1 Pedro 5:8 - Quiché Bible

⁸ Chichomaj jas ri quibano, chixc'asc'atok. Ri i c'ulel, ri itzel, cusutij iwij je jas jun coj curak u chi' cutzucuj jachin cubik'o.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Chibꞌana ri qas sukꞌ ubꞌanik, qas chiwila na ri kibꞌano, jeriꞌ rumal cher ri Itzel xaq kasutinilobꞌik jer kubꞌan jun koj, xaq rayeꞌm jachin kutij bꞌik.

K'iche'

⁸ ¡Chc'ol ba' i no'j, chixc'asc'atok! Je' chibana wa' rumal chi ri i c'ulel ri Itzel, are je' jas jun coj ri curak u chi', ri sibalaj cätio'nic, ri cutzucuj jachin ri cutijo.

K'iche' (New Orthography)

⁸ ¡Chk'ol b'a' i no'j, chixk'ask'atoq! Je' chib'ana wa' rumal chi ri i k'ulel ri Itzel, are je' jas jun koj ri kuraq u chi', ri sib'alaj kätio'nik, ri kutzukuj jachin ri kutijo.

1 Pedro 5:8 Referans Kwoze

Efesios 6:11

Chito' iwib ruc' conojel ri ch'ojibal ri cuya' ri Dios chiwe. Jeri' quixcuinic co quixtaq'ui' chuwäch ri itzel, ri cäraj quixusubu ruc' ri itzel tak u no'j.

Santiago 4:7

Chijacha' ba' iwib pa u k'ab ri Dios. Chik'atij u wäch ri itzel, canimaj c'u na chiwäch.

Ri Job 2:2

Ri Ajawaxel xuc'ot u chi', xubij che: “¿Jawije' a petic?” Ri tzujunel xutzelej u bixic: “In binenak nu binibem ronojel ri uwächulew.”

Efesios 4:27

Miya' u c'olbal ri itzel.

1 Pedro 1:13

Rumal ri', chicojo' i chuk'ab che ri chomanic, chichomaj jas ri quibano, chicu'ba' i c'u'x pa ronojel chrij ri tok'ob ri cäc'am na ulok chiwe aretak cäpe ri Jesucrist.

1 Pedro 4:7

Cäpe c'u na ri k'ij aretak queq'uis conojel ri jastak. Utz ba' chixchomanok, chichomaj jas ri quibano, rech utz quiban che ri ch'awem ruc' Dios.

Ri Lucax 21:36

Xakba' chixc'ol suc'umatalic, chibana' ch'awem ruc' Dios ronojel jok'otaj, rech quixcuinic quixto'tajic man quebikajbej ta c'ut we jastak ri' ri quec'ulmataj na quixcuin c'u ri' quitac'aba' iwib chuwäch ri Rija'l Winak.”

Ri Lucax 22:31

Xubij c'ut ri Ajawaxel: “Simon, Simon, chawilampe', ri Satanas xixuto rech quixya' che, rech quixuyicopisaj je jas cäban che ri trico.

Ri Tit 2:12

Cujutijoj chi cäkatas kib chrij ri rayibal aj uwächulew xukuje' ri jastak ri man cäquiya' ta u k'ij ri Dios. Cujutijoj chi utz ri ka chomanic cäkabano, cäkaban ri suc', xukuje' cujniman che ri Dios pa ri ka c'aslemal waral cho ri uwächulew,

Apocalipsis 12:12

Rumal rech wa', chixquicotok, caj xukuje' ri ix ri ix jekel pa ri caj. ¡C'ax iwe ri ix ri ix c'o cho ri uwächulew xukuje' ri e c'o pa ri plo, rumal rech chi kajinak bic ri itzel iwuc', sibalaj c'o royowal! Reta'm c'ut chi xa quieb oxib k'ij chic c'olic.

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

Ri Matey 13:39

Ri u c'ulel ri rajaw ulew ri xutic ri itzel k'ayes are ri itzel. Ri k'atoj are ri u q'uisbalil ri uwächulew. Ri ajk'atolob are' ri e aj cajalaj tak tako'nib.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Ri Matey 24:42

Chixc'asc'at ba', rumal rech chi man iweta'm taj jachique k'ij ri cäpe na ri Iwajaw.

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Ri Lucax 21:34

Chichajij iwib, miwalobisaj ri iwanima' chupam ri munil, mixk'abaric, mixoc il che ri jastak re we c'aslemal ri', xak c'ätetal ne mäpe ri k'ij ri' chiwij

Ri Zacariy 3:1

Ri Ajawaxel xuc'ut c'ut ri Jexu chnuwäch pa jun c'utwächinic, ri qui nimal ri e cojol tabal tok'ob, ri tac'al chuwäch ri aj cajalaj u tako'n ri Ajawaxel. Pa ri u wiquiak'ab c'ut ri Jexu c'o wi ri tako'n aj caj ri tzujunel, ri u chomam u tzujuxic.

Ri Tit 1:8

xane' cuya' okxanibal chque niq'uiaj chic, culok'ok'ej ronojel ri utz, utz u chomanic, cuban ri suc', are tastalic winak, cätakan puwi' ri u c'aslemal.

2 Timoteo 4:17

Are c'u ri Ajawaxel xc'oji' wuc', xuya' nu chuk'ab, rech xincuin che u tzijoxic ri tzij re colobal ib, jeri' chi xquita' conojel ri winak. Xinesax c'u pa u chi' ri coj.

Ri Amos 3:8

¿Jachin ta ri ma ta cäbirbob che xe'n ib, we cäwun ri coj? ¿Jachin ta ri ma ta chach'aw pa ri u bi' ri Ajawaxel, we are' ri cätakanic?

Ri Tit 2:6

Chebapixbej xukuje' ri c'ä e alabom na rech utz quechoman pa ronojel.

Ri Tit 2:2

chi ri nimak tatayib meyojcoric, chquirika' ri'jobic, utz chechomanok, chi c'o qui chuk'ab pa qui cojonic, pa ri lok'ok'ebal c'uxaj, pa ri ch'ijonic.

Ri Osey 11:10

Ri e are' caquiterenej na ri Ajawaxel, ri are' cawun na jacha' jun coj. Cäwunic, e are' tak c'ut ri e rech quebirbitic quebel na ulok pa ri u kajebal k'ij.

Ri Isaiy 50:8

Pa nu xcut c'o wi ri to'l wech: ¿La c'o jachin c'o jas cuna' chwij? ¡Jo' junam chuwäch ri k'atal tzij! ¿La c'o jun cuchomaj chi quinutzujuj chuwäch ri k'atal tzij? ¡Chpetok chubij c'u chwe!

E C'ambal tak Tzij 20:2

Jun c'analaj ajawinel xak junam ruc' jun coj ri cawunic; ri cätzuruwic, xak quieb cubij puwi' ri u c'aslemal.

Salmib 104:21

Ri coj quewun che u rikic ri qui ti'; cäquita' che ri Dios chi chuya' ri cäquitijo.

1 Timoteo 2:15

Ri ixok cacolotaj c'u na cumal ri ralanic xukuje' we caken chupam ri cojonic, chupam ri lok'ok'enic, xukuje' chupam ri u tasic rib man cutakej ta chi c'u ri macunic, c'o c'u u tij puwi' chbil rib.

Apocalipsis 20:2

Xuchap ri awaj dragon, ri ojer cumätz, are' ri itzel ri Satanas. Jun mil junab c'ut xuximo.

Ri Tit 2:4

cäquic'am qui be ri alitomab che qui lok'ok'exic ri cachajil xukuje' ri cal,

1 Timoteo 3:11

Jeri' xukuje' ri ixokib, rajawaxic caquirik ri'jobalil, man cäquiban ta tzijtal, cäquichomaj jas cäquibano, e jic pa ronojel.

Ri Joel 3:16

Ri Ajawaxel aretak chubano chi chatataj ri u ch'abal re cakulja c'ä pa ri juyub Sion, pa Jerusalen, ri caj xukuje' ri ulew caquichaplej birbitem. Are c'u ri Ajawaxel are jun panibal to'balib chque ri aj israelib, ri e u tinimit.

1 Timoteo 2:9

Xukuje' quinwaj chi ri ixokib utz catz'iakixic quib caquibano, ruc' jicomal, xukuje' cuc' atz'iak ri man nimak ta cajil. Chi ri ixokib macoc'owisaj u suc'umaxic ri qui wi', mequicoj wikbal ri pakal cajil jacha' ri k'an puak xukuje' ri tak perl, mawi chequicoj ta atz'iak ri sibalaj pakal cajil.

Ri Matey 4:1

C'äte ri' ri Uxlabaxel xuc'am bic ri Jesus pa ri chaki'j uwo sak, rech cac'ambejex rumal ri itzel.

Ri Osey 13:8

Quinel bic che u c'ulaxic jacha' jun ati't os ri e u tzokom ri alaj tak ral, quinmuch c'ut ri canima'. Jacha' jun coj kas chila' quixinbik'ik'ej wi na; jacha' jun juyubal awaj, quixinch'akatij na.

1 Timoteo 3:2

Rajawaxic ba' chi ri solinel man c'o ta cätzujux wi, xa' jun ri rixokil, cuchomaj jas ri cubano, utz ri u chomanic, suc'umam, cuya' okxanibal chque ri winak, cäna'w che qui tijoxic ri winak,

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Ri Matey 4:11

Xutas c'u rib ri itzel che ri Jesus, xebopan jujun tak tako'n aj caj che u patanixic.

Ri Amos 3:4

we ri coj cäwun pa ri c'ache'laj, xa' c'u u rikom jun u ti' ri'; we ri alaj coj cajinin chupam ri jul, xa' c'o jas kajinak ri' pa u k'ab;

Ri Daniel 6:24

Xuya' c'u takanic ri ajawinel che qui c'amic ulok ri achijab ri xetzujun ri Daniel, junam cuc' tak ri quixokil xukuje' tak ri calc'ual xeq'uiak pa ri c'olbal ri e c'o wi ri coj; c'ä majok c'u ne chebopan chquiwäch ri coj aretak xquiq'uiakala' quib che qui t'okopixic.

Ri Ezequiel 22:25

jun ulew ri e c'o u k'atal tak tzij ri xak e junam cuc' tak ri coj, ri quewu'nic ri quequiban ch'akatak chque ri quekaj pa qui k'ab; ri quequibik' ri winak ri e c'o pa ri culew, ri quequeläk'aj tak ri qui puak xukuje' ri qui k'inomal, ri que qui malcanirisaj can q'ui ixokib.

E C'ambal tak Tzij 19:12

Ri royowal ri ajawinel xak junam ruc' ri u wunic ri coj, are c'u ri utzalaj u rayibal jacha' ri räxk'ab puwi' ri k'ayes.

Ri Ester 7:6

¡Ri c'ulel xukuje' banal etzelal are' we itzelalaj Aman ri'!” xcha' ri Ester. Aretak xtataj wa' rumal, ri Aman man xslab ta chi rumal xe'n ib chuwäch ri ajawinel xukuje' chuwäch ri ixok ajawinel.

K'atal tak Tzij 14:5

Xbe c'u ri Sanson xerachilaj bic ri u nan u tat pa Timnat. Aretak ri Sanson xopan pa tak ri ticbal uva ri c'o chunakaj ri tinimit, xk'atixic xuq'uiak rib jun c'ojol coj chrij cäwunic.

Ri Zacariy 11:3

Caquirak qui chi' ri ajyuk'ab che ok'ej, rumal rech chi ri qui je'lical ri echa' e sachisam tak qui wäch. Catataj ri u wunem ri coj, rumal rech chi sachisam u wäch ri u k'ekumalil ri Jordan.

Ri Ezequiel 19:7

Quebuban c'ax pa tak ri cachoch ri ajawinelab queretzelaj tak ri e tinimit; cuc' tak ri u wunem cubano chi caslabetaj ronojel ri uwächulew.

Ri Jeremiy 51:38

Conojel e are' quewun na e jacha' ri coj quequijisila' c'u na tak quib e jacha' alaj tak coj.

Ri Jeremiy 2:15

¿Jas c'u che caquiban c'ax che e jacha' ta ne e coj, cuc' cowilaj tak wunem? Quiyojim can ri ulew; ri u tinimit tak xeporoxic man c'o ta c'u jun xto'taj ta can chupam.

Salmib 109:6

Cojo' la jun banal etzelal che u k'atal tzij, kas are' c'u ri cojol u tzij chc'okowok;

Ri Amos 1:2

Aretak ri Ajawaxel cubano chi cätataj ri u ch'abal jacha' cakulja c'ä chupam ri juyub Sion, ri c'o pa Jerusalen, quechaki'jar c'ut ri ulew jawije' ri e c'o wi tak ri echa' cächaki'jar c'ut ri u wi' ri Carmel.

E C'ambal tak Tzij 28:15

Cajunamataj ruc' jun coj ri cawunic o jun os ri bik'onel ri banal etzelal ri cajawin puwi' jun meba'laj tinimit.

Marcos 4:15

Ri ija' ri xekaj pa ri be, are cubij ri winak ri cäquitatabej ri tzij. Aretak qui tom chic, cäpe ri Satanas che resaxic ri tzij ri xtic pa canima'.

2 Corintios 2:11

Jewa' rech man c'o ta jas cuch'äc ri Satanas chkij. Kas cäkach'ob c'ut ri u nawinic.

Apocalipsis 12:10

Te c'u ri' xinta' jun nimalaj ch'abal pa ri caj, ri xubij: “Opaninak ri colonic, ri u cuinem ri Dios, xukuje' ri rajawinic. C'o chic ri takanic pa u k'ab ri Crist. Are c'ut ri tzujul quech ri kachalal ri quebutzujuj chuwäch ri ka Dios chi pa k'ij chi chak'ab q'uiakom bic.”