1 Timoteo 5:10 - Quiché Bible

¹⁰ ri quesax u tzijol chi utzalaj chac u banom, ri e u q'uiyisan ral, ri u yo'm okxanibal chque ri winak, ri u ch'ajom ri cakan ri cojonelab, ri e u to'm ri e c'o pa c'axc'olil, ri u banom ronojel u wäch utzalaj tak chac.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ xuqujeꞌ etaꞌmatal uwach rumal ri utz laj taq chak ubꞌanom, jas ta ne ri kikꞌiyisaxik ri ral, yoꞌj kiwa xuqujeꞌ kachoch nikꞌaj winaq chik, chꞌajoj kaqan ri e kojonelabꞌ, yoꞌj tobꞌanik chike ri kakiriq kꞌax xuqujeꞌ kubꞌan ri utzilal pa ronojel qꞌotaj.

K'iche'

¹⁰ Rajwaxic chi we chichu' ri' etamtalic chi u banom utzil, utz qui q'uiyisaxic ri ral u banom, utz u banom che qui c'ulaxic ri queopan cho rachoch, u ch'ajom cakan ri e rech ri Dios, e are wa' ri cojonelab. Xukuje' u banom tok'ob chque ri cäquirik c'äx, u banom c'u ronojel u wäch utzil.

K'iche' (New Orthography)

¹⁰ Rajwaxik chi we chichu' ri' etamtalik chi u b'anom utzil, utz ki k'iyisaxik ri ral u b'anom, utz u b'anom che ki k'ulaxik ri keopan cho rachoch, u ch'ajom kaqan ri e rech ri Dios, e are wa' ri kojonelab'. Xuquje' u b'anom toq'ob' chke ri käkiriq k'äx, u b'anom k'u ronojel u wäch utzil.

1 Timoteo 5:10 Referans Kwoze

1 Timoteo 6:18

Chebataka' chi chquibana' utzil, chebux e k'inom pa utzalaj tak chac, chebux utzalaj tak sipanelab, mäquibij chi quech ri c'o cuc' chquijacha' chque ri niq'uiaj chic.

Ri Tit 3:8

Kastzij we tzij ri'. Quinwaj c'ut chi cabij we jastak ri', muban quieb a c'u'x, rech ri e cojoninak che ri Dios queboc il che qui banic utzalaj tak chac. We jastak ri' e utz chque ri winak, c'o cäquechbej chque.

Hechos 9:36

Pa ri tinimit Jop c'o jun cojonel chuchu' Tabit u bi', pa ri ch'abal grieg u bi' Dorcs. We chuchu' ri' amak'el cuban utzalaj tak chac, cuya' tak ri cajwataj chque ri mebayib.

Ri Tit 3:1

Chanataj chque ri cojonelab chi cäquiya' quib pa takic chque ri k'atal tak tzij xukuje' ri c'o qui takanic, chi queniman chque ri e c'o paquiwi'. Chanataj chque chi chquisuc'umaj quib che ronojel utzalaj chac;

Ri Tit 2:7

Kas at chatyo'w jun utzalaj c'utbal chquiwäch pa conojel ri jastak. Aretak chebatijoj, chabana' ruc' ronojel ch'ajch'ojil xukuje' ruc' ri'jobic.

2 Timoteo 3:17

Jeri' ri ralc'ual ri Dios yo'm ronojel ri rajawaxic che chubanic ronojel u wäch utzalaj tak chac.

Romanos 12:13

Chebito' ri winak ri e aj Dios pa tak ri qui rajawaxic. Chebic'ulaj ruc' utzil ri quebopan che i solixic.

Ri Lucax 7:44

Xca'y che ri ixok, xubij che ri Simon: “¿La cawil we ixok ri'? Xinoc pa awachoch, man xaya' ta c'u ch'ajbal wakan. Are c'u we ixok ri' u jam ri wakan ruc' u wa'l u wäch, xebusu' ruc' ri u wi'.

Ri Matey 5:16

Jewa' chtunun ri i chäj chquiwäch ri winak, rech quequil ri utzalaj tak i chac, cäquinimarisaj c'u u k'ij ri i Tat ri c'o pa ri caj.”

1 Pedro 2:12

Ronojel utz chibana' chquixo'l ri man cojonelab taj. Jeri', pune' cäquiyac tzij chiwij je jas chquij banal tak etzelal, cäquil ri utzalaj tak chac ri quibano, cäquinimarisaj c'u u k'ij ri Dios pa ri k'ij aretak chuta' chke jas ri ka banom.

Hebreos 13:21

are chixutz'akatisaj che u banic ronojel u wäch utzalaj tak chac, xukuje' che u banic ri u rayibal. Ri are' chubana' pa ri i c'aslemal jas ri cäkaj chuwäch rumal ri Jesucrist. Che c'u ri are' chyok wi juluwem amak'el chbe k'ij sak. Je chbanok.

Hebreos 13:2

Mäsach pa i jolom ri u ya'ic okxanibal chque ri winak. Rumal c'u wa' jujun man xquich'ob taj chi xquiya' okxanibal chque ri tako'nib aj caj.

Hebreos 10:24

Kas chkilila' kib, chkapixbela kib che ri lok'ok'ebal ka c'u'x xukuje' ri utzalaj tak chac.

Ri Tit 3:14

Xukuje' rajawaxic chi ri e c'o kuc' cäquetamaj queboc il che utzalaj tak chac rech cäquirik ri rajawaxic, rech c'o u patan ri qui c'aslemal, je ta ne jun tico'n cuya' u wächinic.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Ri Lucax 7:38

Xkeb pa rakan ri Jesus, cok'ic. Xuchaplej qui ja'xic ri rakan ruc' ri u wa'l u wäch, quebusu' ruc' ri u wi'. Xebutz'umaj ri rakan, xukuje' xutix ri c'oc'al chquij.

Chapletajic 18:4

We utz che la quintz'onoj jubik' ja' rech quech'aj ri akan alak, chuxlan na alak jubik' chuxe' ri u mu'jal ri che'.

3 Juan 1:12

Ronojel utz u tzijol ri Demetr xukuje' ne ri kastzij, cumal ri cätajin cubano. Xukuje' ri uj cäkak'alajisaj jas ri kilom, chi utz ri cubano. Ri at aweta'm chi ri cäkabij are kastzij.

1 Pedro 4:9

Chiyala' okxanibal chbil iwib, man ruc' ta ch'ach'atem.

2 Timoteo 3:15

Aweta'm c'ut chi aretak at ch'utin na xawetamaj ri tastalic tak Tz'ibatalic, ri cäcuin chuyic a no'j chrij ri a colic rumal ri cojonic che ri Crist Jesus.

2 Timoteo 2:21

Jeri' xukuje' we jun cujosk'ij rib, xukuje' man cuban ta ri etzelal, are ri' nim quil wi, tastalic winak, c'o c'u u patan che ri Ajawaxel, suc'umam che ronojel u wäch utzalaj tak chac.

2 Timoteo 1:5

Cänataj chwe chi kastzij c'o a cojonic, man xa' ta quieb u wäch. Ri cojonic ri' nabe xc'oji' ruc' ri awati't Loid, xukuje' ruc' ri a nan Eunis. Elinak chi sak chnuwäch chi xukuje' c'o awuc'.

1 Timoteo 5:25

Je c'u wa' ri u banic ri utzil. K'alaj wa' chanim chquiwäch conojel. Pune' ta ne man k'alaj chanim ri utzil ri cäkabano, kas copan na ri k'ij ri cäk'alajinic.

1 Timoteo 2:10

Xane' ruc' utzalaj tak chac, jas ri ya'tal chque ri ixokib ri cäquik'ijilaj ri Dios.

Colosenses 1:10

Jeri' quibano jas ri takal chiwe ri ix rech ri Ajawaxel, rech ronojel ri quibano cäkaj chuwäch. Quiya' c'u conojel wächinic que conojel utzalaj tak chac, sibalaj c'u quiwetamaj na u wäch ri Dios.

Efesios 2:10

Ri Dios are' xujbanowic, xuban c'ac' tak winak chke rumal ri Crist Jesus, rech cäkaban utzalaj tak chac, ri xebusuc'umaj ulok ri Dios ojer, rech je cäkabano.

Hechos 22:12

C'äte ri' xpe jun achi Ananiy u bi'. Are jun achi cunimaj ri u pixab ri Moises, utz u tzijol cumal ri aj judeyib ri e c'o chila' pa Damasc.

Hechos 10:22

Ri e are' xquitzelej u bixic che: “Ri Cornel, are' ri qui nimal jun sient ajch'ojab. Are' suc'alaj achi ri cuna' rib chuwäch ri Dios, utz u tzijol cumal conojel ri aj judeyib. Are' xujtakow ulok. Xbix che rumal jun tako'n aj caj, chi catakan che siq'uixic la rech cabe la cho rachoch chutatabej c'ut ri cabij na la che.”

Hechos 9:39

Ri Lu' xwalijic, xerachilaj bic. Aretak xopanic, xquic'am bic pa ri cawik ja. E conojel ri chuchuyib malca'nib quebok'ic, quequic'ut ri atz'iak xukuje' ri u pam tak atz'iak ri xuban ri Dorcs aretak c'ä c'aslic.

Hechos 6:3

Chebitzucuj ba wukub achijab chixo'l, kachalal, ri k'alaj chi e nojinak che ri Uxlabaxel, xukuje' c'o qui no'j, rech quekacoj pa we chac ri'.

Ri Isaiy 1:17

¡Chiwetamaj u banic ri utzil, chicojo' i chuk'ab che u banic ri suq'uil, chito' ri u rikom c'ax, chibana' utzil che ri minor, chito' u wi' ri malca'n ixok!”

Salmib 119:4

Lal yo'm la takanic chi ri e pixab la ri e banom la kas chetz'akatisax qui banic.

Aj Levitib 25:35

We ri awachalal cämebayiric, cuto' c'u rib awuc', chaya' rokxanibal; jacha' ri caban che jun ri man awinakil taj ri xa cärokxanila' rib, cäjeki' na awuc'.

Chapletajic 24:32

Xbe c'u ri pataninel cho ja. Ri Laban xukasaj ri queka'n ri camey, xebutzuku'; xuc'ama' ulok ja' che ch'ajbal rakan ri pataninel xukuje' ri e rachil.

Chapletajic 19:2

xubij chque: “Tatayib, bana' alak tok'ob, quinbochi'n chech alak chi cäcanaj can alak pa wachoch che we chak'ab camic. Chila' cach'aj wi ri akan alak, ak'ab chwek cätakej chi ri be alak.” Ri e are' xquibij: “Jayi', sibalaj maltiox cakoc'owisaj na ri ak'ab pa ri be.”

1 Timoteo 5:16

We c'o jun cojonel, ri e c'o malca'nib ixokib ruc', rajawaxic cuya' ri cajwataj chque, man cuya' ta wa' chquij ri niq'uiaj cojonelab chic, rech ri comon cojonelab quecuinic quequito' ri malca'nib ixokib ri kastzij c'o rajawaxic chque.

1 Timoteo 3:7

Xukuje' rajawaxic chi utz quil wi cumal ri winak rech man c'o ta yok'bal re, rech man cächap ta rumal ri itzel.

Chapletajic 43:24

xebucoj c'u bic conojel pa ri rachoch ri Jose, xuya' qui ja' che ch'ajbal cäkan, xukuje' xuya' quecha' ri qui bur.

1 Timoteo 3:2

Rajawaxic ba' chi ri solinel man c'o ta cätzujux wi, xa' jun ri rixokil, cuchomaj jas ri cubano, utz ri u chomanic, suc'umam, cuya' okxanibal chque ri winak, cäna'w che qui tijoxic ri winak,

Ri Matey 25:17

Jewa' xukuje' ri xuc'am quieb rakan nimak tak puak, xuch'äc chi quieb.