1 Pedro 3:7 - Quiché Bible

⁷ Xukuje' ri ix achajilaxelab chixjekel cuc' ri e wixokilab ruc' no'jibal, chiya' u k'ij ri iwixokil rumal rech chi man junamataj taj ri u cuerp ruc' ri rech ri rachajil, jacha' xukuje' chi e i wäch echbenelab che ri tok'ob aj c'aslemal, rech ri e i ch'awem ruc' Dios man curik ta k'atibal.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Je xuqujeꞌ ix achajilom, qas chichomaj na ri kibꞌan kukꞌ ri iwixoqilal, nim chiꞌwilaꞌ, jeriꞌ rumal cher jun ixoq man ko taj. Ri achi xuqujeꞌ ri ixoq junam aꞌreꞌ aꞌjchoqꞌe ri ujeꞌlal ri kꞌaslemal. We utz kixnoꞌjinik maj kaqꞌaten riꞌ ri ichꞌawem cho ri Dios.

K'iche'

⁷ Ri ix xukuje', ri ix achijab, ri ix c'ulan chic, rajwaxic kas quichomaj na jas quiban cuc' ri iwixokil. Nim cheiwila wi, man xak xuwi tä rumal chi ri ixokib man junam tä qui chuk'ab iwuc' ix, xane rumal chi ri e are' xukuje' cäquechbej na ri c'aslemal ri cuya ri Dios chiwe ix rumal ri nimalaj u tok'ob. Je' chibana wa' rech ri Dios cuto aretak quiban orar.

K'iche' (New Orthography)

⁷ Ri ix xuquje', ri ix achijab', ri ix k'ulan chik, rajwaxik qas kichomaj na jas kib'an kuk' ri iwixoqil. Nim cheiwila wi, man xaq xuwi tä rumal chi ri ixoqib' man junam tä ki chuq'ab' iwuk' ix, xane rumal chi ri e are' xuquje' käkechb'ej na ri k'aslemal ri kuya ri Dios chiwe ix rumal ri nimalaj u toq'ob'. Je' chib'ana wa' rech ri Dios kuto aretaq kib'an orar.

1 Pedro 3:7 Referans Kwoze

Colosenses 3:19

Ix achijab ri ix c'ulanic, chebilok'ok'ej ri iwixokil, macoji' c'anil xukuje' c'ayil pa iwanima' chquij ri iwixokilal.

Efesios 5:33

Ri ix c'ut chijujunal chi lok'ok'ej ri iwixokil jas ri u lok'ok'exic iwib. Ri ixok xukuje' rajawaxic nim cäril wi ri rachajil.

1 Corintios 7:3

Ri achi chutz'akatisaj ri utz u banic che ri rixokil. Xukuje' ri ixok chutz'akatisaj ri utz u banic che ri rachajil.

Ri Matey 18:19

Xukuje' quinbij chiwe, chi we c'o quieb chiwe cho ri uwächulew curik rib ri i chomanic che u tz'onoxic jun jasach pa ch'awem ruc' Dios, cäyataj na chiwe rumal ri nu Tat ri c'o pa ri caj.

1 Tesalonicenses 4:4

Chi chijujunal chc'ol u tij puwi' ri kas u cuerp pa tastaliquil xukuje' pa nim ilic,

Efesios 6:18

Mitanaba' ri u banic ch'awem ruc' Dios: chixbochi'nok xukuje' chixtz'onom che ri Dios amak'el, pa ri Uxlabaxel. Chixc'asc'atok, mixtuktubic, chibana' c'u ch'awem puwi' ronojel ri u tinimit ri Dios.

Efesios 3:6

che u bixic wa': chi rumal ri tijonic aj colobal ib, ri man aj judeyib taj cäquic'am na ri junam echbal cuc' ri aj judeyib, e u tz'akatil c'ut ri junam cuerp, junam c'ut cäquic'am que ri chi'nic ri xuban ri Dios rumal ri Crist Jesus.

Ri Job 42:8

Chebic'ama' wukub ama'ib tak wacax xukuje' wukub ama'ib tak chij jix c'u che rilic ri Job ri pataninel wech, chebichi'j c'ut jacha' che tabal tok'ob ri quechajirisaxic che i q'uexwäch. Ri Job ri pataninel wech cabochi'n na piwi', quinc'amowaj c'u na ri u bochi'nic man c'o ta c'u jun c'ax quinban na chiwe, pune' c'u takal chiwe rumal rech chi man xibij taj ri kastzij chwij, jacha' ri xuban ri Job ri pataninel wech.”

Ri Tit 3:7

Jeri' k'alajisam chic chi uj suc' chuwäch rumal ri u tok'ob, cu'l c'u ka c'u'x chi cäkechbej na ri junalic c'aslemal.

Efesios 4:30

Miya' bis che ri Tastalicalaj Ruxlabal re ri Dios, rumal rech chi are iwetal, che u c'utic chi ix rech chic ri Dios c'ä pa ri k'ij aretak kas catz'akat ri i colotajic.

Hebreos 1:14

Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.

1 Pedro 3:1

Jeri' xukuje' ix, ri ix ixokilaxelab, chijujunal rajawaxic chi quiya' iwib pa takic chque ri kas e iwachajil, ri e achajilab ri man caquicojtaj chi c'o jun colobal ib cuya' quecojonic, man rajawaxic taj c'o ta jas quibij ta chque, xane' rumal ri quiban ix ri ix ixokilaxelab.