1 Timoteo 2:6 - Quiché Bible

⁶ Rumal rech chi xujach rib ri Jesucrist pa u k'ab ri cämical che u tojic ri rajil ri colobal ib chque conojel, jas ri u cholajil ri k'alajisanic ri xya' pa ri kas u k'ijol.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ ri xuya ri ukꞌaslemal chi kikolik konojel ri winaq. Are waꞌ ri qꞌalajisanik ri xuya ri Dios pa ri kꞌyaqal qꞌotaj.

K'iche'

⁶ Ri Jesucristo xuya rib pa cämisaxic chutojic ri ka mac, rech ri uj nimalaj konojel cujel pu k'ab ri Itzel. Pa ri kas u k'ijol c'ut, ri Dios xuc'ut wa' chquiwäch conojel winak chi kas tzij craj queuto'.

K'iche' (New Orthography)

⁶ Ri Jesucristo xuya rib' pa kämisaxik chutojik ri qa mak, rech ri uj nimalaj qonojel kujel pu q'ab' ri Itzel. Pa ri qas u q'ijol k'ut, ri Dios xuk'ut wa' chkiwäch konojel winaq chi qas tzij kraj keuto'.

1 Timoteo 2:6 Referans Kwoze

Ri Matey 20:28

Je jas ri Rija'l winak man xpe taj rech cäpatanixic, xane' rech quebupatanij niq'uiaj chic. Xpetic rech cuya' ri u c'aslemal che qui toric q'uialaj winak.”

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.

Gálatas 4:4

C'ä pa ri k'ij aretak xesuc'umataj ronojel, ri Dios xutak ulok ri u C'ojol, ri xalax rumal jun ixok, xc'oji' chuxe' ri u pixab ri Moises,

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

1 Juan 4:10

Are wa' ri lok'ok'ebal c'uxaj: man are taj chi uj taj xujlok'ok'en ta ri Dios, xane' chi are' ri are' xujlok'ok'enic, xutak c'u ulok ri u C'ojol, rech cuchi'j rib che tabal tok'ob, quetojtaj c'ut ri e ka mac.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

1 Corintios 1:6

jas ri xtzijox chiwe chi cuban ri Crist pa ri i c'aslemal, je u banom chiwe.

1 Timoteo 6:15

Ri are cäc'ut na pa tak ri u k'ijol rumal ri Jun ri nimarisam u k'ij ri tewichi'm, ri xa' jun Ajawinel paquiwi' ri ajawinelab, ri Cajaw ri ajawib,

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Ri Job 33:24

ri quel u c'u'x che chubij ta c'u che ri Dios: ‘Chawesaj pa u k'ab ri cämical, nu rikom c'ut ri xtorowic’,

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.

Ri Tit 1:3

Xuchomaj jun k'ij, xuk'alajisaj ri u tzij. Xya' ri tzij pa nu k'ab rumal ri u takanic ri ka Colonel Dios.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Romanos 5:6

Aretak man xujcuin ta che u colic kib, ri Crist, kas pa ri k'ij ri rajawaxic, xcäm rumal quech ri winak ri man cäquiya' ta u k'ij ri Dios.

Ri Xuan 6:51

In ri' ri c'aslic wa ri kajinak ulok pa ri caj. We c'o jun cutij re we wa ri', cäc'asi na amak'el chbe k'ij sak. Ri wa ri quinya' na in, are' ri nu cuerp, ri quinya' na rumal rech ri qui c'aslemal ri winak cho ri uwächulew.”

Marcos 10:45

Xukuje' ne ri Rija'l Winak man xpe taj rech cäpatanixic, xane' rech cäpataninic. Xpe che u ya'ic ri u c'aslemal che qui tzokopixic q'ui winak.”

Ri Isaiy 53:6

Konojel uj xujsachic uj jacha' chij, chkajujunal xkatakej ri kas ka be pa kech wi, are c'u ri Ajawaxel xuya' ronojel ri ketzelal chrij.

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

2 Timoteo 1:8

Matq'uix ba' che u k'alajisaxic jas ri u banom ri Kajaw o jas nu banom in ri in c'o pa che' rumal rech ri Are'. Xane' chach'ija' awe ri c'ax wuc' in rumal rech ri tzij re colobal ib, ruc' ri chuk'ab ri yo'm rumal ri Dios,

2 Tesalonicenses 1:10

Jewa' cäquic'ulmaj na aretak cäpe ri Jesus rech cänimarisax u k'ij cumal ri e tastalicalaj tak winak ri e rech, rech cäya' u k'ij cumal conojel ri xecojonic, rumal rech chi xquicojo jas ri xkak'alajisaj chquiwäch pa ri k'ij ri'.

Romanos 16:26

K'alajisam chi c'u camic rumal ri qui tz'ibam can ri k'axal tak u tzij ri Dios, jas ri u takanic ri junalic Dios, ri quetamam conojel ri nimak tak tinimit rech quecojon che ri u tzij xukuje' cäquinimaj.

Efesios 1:17

Quintz'onoj che ri u Dios ri Kajaw Jesucrist, ri juluwemalaj Tataxel Dios, chi chuya' ri no'j aj uxlabal chiwe che u ch'obic ri cuc'utunisaj xukuje' che ri utzalaj retamaxic u wäch.

Efesios 1:7

Chupam c'ut ri nimalaj u lok'ok'ebal c'uxaj uj u torom ri Dios rumal ri quic' ri xutix ri u C'ojol, e sachtajinak c'ut ri e ka mac.

Efesios 3:5

Nabe canok man yo'm ta retamaxic we jastak ri' chque ri winak. C'äte camic ri Dios u c'utum chquiwäch ri u tastalic takomxenlab xukuje' ri e k'axal tak re ri u tzij rumal ri Uxlabaxel,

Marcos 1:15

Xubij: “Xtz'akat ronojel, xopan ri k'ij. Nakaj chic c'o wi ri rajawibal ri Dios. Chiq'uexa' i c'u'x, chixcojon che ri utzalaj tak u tzij.”

Gálatas 1:4

ri are' xuya' ri u c'aslemal rumal rech ri ka mac, che kesaxic pa ri etzelal re we uwächulew ri', jas ri u rayibal ri Dios ka Tat.

Ajilanic 7:15

jun alaj ama' wacax, jun ama' chij jun alaj ama' chij re jun u junab che u chi'xic jacha' che tabal tok'ob ri cächajirisaxic,