1 Pedro 3:21 - Quiché Bible

²¹ Are c'u ri ja' pa ri u k'ijol ri Noe are' cuq'uexwächij ri roc'owem ri Jesus pa ri nimalaj c'ax ri cujcolow camic; rumal c'u ri' man cujcolotaj ta rumal ri u josk'ixic ri ka cuerp, xane' ri u c'amowaxic ri jun ch'ajch'ojalaj anima' che ri Dios rumal ri u c'astajic ri Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Ri jaꞌ kajunumataj rukꞌ ri qasanaꞌ ri kixukolo. Ri qasanaꞌ man are ta kuchꞌaj ri tyoꞌjal, xane kubꞌan jun rayibꞌal rech chꞌajchꞌojil re ri qachomabꞌal choch ri Dios. We koltajem xbꞌantajik xa rumal ri ukꞌastajibꞌal wach ri Jesucristo.

K'iche'

²¹ Ri nimalaj k'ekal jäb ri xuban pa ri u k'ijol ri ka mam Noé, are c'utbal chrij ri ja' re ri kasna' cämic ri cäc'utuwic chi ka rikom chi ru tobanic ri Dios. Ri ja' ri' man cäresaj tä c'u ru tz'ilol ri ka cuerpo, xane cubano chi cäkata' che ri Dios chi ri Are' cuban chke chi utz cäkana' pa kanima' chuwäch. Are wa' cubano chi cäkarik ru tobanic ri Dios rumal chi xc'astajisax ri Jesucristo chquixol ri cäminakib.

K'iche' (New Orthography)

²¹ Ri nimalaj q'eqal jäb' ri xub'an pa ri u q'ijol ri qa mam Noé, are k'utb'al chrij ri ja' re ri qasna' kämik ri käk'utuwik chi qa riqom chi ru tob'anik ri Dios. Ri ja' ri' man käresaj tä k'u ru tz'ilol ri qa cuerpo, xane kub'ano chi käqata' che ri Dios chi ri Are' kub'an chqe chi utz käqana' pa qanima' chuwäch. Are wa' kub'ano chi käqariq ru tob'anik ri Dios rumal chi xk'astajisax ri Jesucristo chkixol ri käminaqib'.

1 Pedro 3:21 Referans Kwoze

Marcos 16:16

Apachin ri cäcojonic, cäban c'u ri u bautism, cäcolotaj na. Apachin c'u ri man cäcojon taj, cac'okox na.

Hechos 2:38

Ri Lu' xutzelej u bixic chque: “Chq'uexa' c'u'x alak, chban c'ut ri bautism alak pa ri u bi' ri Jesucrist chjujunal alak, chuc'utic chi e cuyutajinak chic ri mac alak, cäc'am c'u alak ri cochinic ri are' ri Ruxlabal ri Dios.

Gálatas 3:27

Iwonojel c'ut ix junatajinak pa ri Crist, i cojom c'ut ri Crist che iwatz'iak.

Hechos 22:16

Are c'u ri camic, ¿jasche catbeytajic? Chatwalijok, chban ri a bautism, chnataj ri u bi' ri Ajawaxel Jesus quech'ajtaj c'ut ri e a mac.’ ”

Efesios 5:26

Jeri' xuban che rech cux jun tastalic comon cojonelab. Je ta ne xuch'aj ruc' ja' aretak xujosk'ij rumal ri tzij,

1 Pedro 1:3

Chnimarisax u k'ij ri u Dios xukuje' ri u Tat ri Kajaw Jesucrist, rumal rech chi ri are' sibalaj xel u c'u'x chke, xuya' jun c'ac' ka c'aslemal je ta ne jun alaj ne' c'äte xalaxic, rech c'o c'aslic cu'lbal ka c'u'x rumal ri u c'astajic ri Jesucrist chquixo'l ri cäminakib,

1 Corintios 12:13

Xak c'u junam chke konojel, chi aj judeyib chi man aj judeyib taj, lok'om pataninelab o e torotalic, xujjunatajic rech cujux xa' jun cuerp rumal xa' jun Uxlabal; chke c'ut konojel xya' wi ruq'uiaxic ke che we kas Uxlabal ri'.

Colosenses 2:12

aretak xban ri i bautism, jun c'utbal chi xa ix jun chic ruc' ri Crist, ri ix xixmuk junam ruc' ri are', xukuje' xixc'astaj junam ruc' rumal rech chi xixcojon che ri u cuinem ri Dios, ri xc'astajisan ri Crist chquixo'l ri cäminakib.

Ri Matey 28:19

Rumal c'u ri', jix, chibana' tijoxelab chque ri winak pa conojel ri tinimit cho ri uwächulew. Chibana' qui bautism pa ri u bi' ri Tataxel, pa ri u bi' ri C'ojolaxel xukuje' pa ri u bi' ri Ruxlabal ri Dios.

Hebreos 9:24

Man xoc ta ri Crist pa ri k'ijilabal ri banom che qui k'ab ri winak, u wächbal ri kas k'ijilabal. Xane' xoc pa ri caj, camic c'ut cutac'aba' rib chuwäch ri Dios che ka q'uexwäch.

1 Timoteo 6:12

Chatija' a k'ij che ri utzalaj ch'o'j re ri cojonic. Chachapa' ri c'aslemal ri man cäq'uis taj. Che c'u wa' xatsiq'uix wi aretak xak'alajisaj ri utzalaj a cojonic chquiwäch e q'ui winak ri xquita' ri a tzij.

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

1 Corintios 4:6

Wachalal, xinbij wa' chwij in ruc' ri Apols che jun c'ambal no'j chiwäch, rech quiwetamaj chi man quichomaj ta jastak ri c'o na chuwäch ri tz'ibatalic, rech minimarisaj iwib rumal rech jun, mic'ulelaj c'u ri jun chic.

Hechos 16:33

Kas c'u pa ri jok'otaj chak'ab, ri chajil che' xebuc'am bic, xebuch'aj tak ri e qui socotajic, chanim xban c'ut ri u bautism, ri are' xukuje' conojel ri e c'o chupam ri rachoch.

Hechos 8:36

Oc'owinak chi c'u jubik', xeboc'ow pa jun c'olbal jawije' ri e c'o wi ja', xubij ri aj Etiopiy: “E c'o ja' waral; ¿la ma ta lo cuya' cäban ri nu bautism?”

Ri Zacariy 13:1

“Chupam c'ut ri k'ijol ri' cäjakataj na jun bulbuxalaj ja', rech chupam quecuin wi quequich'aj tak ri qui mac ri e rija'lil ri David xukuje' ri aj Jerusalen.

Romanos 5:14

Kas c'u ne pa ri u k'ijol ri Adan c'ä pa ri u k'ijol ri Moises, ri cämical xajawin paquiwi' conojel, pune' ri qui mac man are taj ri ma ta u nimaxic ri jun takanic, jacha' ri xuban ri Adan, ri are' u wächbalil ri cäpe na.

Hebreos 11:19

Ri Abraham reta'm chi ri Dios c'o u cuinem che qui c'astajisaxic ri cäminakib; rumal ri' ri Abraham xuc'am chi jumul ri u c'ojol jacha' pa ri cämical, je xux jun c'ambal no'j.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

1 Timoteo 1:5

Ri q'uisbal c'u u tza'm ri takomal are ri lok'ok'ebal c'uxaj ri q'uiyinak pa jun josok'alaj c'uxaj, pa jun utzalaj etamabal c'uxaj, xukuje' pa jun cojonic ri man xak ta quieb u wäch.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Hebreos 13:18

Chibana' ch'awem ruc' Dios pakawi'. Kas cäkana' pa ri kanima' chi man c'o ta etzelal ka banom. Cäkaj c'ut chi utz cujbin pa ronojel.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.

Ri Xuan 13:9

Ri Simon Lu' xubij che: “Wajaw, man xuwi ta ba' ri wakan, xane' ch'aja' la xukuje' ri e nu k'ab xukuje' ri nu jolom.”

Hechos 8:37

Ri Pelip xubij: “We catcojon ruc' ronojel awanima', cuya' cäbanic.” Ri are' xubij che: “In quincojo chi ri Jesucrist are u C'ojol ri Dios.”