri Dios, xuqujeꞌ amaqꞌel chi paqꞌij chi chaqꞌabꞌ are karilij ubꞌanik chꞌawem xuqujeꞌ kuta tobꞌanik che ri Dios.

K'iche'

⁵ Are c'u ri ixok ri kas tzij malca'n, ri canajinak can u tuquiel, ri man c'o tä cäch'aw u c'ux che, cu'l c'u u c'ux wa' chrij ri Dios. Cuban orar ri', cuta' ru tobanic ri Dios pa ru c'aslemal ronojel k'ij chi pak'ij chi chak'ab.

K'iche' (New Orthography)

⁵ Are k'u ri ixoq ri qas tzij malka'n, ri kanajinaq kan u tukiel, ri man k'o tä käch'aw u k'ux che, ku'l k'u u k'ux wa' chrij ri Dios. Kub'an orar ri', kuta' ru tob'anik ri Dios pa ru k'aslemal ronojel q'ij chi paq'ij chi chaq'ab'.

1 Timoteo 5:5 Referans Kwoze

1 Timoteo 5:3

Chebato' ri malca'nib ri kastzij c'o qui rajawaxic.

Ri Lucax 2:37

Malca'n c'u wa' jumuch' ruc' quiejeb u junab chic. Mawi jubik' quel bic chupam ri rachoch Dios, xane' cäpatanin che ri Ajawaxel Dios chi pa k'ij chi chak'ab man cäwa' taj xukuje' cuban ch'awem ruc' Dios.

1 Pedro 3:5

Xukuje' je u wikic quib wa' xquiban ri tastalic tak ixokib ojer, ri cu'linak qui c'u'x chrij ri Dios, xquiya' c'u quib pa takic chque ri cachajil.

1 Timoteo 5:16

We c'o jun cojonel, ri e c'o malca'nib ixokib ruc', rajawaxic cuya' ri cajwataj chque, man cuya' ta wa' chquij ri niq'uiaj cojonelab chic, rech ri comon cojonelab quecuinic quequito' ri malca'nib ixokib ri kastzij c'o rajawaxic chque.

1 Corintios 7:32

Quinwaj c'ut chi ma ta c'o jas quixoc wi il. Ri achi ri man c'ulan taj, querilij ri jastak re ri Ajawaxel, jas ri cäkaj chuwäch ri Ajawaxel.

Ri Lucax 18:1

Ri Jesus xubij jun c'ambal no'j chque, chi rajawaxic amak'el cäquiban ch'awem ruc' Dios, mäq'uistaj c'uxaj.

Salmib 91:4

catuch'uk c'u na cuc' ri e u xic', man c'o ta c'u jas cac'ulmaj na chquixe'. ¡Ri u jiquil catucol c'u na jacha' jun quetequic ch'ich'!

Efesios 6:18

Mitanaba' ri u banic ch'awem ruc' Dios: chixbochi'nok xukuje' chixtz'onom che ri Dios amak'el, pa ri Uxlabaxel. Chixc'asc'atok, mixtuktubic, chibana' c'u ch'awem puwi' ronojel ri u tinimit ri Dios.

Ri Lucax 18:7

¿La ma ta ri Dios cuk'at na tzij paquiwi' ri qui c'ulel ri winak ri e u cha'om, we ri e are' cäquirak qui chi', quebochi'n che chi pa k'ij chi chak'ab? ¿La cäbeytaj ta lo ri Dios?

Ri Rut 2:12

¡Are' ri Dios cäyo'w na rajil u c'axelal chawe! ¡Are' ba' ri Ajawaxel ri u Dios ri Israel ri a tzucum wi to'bal awib, chattojowok rumal ronojel ri a banom!”

1 Corintios 7:34

Xukuje' man junam ta ri ixok ri c'ulanic ruc' ri ali ri man c'ulan taj. Ri man c'ulan taj, are querilij ri jastak re ri Ajawaxel, rech cux tastalic winak pa ri u cuerp xukuje' pa ri ranima'. Ri ixok ri c'ulanic, are querilij ri jastak re ri uwächulew, are cäraj cubano jas ri cäkaj chuwäch ri rachajil.

Romanos 1:12

Rech jeri' chi cäkaya' ka chuk'ab chbil tak kib pa ri ka cojonic, xa junam c'u ri i cojonic ruc' ri wech in.

Romanos 1:5

Ri rumal kac'amom ri tok'ob xukuje' ri takomal rech cänimax ri cojonic chquixo'l conojel ri man e aj judeyib taj, che u lok'ok'exic ri u bi'.

Hechos 26:7

Ri eye'm u rikic cumal ri cablajuj kamak'. Ri queboc wi il che u k'ijilaxic ri Dios chi pa k'ij chi chak'ab. Rumal c'u rech we eyebal c'uxaj ri' ri aj judeyib in qui tzujum chwäch la, ajawinel Agrip.

Juyuwem 1:13

Ri Ajawaxel u q'uiakom ulok jun k'ak' chicaj ri opaninak c'ä cho ri nu bakil; xulic' jun c'amibal pa ri nu be xuban chwe chi xintzelej chwij; in u jachom chupam ri wonobanic, chupam ri rikoj c'ax jok'otaj chi jok'otaj.

Ri Isaiy 54:1

Charaka' a chi' ruc' quicotemal, ixok ri man catalan taj, ri man e c'o ta awal; chebabixoj bix re quicotemal, at ri mawi jumul c'olinak awal, cubij c'u ri Ajawaxel: “Ri ixok ri xutum canok e q'ui ral quec'oji' na chuwäch ri ixok ri c'o rachajil.”

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Ri Isaiy 49:21

Cabij c'u na at pa ri awanima': ‘¿Jachin e yowinak we alc'ualxelab ri' chwe? Ri in man e c'o ta wal, mawi xincuin che qui ya'ic in esam bic pa ri nu tinimit, in c'amom bic pa jun ulew chic naj in c'o wi, ¿jachin xeq'uiyisanic? In yo'm c'u can nu tuquel, ¿jawije' xepe wi?’ ”

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Ri Isaiy 3:26

Ri winak pa ri tinimit quebok' na, cäquicoj na atz'iak re bis, queya' na can qui tuquel.

Hechos 6:1

Pa tak ri k'ij ri', aretak cätajin queq'uiyir ri cojonelab, ri quech'aw pa grieg xquiyac wixwitem chquij ri quech'aw pa hebrey, cäquibij chi aretak quepatanix ri malca'nib chuchuyib ronojel k'ij, ri qui malca'nib ri e are' man quepatanix taj.

Hechos 9:39

Ri Lu' xwalijic, xerachilaj bic. Aretak xopanic, xquic'am bic pa ri cawik ja. E conojel ri chuchuyib malca'nib quebok'ic, quequic'ut ri atz'iak xukuje' ri u pam tak atz'iak ri xuban ri Dorcs aretak c'ä c'aslic.

Hechos 9:41

Ri are' xuya' ri u k'ab che, xuwalijisaj. Xebusiq'uij ri cojonelab xukuje' ri chuchuyib malca'nib. Xutac'aba' ri Dorcs chquiwäch c'aslic.

Filipenses 4:6

C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

1 Timoteo 2:1

Nabe, catinpixbej chi quiban ch'awem ruc' Dios. Quiban bochi'nic, tz'ononic xukuje' maltioxinic paquiwi' conojel ri winak.

2 Timoteo 1:3

Quinpatanij ri Dios, jas ri xinwetamaj ulok cuc' ri e nu mam, quinna' c'u pa ri wanima' chi man c'o ta etzelal nu banom che u patanixic. Quinmaltioxin che ri Dios rumal rech chi amak'el catnataj chwe aretak quinban ch'awem ruc' Dios chi pa k'ij chi chak'ab.