1 Timoteo 1:10 - Quiché Bible

¹⁰ ri cäquiban macunic cuc' ixokib achijab, ri achijab ri cäquiban ixok che jun cach' achi, ri eläk'al tak winak, ri e banal tak tzij, ri man cäquiban ta ri qui bim ruc' kastzij, xukuje' chque conojel ri cäquiban apachique jasach chic ri man je taj cubij ri utzalaj tijonic ri man c'o ta etzelal che,

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ ri taqanik xyaꞌik kumal ke ri winaq ri kakibꞌan mak kukꞌ taq ixoqibꞌ, ri achyabꞌ ri kewar kukꞌ achyabꞌ, chike ri e kꞌayil taq patanijelabꞌ, chike ri kakibꞌij chi qas tzij ri kakibꞌij, xaq kꞌu bꞌanoj tzij kakibꞌano. Xaq jeriꞌ, ri taqanik xya rumal ronojel ri kꞌutuꞌn ri man utz taj, ri kuqꞌatej ri utz laj kꞌutuꞌn.

K'iche'

¹⁰ Xukuje' ri Pixab xyi' chque ri winak ri xak cäquirik quib jas ri cäca'n ri tz'i', man c'o tä qui pixab. Are c'u xyi' ri Pixab chque ri cäca'n ixok che jun cach achi, xukuje' chque ri ixokib ri cäca'n achi che jun cach ixok, chque ri quequelak'aj tak winak, chque ri banal tak tzij, xukuje' chque ri cäca'n juramento, man kas tzij tä c'ut ri cäquibij, rech cäca'n c'äx che jun winak chic. Are c'u ri Pixab xyi' chque conojel winak ri cäquic'ulelaj u wäch ri utzalaj tijonic ri man c'o tä etzelal chupam.

K'iche' (New Orthography)

¹⁰ Xuquje' ri Pixab' xyi' chke ri winaq ri xaq käkiriq kib' jas ri käka'n ri tz'i', man k'o tä ki pixab'. Are k'u xyi' ri Pixab' chke ri käka'n ixoq che jun kach achi, xuquje' chke ri ixoqib' ri käka'n achi che jun kach ixoq, chke ri kekelaq'aj taq winaq, chke ri b'anal taq tzij, xuquje' chke ri käka'n juramento, man qas tzij tä k'ut ri käkib'ij, rech käka'n k'äx che jun winaq chik. Are k'u ri Pixab' xyi' chke konojel winaq ri käkik'ulelaj u wäch ri utzalaj tijonik ri man k'o tä etzelal chupam.

1 Timoteo 1:10 Referans Kwoze

Aj Levitib 18:22

Matk'oyi ruc' jun a wäch achi, jacha' ta ne chi catk'oyi ruc' jun ixok. Jun tzijol wa' ri sibalaj itzel.

2 Timoteo 4:3

Cäpe c'u na k'ij aretak ri winak man cäquich'ij ta na ri suc'alaj tijonic. Xane' quequitzucuj na q'ui cajtij ri cäquic'ut chquiwäch jas ri cäcaj cäquito, jas ri u beya'l ri xa' qui rayibal.

Romanos 1:26

Rumal ri' ri Dios xebuya' canok rech cäbe qui c'u'x cuc' q'uixbalalaj tak jastak. Xukuje' ne ri ixokib man xquiban ta chic jas ri ya'tal chque, xane' are xquiban ri man takal ta che jun ixok.

Apocalipsis 21:27

Man c'o ta jun tz'ilalaj jasach ri coc chupam ri tinimit. Man coc ta jun ri quebanow itzelalaj tz'il tak jastak, man coc ta jun banal tzij, xuwi queboc ri tz'ibatal qui bi' pa ri wuj re c'aslemal rech ri Alaj Chij.

1 Timoteo 6:3

We c'o jun ri jun chi wi u tijonic, ri man cucoj ta ri u tzij ri Kajaw Jesucrist, are wa' ri utzalaj tzij ri man c'o ta etzelal che, man cucoj ta ri tijonic re nimanic che ri Dios,

Ri Juds 1:7

Je jas ri Sodom xukuje' Gomor xukuje' ri tinimit ri e sutininak quij, xquiban que jas ri xquiban ri e tako'nib aj caj ri man xeniman taj. Xquiban macunic cuc' ixokib achijab, xukuje' xec'am bic cumal itzel tak rayinic ri man ya'tal ta u banic. Xecoj che c'ambal no'j chi c'o c'äjisabal qui wäch pa ri junalic k'ak'.

Ri Tit 1:9

Rajawaxic chi cunimaj ri jicalaj tzij, jas ri cubij ri tijonic, rech cäcuinic quebupixbej ri winak ruc' ri utzalaj tijonic ri man c'o ta etzelal che, xukuje' cäcuin che qui ch'äquic ri winak ri cäquiban qui c'ulel che ri tijonic.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

Aj Levitib 20:13

We c'o jun achi cäk'oyi ruc' jun achi jacha' ri cäk'oyi ruc' jun ixok, e quieb quecämisax na; q'uixbal c'u ri' ri qui banom e are ajchak'maquib che ri qui cämical.

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

2 Timoteo 1:13

Chabij ri tzij jacha' ri xata' wuc', ri utzalaj tzij ri man c'o ta etzelal che. Chac'olo' ronojel ruc' ri cojonic xukuje' ri lok'ok'ebal c'u'x ri cäya' chke rumal ri Crist Jesus.

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

Elem 21:16

Ri cäreläk'aj bic jun winak, cuc'ayij c'ut, o we cäriktaj ruc', cac'okox na che cämical.

Chapletajic 19:5

xquichaplej u rakic qui chi' che ri Lot, xquibij: “¿Jawije' e c'o wi ri achijab ri xeboc pa ri awachoch pa we chak'ab ri'? ¡Chebawesaj ulok! ¡Cäkaj cujk'oyi cuc'!”

Ri Tit 1:13

Ri xubij ri achi ri' are' ri kas tzij. Rumal wa' rajawaxic chi co quebe a pixbej, chebak'ila' rech kas tzij quecojonic, jicom ri canima'.

Elem 20:7

Itzel u cojic ri u bi' ri Ajawaxel ri a Dios mabano, ri are' c'ut man cuya' ta c'u can ri winak chi xak ta jeri' chi ma ta cuc'äjisaj u wäch ri itzel u cojic ri u bi' cubano.

Apocalipsis 18:13

cane'l, pa eka'n, u c'oc'al tak c'oc' k'ol, mir, c'oc'al, u wa'l uva, aseit, utzalaj c'äj, trico, e wacax, e chij, e quiej, e carwaj; man c'o ta chi quelok'ow ri pataninelab, mawi ri qui c'aslemal ri winak.

Ri Zacariy 8:17

mebibanala' c'ax chbil tak iwib mawi xak lok' miban ri chi'nic ri kas cäban na ruc' subunic. Rumal rech chi ri in quinwetzelaj u wäch ronojel wa'. In, ri Ajawaxel quinjiquiba' u bixic.”

Ri Osey 10:4

Xak xuwi ri tzijtzotem, chi'nic tak ri e xak lok' xukuje' qui tz'ibaxic tak c'ulwächinic; ri u suq'uilal xak junam ri' ruc' juwi' k'ayes ri cäcämisanic ri caq'uiy xo'l tak ri bolaj chupam ri ulew.”

U Camulixic ri Pixab 24:7

We cäriktaj jun aj israel cätajin cäreläk'aj bic jun u winakil rech cucoj che u lok'om pataninel rech o cuc'ayij bic, cätak u cämisaxic, rech cäq'uis u wäch ri etzelal ri c'o chixo'l.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Zacariy 5:4

Ri Ajawaxel ri c'o ronojel u cuinem cujiquiba' u bixic: ‘In quintak bic we c'okonic ri' rech coc chupam ri rachoch ri queläk'ic xukuje' chupam ri rachoch ri xak lok' cuban ri chi'nic ri kas cäban na pa ri nu bi'. Are c'u ri c'okobal cacanaj can chila' man quecanaj ta c'u na tem mawi abaj.’ ”

Chapletajic 40:15

Ri in xa in eläk'am ulok pa ri culew ri aj hebreyib, xukuje' man c'o ta c'u jun etzelal nu banom waral ri rumal ta rech in cojom pa che'.”

Chapletajic 37:27

Are utz na xa cäkac'ayij bic chque ri aj ismaelib che u q'uexwäch ri xa cäkacämisaj, kachalal c'ut xa jun ka quiq'uel ruc'.” Xkaj c'u pa qui jolom ri rachalal ri xubij chque.

1 Timoteo 4:6

We quebatijoj we jastak ri' chque tak ri kachalal queq'uiy c'ut cumal tak ri tzij re ri cojonic xukuje' cumal tak ri e utzalaj tak tijonic ri e a takem, at jun utzalaj pataninel rech ri' Jesucrist.