1 Timoteo 5:21 - Quiché Bible

²¹ Catinbochi'j chuwäch ri Dios, chuwäch ri Ajawaxel Jesucrist xukuje' chquiwäch ri tako'n aj caj ri e cha'talic, chi chatakej we jastak ri', maban c'u jalan tak wächaj maya' c'u u k'ij jachin jun.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Qas cho ri Dios katintaqchiꞌj, xuqujeꞌ chikiwach ri Jesús rachiꞌl ri angelibꞌ ri e chaꞌtalik, chatereneꞌj we kinbꞌij chawe, man kaya ta bꞌe xaq kakꞌutwachin apanoq jastaq chawach, xuqujeꞌ man xaq ta kꞌyaqal winaq kaꞌchaꞌo.

K'iche'

²¹ Chuwäch ri Dios, chuwäch ri Kajaw Jesucristo, xukuje' chquiwäch ri ángeles rech ri Dios ri e cha'talic, catinpixbaj chi catakej ri nu bim chawe. Aretak caban wa', junam cheawila wi ri winak, c'o jun más lok' mawil wi.

K'iche' (New Orthography)

²¹ Chuwäch ri Dios, chuwäch ri Qajaw Jesucristo, xuquje' chkiwäch ri ángeles rech ri Dios ri e cha'talik, katinpixb'aj chi kataqej ri nu b'im chawe. Aretaq kab'an wa', junam cheawila wi ri winaq, k'o jun más loq' mawil wi.

1 Timoteo 5:21 Referans Kwoze

2 Pedro 2:4

Ri Dios man xusach ta qui mac ri tako'nib aj caj ri xemacunic, xane' xebuq'uiak pa ri xibalba, xebutz'apij pa ri k'eku'm, chila' cäqueyej wi na ri k'atoj tzij paquiwi'.

2 Timoteo 4:1

Chuwäch ri Dios xukuje' ri Kajaw Jesucrist, ri cuk'at na tzij paquiwi' ri c'asc'oj xukuje' ri cäminakib, cuc'ut c'u na rib cajawin na, quinya' we pixbenic ri' chawe:

1 Timoteo 6:13

Chuwäch ri Dios ri cuya' qui c'aslemal conojel ri jastak, xukuje' chuwäch ri Jesucrist ri xuk'alajisaj ri utzalaj u k'alajisaxic rib chuwäch ri Pons Pilat, quintakan chawe

Ri Juds 1:6

Xukuje' ri e tako'nib aj caj ri xquiya' can ri takanic ri yo'm pa qui k'ab nabe, ri xquiya' can ri qui c'olbal ri e c'o wi, ri Dios e u c'olom cuc' junalic tak ximibal pa k'ekumal c'ä pa ri k'atoj tzij re ri nimalaj k'ij.

2 Timoteo 2:14

Chanataj wa chque. Pa ri u bi' ri Dios chata' chque chquitanaba' u yajic quib puwi' jujun tak tzij. Ri c'ulelam ib man c'o ta u patan; xane' quequiyojtajisaj ri quetatabenic.

2 Corintios 5:16

Rumal ri' man cäkachomaj ta chi uj camic, jas ri cäquichomaj ri winak aj uwächulew camic; pune' xkachomaj ri Crist jas ri qui chomanic ri winak aj uwächulew, man je ta chi c'u u chomaxic wa camic cäkabano.

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Apocalipsis 14:10

are ri' caruq'uiaj na re ri u wa'l uva ri c'äjisabal u wäch rumal ri Dios, ri man c'o ta jun jasach chic yujam ruc', suc'umam pa ri lak re ri royowal. Curik na c'ax rumal ri k'ak' xukuje asubre chquiwäch ri e tastalicalaj tak tako'nib aj caj xukuje' chuwäch ri Alaj Chij.

Santiago 3:17

Are c'u ri winak ri cäya' qui no'j rumal ri Dios, nabe e ch'ajch'oj, c'äte ri' cäquiya' jamaril, e utz cuc' ri winak, are' e nimanelab, e nojinak che elebal c'uxaj xukuje' che utzalaj tak wächinic, man cuban ta quieb qui c'u'x, man c'o ta quieb qui wäch.

1 Tesalonicenses 5:27

Quixinbochi'j chuwäch ri Ajawaxel chi quisiq'uij u wäch we wuj ri' chquiwäch conojel ri kachalal.

Ri Lucax 20:21

Xquic'ot c'u u chi' ri Jesus, xquibij che: “Kajtij, keta'm chi suc' ri a tzij, suc' ri a tijonic. Keta'm chi man nim ta cawil wi jun winak chuwäch jun chic. Xane' quebatijoj ri winak ruc' kastzij che ri u be ri Dios.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

Ri Malaquiy 2:9

Rumal ri', rumal rech chi man e nimaninak ta chwe xukuje' chi xak c'u u wi' chic, aretak quetijon chque ri winak man junam ta caquiban chque conojel, in quinban na chi ronojel ri tinimit itzel che il cumal chetzelex c'u qui wäch cumal.” Are' cabin ri Ajawaxel ri c'o ronojel u cuinem.

E C'ambal tak Tzij 18:5

Man utz taj chi ri k'atal tak tzij cäquito' u wi' ri c'o u mac, man cäquiban ta c'u suc'alaj k'atan tzij puwi' ri man c'o ta u mac.

Salmib 119:34

Chya' la nu chomabal che u c'olic ri tijonic la; ¡quinwaj quinnimaj ruc' ronojel wanima'!

Salmib 107:43

Jachin ri c'o u no'j, chucojo' retal wa' chuch'obo' c'u ri lok'ok'ebal u c'u'x ri Ajawaxel.

U Camulixic ri Pixab 33:9

ri xubij chque ri u nan u tat: ‘Mawi jumul wilom ta i wäch;’ xukuje' xubij chque ri rachalal: ‘Man quinch'ob ta i wäch;’ xukuje' xubij chque ri e u c'ojol: ‘Man weta'm ta ix jachinok.’ Ri e are' cäquiban na jas ri bim la quijachom c'u quib pa ri c'ulwächinic la ruc' tz'akatil.

U Camulixic ri Pixab 1:7

Chebimolo ba ri jastak iwech, jix pa tak ri qui juyub ri aj amoreyib xukuje' pa conojel tak ri ulew ri e c'o chquinakaj: ri Araba, ri ulew ri nojinak che c'ache'laj, ri lianic, ri Negueb, ri tak'aj, ri culew ri aj cananeyib xukuje' ri Libano, c'ä chuchi' ri nimalaj nima' Euprats.

Aj Levitib 19:15

Maban ri man suq'uilal taj aretak caban ri a k'atan tzij: mawi mato' u wi' ri tukar, mac'ayij a wib pa u k'ab ri c'o u cuinem. Are kas chabana' ri suq'uilal aretak caban ri k'atan tzij.

Ri Lucax 9:26

Apachin c'u ri cäq'uix chwe in xukuje' che ri nu tijonic, ri Rija'l Winak cäq'uix na che ri are' aretak cäpe pa ri u juluwem, pa ri u juluwem ri Tataxel xukuje' ri quech ri tastalic tak tako'nib aj caj.

Aj Levitib 14:42

Quec'am chi niq'uiaj abaj, quecoj che qui q'uexwäch ri xebesaxic, xukuje' cäban c'ac' xok'ol che u c'ojoxic ri ja.