1 Timoteo 1:17 - Quiché Bible

¹⁷ Ri Dios are ri Ajawinel chbe k'ij sak, man cäsach ta u wäch, man quilitaj ta u wäch. Ri are xa' jun Dios, man c'o ta chi jun. Chnimarisax u k'ij, chyok juluwem che amak'el chbe k'ij sak. Je chbanok.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Rumal kꞌu riꞌ, che ri Taqanel ri man kasach ta uwach, ri man kakam taj, xuqujeꞌ man kilitaj ta uwach, ri xa jun Dios, yoꞌq nimal uqꞌij, xuqujeꞌ juluwem chibꞌe qꞌij saq. Jeriꞌ.

K'iche'

¹⁷ Rumal ri' kaya ba' u k'ij ri Jun ri cätakan pa ka wi', ri man cäq'uextaj taj, ri man cäcäm taj, ri man quilitaj tä u wäch, ri xuwi wa' Dios c'olic. C'o c'u u no'j che ronojel. Kanimarisaj ba' u k'ij amak'el pa tak ri k'ij ri junab ri quepetic. Amén.

K'iche' (New Orthography)

¹⁷ Rumal ri' qaya b'a' u q'ij ri Jun ri kätaqan pa qa wi', ri man käk'extaj taj, ri man käkäm taj, ri man kilitaj tä u wäch, ri xuwi wa' Dios k'olik. K'o k'u u no'j che ronojel. Qanimarisaj b'a' u q'ij amaq'el pa taq ri q'ij ri junab' ri kepetik. Amén.

1 Timoteo 1:17 Referans Kwoze

Ri Juds 1:25

Ri Dios ri xa jun, ri c'o retamanic, are ka Colonel rumal ri Kajaw Jesucrist, chyok ta juluwem che ri are', chnimarisax ta u k'ij, che ri are' ya'tal wi ri cuinem xukuje' takanic, are c'ä majok ri k'ij junab, are camic, are amak'el chbe k'ij sak. Je chbanok.

Apocalipsis 19:1

E bantajinak chic we jastak ri', xinta' je ta ne ri cowilaj qui ch'abal e q'ui winak pa ri caj, ri xquibij: “¡Chnimarisax u k'ij ri Ajawaxel! Ri colobal ib, ri juluwem, xukuje' ri cuinem e rech ri ka Dios,

Nabe Tzijobelil 29:11

¡E ech la, Ajawaxel, ri nimalil, ri cuinem, ri juluwem, ri ajawinic xukuje' ri nimalaj banic la! Rumal rech chi ronojel ri c'o pa ri caj xukuje' ri c'o pa ri uwächulew e ech la. Ech la xukuje' ri ajawinic, lal Ajawaxel nim na k'ij la chquiwäch conojel.

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

Colosenses 1:15

Ri Crist ri quilatajic are' wa' ri u wächbal ri Dios, ri man quilitaj taj; are' ri u c'ojol are' ri c'o nabe chuwäch ronojel ri banom.

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”

Romanos 1:23

Rumal chi qui q'uexom ri u juluwem ri Dios ri man cäsach ta u wäch, xane' xquesaj qui wäch ri winak ri cäsach qui wäch, xquesaj qui wäch ri chicop aj uwo caj, ri awaj cajcaj cakan, ri chicop ri cäquijuruj quib.

Salmib 45:6

Ri ajawibal la, nu Dios, re chbe k'ij sak, ri k'atoj tzij la are jun suc'alaj k'atoj tzij.

Apocalipsis 19:6

Xukuje' xinta' jun ch'abal, je ta ne qui ch'abal q'ui winak, je ta ne qui chojojem q'uialaj tak ja' xukuje' ri cok'ebal cowilaj tak cakulja, ri xubij: “¡Chnimarisax u k'ij ri Ajawaxel!, rumal rech chi ri Ajawaxel ri ka Dios ri c'o ronojel cuinem ruc', cätakan puwi' ronojel.

1 Juan 4:12

Man c'o ta c'u jun ilowinak ta u wäch ri Dios. We c'u cäkalok'ok'ela' kib, jekel ba' ri' ri Dios chkaxo'l uj, c'utuninak c'ut ri lok'ok'ebal u c'u'x kuc'.

Ri Xuan 1:18

Mawi jubik' c'o ta jun ilowinak ta u wäch ri Dios; are' c'u ri xa' jun chi C'ojolaxel, ri c'o pa uxcut ri Tataxel, are' ri xk'alajisanic.

Ri Matey 6:13

Mujya' la chuwäch ri takchibal macaj, xane' chujto' la chujesaj la pa u k'ab ri banal etzelal.’

Salmib 90:2

C'ä majok cheq'uiy tak ri juyub, c'ä majok chc'oji' ri ulew xukuje' ri niq'uiajsak, pa tak ri k'ijol ojer petinak ulok c'ä pa ri q'uisbal tak k'ijol, lal lal Dios.

Salmib 10:16

Ri Ajawaxel are Ajawinel chbe k'ij sak; ri e k'ijilal tak diosib quebesax na bic chupam ri rulew.

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Apocalipsis 7:12

je xquibij wa': “¡Je' chbanok! Ri tewichibal, xukuje' ri juluwem, xukuje' ri no'j, xukuje' ri maltioxinic, xukuje' ri nim ilic, xukuje' ri cuinem, xukuje' ri chuk'ab cheyok che ri ka Dios amak'el chbe k'ij sak. Je chbanok.”

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.

1 Pedro 5:11

Che ri are' chyok wi ri cuinem chbe k'ij sak. Je chbanok.

Hebreos 11:27

Rumal ri cojonic, xuya' can ri Ejipt, man xuxe'j ta rib chuwäch ri royowal ri ajawinel, xane' co tac'alic je ta ne chi cäril ri Dios ri man quilitaj taj.

Romanos 16:27

¡Che ri xa' jun Dios ri c'o u no'j, chyok wi ri nimarisabal k'ij rumal ri Jesucrist chbe k'ij sak! Je chbanok.

Romanos 11:36

Ruc' are' e elinak wi ulok conojel ri jastak, rumal are' xukuje' che are' e c'o wi. Chnimarisax u k'ij ri Dios amak'el chbe k'ij sak. Je chbanok.

Romanos 2:7

Cuya' c'u na ri junalic c'aslemal chque ri caquitzucuj ri juluwem, ri nim ilic, xukuje' ri man cämic taj; ri qui takem ri u banic ri utzil;

Romanos 1:20

Are c'u ri man ilitajel ta wi ri Dios cuya' quetamatajic, we cachomax ri u banom ri are'. Kas c'u are ri Dios xukuje' chi ri u cuinem mawi jubik' c'o ta u q'uistajic. Rumal ri' ri e itzel tak winak man c'o ta esbal quib.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Ri Matey 25:34

Cubij c'u na ri Ajawinel chque ri e c'o pa ri riquiak'ab: ‘Tisaj, ix tewichi'm rumal ri nu Tat. Chiwechbej ri ajawibal ri suc'umam chiwe kas pa ri u tiquiritajic ri uwächulew.

Ri Malaquiy 1:14

¡C'okotajinak ri cojol c'amibal ri cuchi'j jun awaj ri man c'o ta u yab ri c'o chuxo'l ri u jumulaj cupil c'ut jun chwe ri c'o u yab! In ri' ri Ajawaxel ri nim nu k'ij, in c'u xibibal chquixo'l ri nimak tak tinimit.” Are wa' ri cubij ri Ajawaxel ri c'o ronojel u cuinem.

Ri Miquey 5:2

Are c'u ri at Belen Eprat, man nim ta a k'ij chquixo'l ri nimak qui k'ij pa Juda, chawe at quel wi na jun takanel ri catakan na puwi' ri Israel ri petinak che jun ojer alaxic.”

Ri Daniel 7:14

Xeya' c'u ri cuinem che, ri juluwem xukuje' ri ajawibal, xukuje' winak que conojel ri nimak tak tinimit xukuje' tak ch'abal quepatanin c'u che. Ri u cuinem man c'o ta u q'uextajic, ri rajawinic mawi jubik' cäsachisax ta u wäch.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Salmib 145:13

Ri ajawibal la are jun ajawibal re chbe k'ij sak, ri k'ijinic la re k'ij junab.

Salmib 106:48

¡Tewichital ri Ajawaxel, ri u Dios ri Israel, chbe k'ij sak! ¡Conojel chqui bij: “Je' chelok!” ¡Chyo'k u k'ij ri Ajawaxel!

Ri Nehemiy 9:5

xquibij ri aj levitib ri Jexu, ri Cadmiel, ri Binuy, ri Hasabniy, ri Serebiy, ri Hodiy, ri Sebaniy xukuje' ri Petaiy: “Chixwalijok, chik'ijilaj ri Ajawaxel ri i Dios ri c'o amak'el chbe k'ij sak. ¡Chyok u k'ij, cuc' tak tewichibal xukuje' tak k'ijilanic, ri nim xukuje' ri juluwemalaj u bi'!”

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Salmib 57:11

Nu Dios, lal c'o puwi' ri caj. ¡Ri juluwem la cunojisaj ronojel ri uwächulew!

Salmib 45:1

Je'licalaj tak tzij quewulul chupam ri nu chomanic; ri wak' xak junam ruc' ri u tz'ibabal jun utzalaj tz'ibanel. ¡Quinbixoj na ri nu bix chuwäch ri Ajawinel!

Salmib 41:13

¡Tewichital ri Ajawaxel, u Dios ri Israel, camic xukuje' chbe k'ij sak! ¡Je chelok!

Ri Xuan 5:44

¿Jas ta ri quibano quixcojonic, xuwi quic'amala c'u u nimarisalaxic i k'ij, man are ta quixoc il che u tzucuxic nimarisabal k'ij ri xuwi ruc' ri Dios cäpe wi?

Romanos 2:10

Are c'u ri winak ri cäquiban utzil, ri Dios cunimarisaj qui k'ij, nim queril wi, cuya' jamaril chque conojel, nabe chque ri aj judeyib, xukuje' chque ri man aj judeyib taj.

Hebreos 2:7

Xa' jubik' xban la che chi ch'utin na u k'ij chquiwäch ri tako'nib aj caj. Xban c'u la che chi nim u k'ij, xukuje' nim quilic, je ta ne jun corona ri xcoj la che.