1 Tesalonicenses 1:10 - Quiché Bible

¹⁰ Rech quiweyej ri u C'ojol, ri cäpe na chicaj, ri xc'astajisax rumal chquixo'l ri cäminakib. Are' ri Jesus, ri xujresaj chuwäch ri royowal ri Dios ri cäpe na paquiwi' ri winak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Xuqujeꞌ kakibꞌij chi iwayeꞌm apanoq ri Jesús, ri uKꞌojol ri Dios, ri xukꞌastajisaj ri Dios chikixoꞌl ri kaminaqibꞌ, Areꞌ kujkolow na pa ri qꞌij are kaqꞌat na tzij pa kiwiꞌ konojel ri winaq.

K'iche'

¹⁰ Xukuje' cäquitzijoj chi sibalaj cu'l i c'ux che reyexic ri Jesús, ri cätzelej lok pa ri caj. Are c'u wa' ru C'ojol ri Dios ri xc'astajisax bi chquixol ri cäminakib rumal ri Dios. Are Jesús wa' ri cujto'w chuwäch ri nimalaj royowal ri Dios ri cäpe na pa qui wi' ri winak.

K'iche' (New Orthography)

¹⁰ Xuquje' käkitzijoj chi sib'alaj ku'l i k'ux che reyexik ri Jesús, ri kätzelej loq pa ri kaj. Are k'u wa' ru K'ojol ri Dios ri xk'astajisax b'i chkixol ri käminaqib' rumal ri Dios. Are Jesús wa' ri kujto'w chuwäch ri nimalaj royowal ri Dios ri käpe na pa ki wi' ri winaq.

1 Tesalonicenses 1:10 Referans Kwoze

1 Tesalonicenses 5:9

Man u chomam ta ri Dios chke chi cäpe ri royowal chkij, xane' chi cujcolotaj rumal ri Kajaw Jesucrist.

Ri Matey 3:7

Aretak xril ri Xuan chi e q'ui chque ri pariseyib xukuje' ri saduseyib xepetic rech cäban ri qui bautism. Aretak ri Xuan xerilo xubij chque: “¡Quija'l tak cumätz! ¿Jachin xbin chiwe chi chixanimaj chuwäch ri c'äjisabal wächaj ri cäpe na?

Hechos 2:24

Are c'u ri Dios xuc'astajisaj, xutzokopij chupam ri k'oxowem re ri cämical. Rumal rech chi ri cämical man xcuin taj xuchap canok.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.

1 Pedro 1:3

Chnimarisax u k'ij ri u Dios xukuje' ri u Tat ri Kajaw Jesucrist, rumal rech chi ri are' sibalaj xel u c'u'x chke, xuya' jun c'ac' ka c'aslemal je ta ne jun alaj ne' c'äte xalaxic, rech c'o c'aslic cu'lbal ka c'u'x rumal ri u c'astajic ri Jesucrist chquixo'l ri cäminakib,

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

Romanos 4:25

Are ri Jesus ri xjach pa ri cämical rumal rech ri ka mac, xc'astaj c'ut rumal rech ri ka k'alajisaxic chi uj suc' chic chuwäch ri Dios.

Ri Lucax 3:7

Ri Xuan xubij chque ri q'uialaj winak ri quebel ulok rech cäban ri qui bautism rumal: “¡Ix calc'ual tak cumätz! ¿Jachin xc'utuw chiwäch chi quixanimaj chuwäch ri royowal ri Dios ri cäpe na piwi'?

1 Pedro 1:21

Rumal ri Crist ri ix xixcojon che ri Dios, ri xuc'astajisaj ri Crist chquixo'l ri cäminakib xukuje' xunimarisaj u k'ij, rech quixcojon che ri Dios xukuje' quicu'ba' i c'u'x chrij.

Romanos 8:34

¿Jachin ta ri cäcuin che u c'ajisaxic qui wäch? Ri xcämic are ri Crist Jesus, xukuje' ri xc'astajic, ri c'o pa ri u wiquiak'ab ri Dios, ri cubochi'j ri Dios pakawi'.

Apocalipsis 1:18

In ri' ri c'aslic. Xincäm na. Chawilampe', in c'asal c'u chbe k'ij sak. C'o ri e u laweyil ri cämical wuc' xukuje' ri re ri qui c'olbal ri cäminakib.

Hechos 1:11

Xquibij c'u chque: “Achijab aj galileyib, ¿jasche cätajin quixca'y chicaj? We Jesus ri' ri xc'am bic ajsic chiwäch pa ri caj, je jas ri xiwilo xbe chicaj, je cuban na wa' aretak cäpe chi na.”

2 Pedro 3:14

Rumal ri', lok'alaj tak wachalal, iweye'm we jastak ri', chicojo' apan i chuk'ab, rech quixulurika' ri Dios pa jamaril, man ix tz'ajtajinak ta apanok, ix ch'ajch'oj.

1 Tesalonicenses 2:16

Cujquik'atij che qui tzijobexic ri man aj judeyib taj rech quecolotajic. Je cäquiban ri aj judeyib rech cäquitz'akatisaj ri qui mac. Chuq'uisbalil c'ut xpe ri royowal ri Dios paquiwi'.

1 Corintios 1:7

Je c'u ri' chi ma ta c'o jun sipanic ri cäpe ruc' ri Dios ri ma ta i rikom, iweye'm c'u ri k'ij aretak chc'utun ri Kajaw Jesucrist.

2 Pedro 3:12

Chiweyej xukuje' chiwanej iwib che ri u petic ri u k'ij ri Dios, aretak ri caj quec'at na xukuje' cäsach na qui wäch, xukuje' ri jastak ri xebanbex re quenicow na xukuje' queja'r na.

Hebreos 10:27

Xane' xak cäkeyej ri k'atoj tzij xukuje' ri c'axalaj k'ak' ri cäsachow na qui wäch ri cäquiban qui c'ulel che ri Dios.

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.

Filipenses 3:20

Are' c'u ri ka tinimit pa ri caj c'o wi'; ri xukuje' cakeyej wi jun Colonel, ri Ajawaxel Jesucrist.

Gálatas 3:13

Are ri Crist xujcoloben chuxe' ri u c'okonic ri pixab, xux c'u c'okotajinak che ka q'uexwäch. Tz'ibatal c'ut: “C'okotajinak ronojel ri cätzayabax cho jun che'.”

Romanos 2:7

Cuya' c'u na ri junalic c'aslemal chque ri caquitzucuj ri juluwem, ri nim ilic, xukuje' ri man cämic taj; ri qui takem ri u banic ri utzil;

Hechos 17:31

U chomam c'u ri Dios jun k'ij ri cuk'at na tzij puwi' ri uwächulew ruc' suq'uilal, rumal jun achi ri u cha'om are'; xuya' c'u c'utbal chque conojel aretak xuc'astajisaj.”

Hechos 4:10

chetamaj alak onojel alak, chretamaj ronojel ri tinimit Israel, chi pa ri u bi' ri Jesucrist aj Nazaret xcunax we achi ri'. Are ri Jesus ri xrip alak, ri xc'astajisax chquixo'l ri cäminakib rumal ri Dios, rumal c'u ri are', we achi ri' tac'al chwäch alak utz chic.

Hechos 3:21

Are c'u ri camic rajawaxic chi cäcanaj na can pa ri caj c'ä pa ri k'ij aretak ri Dios quebusuc'umaj na conojel ri jastak, jacha' ri xubij ri Dios pa qui chi' ri e u k'axal tak tzij pa ri ojer tak k'ijol.

Hechos 3:15

Xcämisaj alak ri jun ri xbanow ri c'aslemal. Xc'astajisax c'u wa' rumal ri Dios chquixo'l ri cäminakib. Ri uj c'ut xkilo chi kastzij xc'astajic.

Ri Matey 1:21

Ri Mariy cäc'oji' na jun ral ala. Jesus ri u bi' cacoj na. Jewa' ri u bi' rumal rech chi are cacolow na ri u tinimit ri c'o chupam ri qui mac.”

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.

1 Pedro 2:21

Che c'u wa' ix siq'uim wi rumal ri Crist xurik c'ax rumal iwech. Xuya' can c'utbal chiwe, rech quitakej ri retal rakan.

2 Timoteo 4:1

Chuwäch ri Dios xukuje' ri Kajaw Jesucrist, ri cuk'at na tzij paquiwi' ri c'asc'oj xukuje' ri cäminakib, cuc'ut c'u na rib cajawin na, quinya' we pixbenic ri' chawe:

1 Tesalonicenses 2:7

pune' takal chke chi c'o ka takanic piwi' rumal rech chi uj takom re ri Crist. Xane' uj utz iwuc', jas jun chuchu' quebulok'ok'ej ri ral, quebuchajij.

1 Tesalonicenses 1:7

Jewa' ix i c'utum chquiwäch conojel ri cojonelab pa Masedon xukuje' pa Acay jas rajawaxic cäquiban ri e are'.

Colosenses 1:18

Xukuje' are' ri jolomaj ri catakan puwi' ri cuerp, ri are' ri comon cojonelab. Are' ri tiquiritajic, are' ri nabe ri xc'astajisax chquixo'l ri cäminakib, rech jeri' ri are' nabe c'o paquiwi' conojel ri jastak.

Romanos 1:4

Xya' u bixic chi are u C'ojol ri Dios rumal ri Ruxlabal ri Dios. Xk'alajisaxic chi c'o u cuinem aretak xc'astaj chquixo'l ri cäminakib. Are wa' ri Jesucrist ri Ajawaxel.

Ri Lucax 2:25

C'o c'u jun achi pa Jerusalen, Simeon u bi'. We achi ri' suc', nimanel che ri Dios. Reyem c'ut ri u to'tajisaxic ri Israel. C'o c'ut ri Ruxlabal ri Dios ruc' ri Simeon.

Chapletajic 49:18

¡Oh, Ajawaxel, quinweyej chi quincol la!

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

Ri Matey 16:28

Kastzij quinbij chiwe: E c'o jujun chque ri e c'o waral, c'ä maja' quecämic cäquil na ri Rija'l winak petinak pa ri rajawibal.”

Hechos 2:32

We Jesus ri' xc'astajisax rumal ri Dios. Konojel c'u uj xkilo chi xc'astajic.