1 Timoteo 1:5 - Quiché Bible

⁵ Ri q'uisbal c'u u tza'm ri takomal are ri lok'ok'ebal c'uxaj ri q'uiyinak pa jun josok'alaj c'uxaj, pa jun utzalaj etamabal c'uxaj, xukuje' pa jun cojonic ri man xak ta quieb u wäch.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Jewaꞌ rajawaxik kibꞌano rech ri loqꞌanik katixtobꞌ loq che jun chꞌajchꞌoj animaꞌaj, che jun utz laj chomanik, xuqujeꞌ che jun qas tzij laj kojobꞌal.

K'iche'

⁵ Ru patän we takanic ri' ri quinya chawe, are wa' chi ri uj, ri uj cojonelab kas quekaj conojel. Rajwaxic chi cäq'uiy lok wa' pa kanima' ri ch'ajch'oj, ri cäkana' wi chi man c'o tä etzelal ka'nom, ri k'alaj wi chi kas tzij cujcojonic.

K'iche' (New Orthography)

⁵ Ru patän we taqanik ri' ri kinya chawe, are wa' chi ri uj, ri uj kojonelab' qas keqaj konojel. Rajwaxik chi käk'iy loq wa' pa qanima' ri ch'ajch'oj, ri käqana' wi chi man k'o tä etzelal qa'nom, ri q'alaj wi chi qas tzij kujkojonik.

1 Timoteo 1:5 Referans Kwoze

1 Timoteo 1:19

Chajiquiba' ri a cojonic, chabana' ronojel rech cana' pa awanima' chi man c'o ta etzelal a banom. E c'o jujun man xcaj taj xquiban wa', xetzak c'ut, xquiya' can ri qui cojonic.

Gálatas 5:22

Are c'u wa' ri u wächinic ri Uxlabaxel: c'o lok'ok'ebal qui c'u'x ri winak, quequicotic, c'o jamaril chquixo'l cuc' niq'uiaj chic, c'o qui coch'onic, ch'uch'uj ri canima', cäquibanala' tok'ob, e jic pa ri qui tzij,

2 Timoteo 2:22

Chatanimaj chquiwäch ri e itzelalaj tak rayinic aj c'ojolal, are chaterenej ri suq'uil, ri cojobal, ri lok'ok'ebal c'uxaj, ri jamaril, cuc' ri winak ri caquiban ch'awem ruc' Dios ri ch'ajch'oj ri canima'.

2 Timoteo 1:5

Cänataj chwe chi kastzij c'o a cojonic, man xa' ta quieb u wäch. Ri cojonic ri' nabe xc'oji' ruc' ri awati't Loid, xukuje' ruc' ri a nan Eunis. Elinak chi sak chnuwäch chi xukuje' c'o awuc'.

2 Timoteo 1:3

Quinpatanij ri Dios, jas ri xinwetamaj ulok cuc' ri e nu mam, quinna' c'u pa ri wanima' chi man c'o ta etzelal nu banom che u patanixic. Quinmaltioxin che ri Dios rumal rech chi amak'el catnataj chwe aretak quinban ch'awem ruc' Dios chi pa k'ij chi chak'ab.

1 Pedro 3:21

Are c'u ri ja' pa ri u k'ijol ri Noe are' cuq'uexwächij ri roc'owem ri Jesus pa ri nimalaj c'ax ri cujcolow camic; rumal c'u ri' man cujcolotaj ta rumal ri u josk'ixic ri ka cuerp, xane' ri u c'amowaxic ri jun ch'ajch'ojalaj anima' che ri Dios rumal ri u c'astajic ri Jesucrist.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

2 Pedro 1:7

Ruc' c'ut ri nimanic che ri Dios rajawaxic chi quiwuc'aj iwib cuc' ri achalaxelab; ruc' c'ut ri ruc'axic iwib cuc' ri achalaxelab rajawaxic chi cac'oji' i lok'ok'ebal c'uxaj.

Romanos 10:4

Cätz'akat c'ut ri pixab ruc' ri Crist, rumal ri' cuban suc' chque conojel ri c'o qui cojonic.

Ri Tit 1:15

Chque ri e ch'ajch'oj ri qui chomanic, conojel ri jastak e ch'ajch'oj; chque c'ut ri man e ch'ajch'oj taj, man ch'ajch'oj taj ri qui chomanic mawi ri qui cojonic, man c'o ta jun jasach ch'ajch'oj; xukuje' ne ri qui no'jinic xukuje' ri quetamabal c'uxaj e tz'ilotajinak.

1 Timoteo 3:9

Rajawaxic kas jicom ri canima' chrij ri kastzij ri uj cojoninak wi, ri k'alajisam chkawäch. Xukuje' rajawaxic cäquina' pa canima' chi man c'o ta etzelal qui banom.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

Salmib 51:10

Nu Dios, ¡cojo' la jun ch'ajch'ojalaj wanima'!, ¡ya' la jun c'ac' uxlabal chwe ri jic!

1 Pedro 4:8

Puwi' ronojel, chicojo' i chuk'ab che u lok'ok'exic iwib, rumal rech chi ri lok'ok'ebal c'u'x cubano chi quesachtaj q'ui mac.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

Hechos 23:1

Ri Pawl co xca'y chque ri comon re ri qui nimakil ri aj judeyib, xubij chque: “Wachalal, in in bininak ruc' jun utzalaj retamabal nu c'u'x chuwäch ri Dios c'ä pa we k'ij ri'.”

Salmib 24:4

Ri e ch'ajch'oj ri e u k'ab xukuje' ri u chomanic ri man c'o ta jun macaj pa ri u c'aslemal; ri man quebuk'ijilaj ta ri banom tak diosib mawi cuban tak ri chi'nic ri kas cäban na ruc' subunic.

1 Juan 3:3

Apachin ta c'u ne ri c'o we eyebal c'uxaj ri' ruc' chrij ri Dios, cuch'ajch'obisaj rib pa re wi, je jacha' ri Jesucrist ch'ajch'oj.

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

1 Corintios 13:1

We ta quinch'aw pa ri qui ch'abal ri winak, xukuje' ta c'u ne pa ri quech ri tako'nib aj chicaj, ma ta c'u c'o lok'ok'ebal nu c'u'x, quinux ri' jas jun quiäk ch'ich' ri cätzilnajic, o jun quetequic ch'ich' ri cäch'arnajic.

Romanos 14:15

We caban che ri awachalal chi cäbisonic xa' rumal ri catijo, man calok'ok'ej ta ri'. ¡Maban che jun winak chi cäsach u wäch rumal ri catijo! ¡Xcäm c'u ri Crist rumal rech ri are'!

Romanos 9:1

Quinbij ri kastzij pa u bi' ri Crist, man xak ta quinbij. Weta'm pa ri wanima' rumal ri Ruxlabal ri Dios,

Hechos 24:16

Rumal c'u ri', quinoc il amak'el chi cac'oji' jun ch'ajch'ojalaj retamabal nu c'u'x chuwäch ri Dios xukuje' chquiwäch ri winak.

Hechos 15:9

Ri Dios man jalan ta queril ri e are' chkawäch uj, u josk'im c'u ri canima' rumal ri cojonic.

Ri Matey 12:35

Ri utzalaj winak chque ri utzalaj tak jastak ri c'o pa ranima' cäresaj wi ulok ri utz. Ri itzel winak chque ri itzel tak jastak ri c'o pa ranima' cäresaj wi ulok ri etzelal.

Ri Matey 5:8

Utz que ri ch'ajch'oj canima', cäquil c'u na u wäch ri Dios.

1 Juan 3:23

Ri u takomal, chi chujcojon che ri Jesucrist, ri u C'ojol, cäkalok'ok'ela' c'u kib, jacha' ri are' uj u lok'ok'em.

Hebreos 13:18

Chibana' ch'awem ruc' Dios pakawi'. Kas cäkana' pa ri kanima' chi man c'o ta etzelal ka banom. Cäkaj c'ut chi utz cujbin pa ronojel.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Ri Jeremiy 4:14

Jerusalen, chajosk'ij ri awanima' che ri etzelal we je caban wa' catto'taj na. ¿C'a jampa' lo catanaba' qui chomaxic pa a jolom ri itzel tak chomanic?

U Camulixic ri Pixab 10:12

“Are c'u ri camic aj israelib, ¿jas ri cutz'onoj ri Ajawaxel chiwe? Xuwi chiya' u k'ij, chilok'ok'ej chebitakej c'u conojel ri e u be; xukuje' chik'ijilaj ruc' ronojel iwanima' xukuje' ruc' ronojel ri i c'aslibal,

Ri Soponiy 3:7

Xinchomaj: ‘Jeri' ri Jerusalen cuxe'j na rib chnuwäch cuc'amowaj c'u na chi quinjic'o; jeri' man cäsach ta na u wäch ri u c'olbal rumal rech chi xinc'äjisaj u wäch.’ E are tak c'ut ri e are are xcanej qui banic ronojel qui wäch tak etzelal.

Romanos 12:9

Kas chi lok'ok'ela' iwib, man ruc' ta quieb c'uxaj. Chiwetzelaj u wäch ri lawaloyil chitakej c'u u banic ri utzilal.

1 Timoteo 1:18

Nu c'ojol Timotey, quinjach we takanic ri' pa a k'ab, rech cacoj a chuk'ab che ri utzalaj ch'o'j, jas ri bim ulok chawij cumal ri xquik'axej ri u tzij ri Dios chke.

1 Juan 3:10

Cuya' quetamatajic e jachin tak ri e ralc'ual ri Dios xukuje' e jachin tak ri e ralc'ual ri itzel: apachin ta c'u ne ri man cuban ta ri utzil, o man culok'ok'ej ta ri rachalal, man ralc'ual ta ri Dios.