1 Timoteo 1:11 - Quiché Bible

¹¹ jas ri cubij ri tzij re colobal ib ri nim u k'ij, ri u tzij ri Dios ri cänimarisax u k'ij. Are utzalaj tak tzij wa' ri in takom che u tzijoxic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Are waꞌ ri kukꞌut ri utz laj tzij ri xroqxaꞌnik ri Tyoxalaj Dios, kintzijoj.

K'iche'

¹¹ We utzalaj tijonic ri' cäriktaj chupam ri Utzalaj Tzij re ri Evangelio ri sibalaj nim u k'ij. Ri ka Dios ri ya'tal che chi cänimarisax u k'ij, are ri Are' yo'winak wa' pa nu k'ab rech quintzijoj chque ri winak.

K'iche' (New Orthography)

¹¹ We utzalaj tijonik ri' käriqtaj chupam ri Utzalaj Tzij re ri Evangelio ri sib'alaj nim u q'ij. Ri qa Dios ri ya'tal che chi känimarisax u q'ij, are ri Are' yo'winaq wa' pa nu q'ab' rech kintzijoj chke ri winaq.

1 Timoteo 1:11 Referans Kwoze

Gálatas 2:7

Man xquibij ta c'u jun c'ac' takanic chwe, xane' xquilo chi kastzij yo'm pa nu k'ab ri u tzijoxic ri tzij re colobal ib chque ri man aj judeyib taj, je jas ri Lu' yo'm pa u k'ab chi cutzijoj ri utzalaj tak tzij re colobal ib chque ri aj judeyib.

Ri Tit 1:3

Xuchomaj jun k'ij, xuk'alajisaj ri u tzij. Xya' ri tzij pa nu k'ab rumal ri u takanic ri ka Colonel Dios.

1 Timoteo 6:15

Ri are cäc'ut na pa tak ri u k'ijol rumal ri Jun ri nimarisam u k'ij ri tewichi'm, ri xa' jun Ajawinel paquiwi' ri ajawinelab, ri Cajaw ri ajawib,

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

Romanos 2:16

pa ri k'ij aretak ri Dios cuk'at na tzij rumal ri Jesucrist puwi' ronojel ri e awatal cumal ri winak, jas ri cubij ri tzij ri quintzijoj.

2 Timoteo 2:2

Ri nu bim chawe chquiwäch e q'ui k'alajisanelab, are ri' chajacha' chque ri e jicalaj tak winak ri xukuje' quecuin che qui tijoxic niq'uiaj chic.

2 Timoteo 1:14

Chachajij ri utzalaj tijonic ri yo'm pa a k'ab, ruc' ri u to'banic ri Ruxlabal ri Dios ri c'o pa kanima'.

2 Timoteo 1:11

Ri Dios in u tasom rech quinya' u bixic we tzijol ri', jacha' jun takom xukuje' jun ajtij.

1 Timoteo 6:20

Timotey, chachajij ri yo'm pa a k'ab. Maya' qui k'ij ri tz'ilalaj tak tzijonic ri man c'o ta qui patan. Maya' qui k'ij tak ri tijonic ri man je taj jas ri caya' at, ri xak cäbix che chi utzalaj no'j.

1 Timoteo 2:7

In cojom che tzijonel xukuje' takom. In cojom che qui tijoxic ri man aj judeyib taj che ri cojonic xukuje' che ri kastzij. Quinbij ri kastzij, man quinban ta tzij.

1 Tesalonicenses 2:4

Ri Dios utz cujril wi rech cujutak bic che u tzijoxic ri u tzij re colobal ib, je cujtzijon wa'. Man cäkabij taj ri cäkaj chquiwäch ri winak, xane' ri cäkaj chuwäch ri Dios, ri reta'm ri kanima'.

Colosenses 1:25

Ri in in cojom che pataninel re ri comon cojonelab. Ri Dios u yo'm pa nu k'ab ri i patanixic, rech kas cätz'akat u tzijoxic ronojel ri u tzij.

Efesios 3:10

Xbantaj wa' rech camic ri c'o qui takanic xukuje' ri c'o qui cuinem pa ri caj cäquetamaj rumal ri comon cojonelab ri q'ui u wäch tak u no'j ri Dios.

Efesios 2:7

Jewa' xubano che u c'utic pa tak ri k'ij junab ri quepe na, ri nimalaj u tok'ob chke xukuje' ri rutzil chke rumal ri Crist Jesus.

Efesios 1:12

Je xuban wa' rech cujc'asi' che u nimarisaxic u k'ij ri Dios, ri sibalaj nim ri u juluwem. Uj ri nabe ri cu'l ulok ka c'u'x chrij ri Crist.

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

1 Corintios 9:17

We ruc' ri nu rayinic, quintzijoj ri colobal ib, c'o na ri tojbal wech. We c'u man quintzijoj ri colobal ib ruc' ri kas nu rayibal, xa ba in takchi'm ri' che u banic.

Ri Lucax 2:14

“¡Juluwem che ri Dios ri c'o sibalaj sibalaj chicaj! ¡Jamaril cho ri uwächulew chquixo'l ri winak ri e rech ri utzalaj u rayibal!”

Salmib 138:2

Quinxuqui' na chusuq'uil ri tastalicalaj achoch la, che u ya'ic maltioxinic che la rumal ri lok'ok'ebal c'u'x la xukuje' ri kastzij la, nu cojom c'u ri bi' la xukuje' ri tzij la paquiwi' conojel ri jastak.