1 Pedro 4:17 - Quiché Bible

¹⁷ Xurik ri k'ij aretak cächaplex ri k'atoj tzij paquiwi' ri e aj uwo rachoch ri Dios. We c'u nabe cächaplex kuc' uj, ¿jas c'u lo ri qui q'uistajic ri winak ri man queniman ta che ri u tzij ri Dios?

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Jeriꞌ rumal xnaqajir loq ri qꞌij kachapleꞌtaj uqꞌatik tzij pa kiwiꞌ ri e rech ri Dios, kachapleꞌtaj bꞌik qukꞌ uj, ¿we kachapleꞌtaj bꞌik qukꞌ uj, jas kꞌu riꞌ ri kakꞌulmataj kukꞌ ri man kakinimaj taj ri utz laj tzij rech ri Dios?

K'iche'

¹⁷ Xurik c'u ri k'ij ri cächapletaj ru k'atic tzij pa ka wi' uj, kachalal, uj ri' ri uj rech ri Dios. We c'u ru k'atic tzij cächapletaj nabe pa ka wi' uj, ¿jas lo ri cäquirik na ri winak ri man queniman tä che ri Utzalaj Tzij ri tzijom lok rumal ri Dios?

K'iche' (New Orthography)

¹⁷ Xuriq k'u ri q'ij ri kächapletaj ru q'atik tzij pa qa wi' uj, qachalal, uj ri' ri uj rech ri Dios. We k'u ru q'atik tzij kächapletaj nab'e pa qa wi' uj, ¿jas lo ri käkiriq na ri winaq ri man keniman tä che ri Utzalaj Tzij ri tzijom loq rumal ri Dios?

1 Pedro 4:17 Referans Kwoze

Ri Jeremiy 25:29

Quinchaplej c'u na qui takic tak ulok ri c'äjisabal tak wächaj ri quinya' na puwi' ri tinimit ri tastal chwe. ¿La are ta c'u pa i c'u'x ix chi ma ta qui kajbej na ri c'äjisabal wächaj? Kas c'u qui kajbej wi na, quintak c'u na ulok ri ch'o'j paquiwi' conojel ri winak re ri uwächulew. In, ri Ajawaxel ri c'o ronojel nu cuinem, quinjiquiba' u bixic.’

2 Tesalonicenses 1:8

cutoj na u q'uexel chque ri man queta'm ta u wäch ri Dios, ri man queniman ta che ri u tzij ri Kajaw Jesus re colobal ib.

1 Pedro 2:8

xukuje' tz'ibatalic: “Are abaj cäquichak'ij quib ri winak chrij, are nimalaj abaj quetzak ri winak chrij.” Quetzak rumal ri tzij, rumal rech chi man cäquinimaj taj; che c'u wa' xecoj wi.

Romanos 2:9

Cäpe na c'ax, cäpe na c'axc'olil paquiwi' conojel ri winak ri quebanow etzelal, nabe paquiwi' ri aj judeyib, xukuje' paquiwi' ri man aj judeyib taj.

Ri Lucax 23:31

We queban we jastak ri' che ri räx che', ¿jas ta c'u lo ri ma ta caban na che ri chaki'j che'?”

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Amos 3:2

“Xuwi ri ix ix nucha'om chquixo'l tak conojel ri tinimit ri e c'o chuwäch ri uwächulew. Rumal ri' quinc'äjisaj na i wäch qui mac quech ri etzelal ri e i banom.”

Ri Isaiy 10:12

Aretak ri Ajawaxel u banom chi ronojel ri rajawaxic cubano pa ri juyub Sion xukuje' pa Jerusalen, cuc'äjisaj na u wäch ri ajawinel re Asiriy rumal ri nimal ri u banom, xukuje' rumal chi cuban che rib chi nim u k'ij, chi man c'o ta jun ri junam ta ruc' are'.

Hebreos 5:9

Tz'akatirinak chi c'ut, xux junalic colol quech conojel ri queniman che.

Hebreos 2:4

Jeri' ri Dios xuk'alajisaj chi kastzij, xebuban etal, mayibal, xukuje' ronojel u wäch nimak tak chac rumal, xujach ri Uxlabaxel chque ri winak jas ri u rayibal.

Hebreos 2:2

Co xtiqui can ri tzij ri tzijom ojer cumal ri tako'nib aj caj. Jachin c'ut ri man xucoj taj o man xunimaj taj xc'äjisax u wäch, jas ri takal che.

Gálatas 5:7

Ri ix utz i banom can nabe. ¿Jachin xixk'atinic rech man quinimaj ta chi ri kastzij?

Hebreos 11:8

Rumal ri cojonic, ri Abraham aretak xsiq'uixic, xnimanic xbe pa ri c'olbal ri cuc'am na che rechbal. Xel bic, pune' man reta'm ta c'ut jawije' cäbe wi.

Gálatas 3:1

¡Ay, ri ix aj Galas, xa' man quiwaj taj quixch'obonic! ¿Jachin xixsubuwic, rech man quixniman ta che ri kastzij? Xkatzijoj chiwe, xkac'ut chiwäch chi ri Jesucrist xrip cho ri ripibal.

Ri Jeremiy 49:12

Je c'u wa cubij ri Ajawaxel: “We ri winak ri man takal ta u c'äjisaxic qui wäch, cäcuq'uiaj c'u na ri c'äjisabal qui wäch, man cuya' ta c'ut chi catcanaj ta at chi ma ta chc'äjisax a wäch, xane' cawuq'uiaj na awech.

Romanos 1:1

In Pawl, in pataninel rech ri Jesucrist. In siq'uim xukuje' in tasom rumal ri Dios che takom, rech quintzijoj ri utzalaj tak tzij re colobal ib.

Gálatas 6:10

Jeri', joropa' mul ri cujcuin che u banic utzil, chkabana' ba' chque conojel, kas c'u are na chque ri kachalal pa ri cojonic.

1 Timoteo 3:15

we ne quinbeytajic, rech cawetamaj jas caban pa ri rachoch ri Dios, are wa' ri e u comon cojonelab ri c'aslic Dios, ri rakan ja xukuje' ri to'bal re ri kastzij.

Hebreos 3:6

Are c'u ri Crist jacha' jun c'ojolaxel, puwi' ri rachoch Dios; uj c'u ri' we ja ri', we co ka tiquibam ri jiquibam c'uxaj xukuje' ri u nimarisaxic ka k'ij che ri cu'lbal c'uxaj.

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.