1 Timoteo 2:8 - Quiché Bible

⁸ Quinwaj c'ut chi ri winak pa conojel c'olbal cäquiban ch'awem ruc' Dios chequiwalijisaj ri qui k'ab ruc' jun ch'ajch'ojalaj canima', man c'o ta oyowal mawi c'ulelam tak ib.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Kawaj kꞌut chi pa ronojel kꞌolibꞌal konojel ri winaq kakibꞌan chꞌawem kakiyak ri kiqꞌabꞌ chikaj, man rukꞌ ta oyawal xuqujeꞌ man pa chꞌoꞌj taj, xane rukꞌ chꞌajchꞌojalaj animaꞌ.

K'iche'

⁸ Cwaj chi ri achijab pa ronojel tinimit cäca'n orar, achijab ri kas jicom ri canima' che ri Dios. Are achijab wa' ri cuya' cäquiyac ri qui k'ab cho ri Dios, man c'o tä ch'oj, man c'o tä oyowal, man c'o tä c'u jun c'äx chic pa canima'.

K'iche' (New Orthography)

⁸ Kwaj chi ri achijab' pa ronojel tinimit käka'n orar, achijab' ri qas jikom ri kanima' che ri Dios. Are achijab' wa' ri kuya' käkiyak ri ki q'ab' cho ri Dios, man k'o tä ch'oj, man k'o tä oyowal, man k'o tä k'u jun k'äx chik pa kanima'.

1 Timoteo 2:8 Referans Kwoze

Salmib 134:2

¡Chiyaca' ri i k'ab che ri tastalicalaj k'ijilabal, chiya' u k'ij ri Ajawaxel!

Salmib 63:4

pa ronojel nu c'aslemal quinya' na k'ij la, quinyac ri nu k'ab chwäch la aretak quinch'aw uc' la.

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Ri Tit 3:8

Kastzij we tzij ri'. Quinwaj c'ut chi cabij we jastak ri', muban quieb a c'u'x, rech ri e cojoninak che ri Dios queboc il che qui banic utzalaj tak chac. We jastak ri' e utz chque ri winak, c'o cäquechbej chque.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

Ri Lucax 24:50

Ri Jesus xebuc'am bic c'ä pa Betan. Xebuwalijisaj ri u k'ab, xebutewichi'j.

Ri Isaiy 1:15

Aretak quiyac ri i k'ab che u banic ch'awem, ri in man quixinca'yej taj; pune' quiban q'ui ch'awem, ri in man quixintatabej taj, rumal chi tz'ajtajinak ri i k'ab che quic'.

1 Pedro 3:7

Xukuje' ri ix achajilaxelab chixjekel cuc' ri e wixokilab ruc' no'jibal, chiya' u k'ij ri iwixokil rumal rech chi man junamataj taj ri u cuerp ruc' ri rech ri rachajil, jacha' xukuje' chi e i wäch echbenelab che ri tok'ob aj c'aslemal, rech ri e i ch'awem ruc' Dios man curik ta k'atibal.

1 Timoteo 5:14

Quinwaj ba' chi ri malca'nib ri c'ä e alitomab na chec'ulanok, chequiq'uiyisaj cal, chechacun pa ri cachoch. Jeri' man c'o ta rumal rech queyok' wi cumal ri qui c'ulel.

Hechos 21:5

E oc'owinak chi c'u ri wukub k'ij ri', xujel bic. Uj achilam cumal conojel ri cojonelab cuc' ri quixokil xukuje' ri calc'ual, c'ä tza'm ja. Xujxuqui' chuchi' ri plo, xkaban ch'awem ruc' Dios.

Hechos 10:4

Ri Cornel xca'y che, xuxe'j rib, xubij: “¿Jas ri', Ajawaxel?” Ri tako'n aj caj xubij che: “Ri Dios utz cäril wi chi caban ch'awem, chi caya' tak to'banic chque ri c'o cajwataj chque.

Hechos 10:2

Are' jun achi nimanel che ri Dios ri junam cuc' conojel ri e rachalaxic quek'ijilan che ri Dios. Xukuje' nim ri puak ri cuya' che qui to'ic ri aj judeyib. Cuban ch'awem ruc' Dios amak'el.

Hechos 7:60

Xxuquic, xurak u chi' ruc' chuk'ab: “¡Ajawaxel majilaj la we mac ri' chquij!” Xbitaj c'u wa' rumal, xcämic.

1 Corintios 7:7

Quinwaj ta ne chi conojel quec'oji' jas ri in. Chquijujunal c'ut yo'm jalajoj tak cuinem chque rumal ri Dios, jun wi ri jun, ri jun chic jun chi wi.

Hechos 10:31

Je xubij wa' chwe: ‘Cornel, tatajinak ri a ch'awem rumal ri Dios natal c'u che chi c'o a yo'm chque ri mebayib.

Ri Xuan 4:21

Ri Jesus xubij che: “Ixok, chacojo' ri quinbij, cäpe na ri jok'otaj, aretak mawi pa we juyub ri', mawi pa Jerusalen quik'ijilaj wi na ri Tataxel.

Ri Lucax 23:34

Ri Jesus xubij: “Tat, sacha' la qui mac, man queta'm ta c'ut jas ri cäquibano.” Xquikasaj taklebenic chrij ri ratz'iak ri Jesus, rech cäquilo jas ri cäquic'am bic chquijujunal.

Ri Matey 21:21

Ri Jesus xubij chque: “Kastzij quinbij chiwe, we ta c'o i cojonic, we ta ma ta cuban quieb i c'u'x, man xuwi ta wa' quiban na jas ri xinban in che ri u che'al higo, xane' we quibij che we juyub ri': ‘Chatwalijok, chaq'uiaka' awib pa ri cho’, cäbantaj na.

Ri Matey 5:44

Are c'u ri in quinbij chiwe: Chebilok'ok'ej ri qui banom qui c'ulel chiwe, chibana' ch'awem ruc' Dios paquiwi' ri caquiban c'ax chiwe.

Salmib 66:18

We ta e c'o itzel tak nu chomanic ma ta xinutatabej ri' ri Ajawaxel;

Salmib 26:6

E ch'ajtajinak ri nu k'ab, e josk'itajinak elinak ri macaj chque, Ajawaxel, quinwaj quinnakajin ruc' ri porobal ri ech la,

Salmib 24:4

Ri e ch'ajch'oj ri e u k'ab xukuje' ri u chomanic ri man c'o ta jun macaj pa ri u c'aslemal; ri man quebuk'ijilaj ta ri banom tak diosib mawi cuban tak ri chi'nic ri kas cäban na ruc' subunic.

Ri Job 16:17

man c'o ta c'u ne jumul c'o ta tokinic nu banom ta che jachin jun xukuje' chi uxinak c'u ne ch'ajch'oj ri nu ch'awem ruc' Dios.

Ri Matey 6:12

Checuyu' la ri e ketzelal jacha' xukuje' ri uj quekacuy ri etzelal ri e banom chke.

E C'ambal tak Tzij 21:27

Ri Ajawaxel cäretzelaj qui wäch ri qui sipanic ri e banal tak etzelal, rumal rech chi quequichi'j cuc' itzel tak chomanic.

E C'ambal tak Tzij 15:8

Ri Ajawaxel man quebucoch'taj ri qui sipanic ri e banal tak etzelal, cuc'amowaj c'ut ri qui bochi'nic ri e suc' ruc' quicotemal.

Salmib 35:13

Aretak c'u queyawajic, in quebenbisoj, quincoj atz'iak re bis, man quinwa' taj, quintakej c'u ch'awem ruc' Dios pa wanima'.

Nabe Ajawinelab 3:11

xubij c'u che: “Rumal c'u rech chi a tz'onon wa' chwe, man c'u jun c'aslemal taj ri naj cabeytajic mawi tak k'inomal mawi ri qui cämical tak ri e a c'ulel, xane' c'oxomanic che retamaxic tatabenic xukuje' che k'atan tzij,

Salmib 28:2

Tatabej la ri nu rakoj chi'aj che u tz'onoxic ri to'banic la, aretak quinyuk apan ri nu k'ab chusuq'uil ri tastalicalaj achoch la.

Salmib 141:2

Ri nu ch'awem uc' la je chuxok jacha' ri c'oc'alaj k'ol chwäch la, e yactal c'ut ri e nu k'ab, jacha' sipanic rech benak k'ij.

1 Corintios 1:2

quintz'ibaj we wuj ri' chque ri kachalal ri comon cojonelab aj Dios ri e c'o pa Corint, ri e tastal pa ri Crist Jesus, e siq'uim rech quebux tastalicalaj tak winak, xukuje' chque conojel ri cäquita' ri u to'banic ri Kajaw Jesucrist pa ronojel c'olbal, Cajaw ri e are' xukuje' Kajaw uj.

2 Corintios 2:14

Maltiox ba' che ri Dios, chi amak'el cujuc'am bic pa ri ch'äcanic pa ri Crist Jesus chi rumal c'u kech cuya' retamaxic ri u tijonic ri cäjabun, pa conojel c'olbal jacha' jun c'oc'alaj uxlab.

Filipenses 1:12

Wachalal, quinwaj quiwetamaj chi ri c'ax ri nu rikom, rumal wa' sibalaj xtzijox ri tzij re colobal ib.

1 Tesalonicenses 1:8

Iwumal c'ut xel u tzijol ri u tzij ri Ajawaxel man xuwi ta pa Masedon xukuje' pa Acay, xane' xukuje' pa ronojel c'olbal elinak wi bic u tzijoxic ri i cojonic che ri Dios. Je c'u ri' man rajawaxic ta chic c'o jas cäkatzijoj ri uj.