1 Pedro 3:12 - Quiché Bible

¹² Are c'u ri Ajawaxel quebuchajij ri e suc', cuta' ri qui ch'awem. Man utz ta c'ut queril wi ri winak ri cäquiban etzelal.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Jeriꞌ rumal cher ri Dios keꞌrilo ri e sukꞌ taq winaq, xuqujeꞌ kuta ri kichꞌawem, xa kꞌu keꞌretzelaj ri kakibꞌan etzelal.

K'iche'

¹² Je ri', rumal chi ri Kajaw Dios queuchajij ri winak ri jicom canima', xukuje' cuto aretak cäca'n orar, cutatabej ri cäquibij che. Are c'u ri Dios cuban u c'ulel chque ri banal tak etzelal, —cächa ri' ri tz'ibtal canok.

K'iche' (New Orthography)

¹² Je ri', rumal chi ri Qajaw Dios keuchajij ri winaq ri jikom kanima', xuquje' kuto aretaq käka'n orar, kutatab'ej ri käkib'ij che. Are k'u ri Dios kub'an u k'ulel chke ri b'anal taq etzelal, —kächa ri' ri tz'ib'tal kanoq.

1 Pedro 3:12 Referans Kwoze

Ri Xuan 9:31

Keta'm chi ri Dios man quebutatabej ta ri ajmaquib. We c'u c'o jachin ri cuya' u k'ij ri Dios, ri cuban ri u rayibal, are wa' cätatabex rumal.

E C'ambal tak Tzij 15:29

Ri Ajawaxel naj cäc'oji' wi chque ri e banal tak etzelal, coc c'u il che ri qui ch'awem ri e suc' ruc' Dios.

E C'ambal tak Tzij 15:3

Ri Ajawaxel c'o pa ronojel c'olbal, coc il che quilic ri e utz xukuje' ri e itzel.

Ucab Tzijobelil 7:15

Camic quinchaplej bic quebentatabej na ruc' oquem il ri tz'ononic ri queban na chupam we c'olbal ri',

E C'ambal tak Tzij 15:8

Ri Ajawaxel man quebucoch'taj ri qui sipanic ri e banal tak etzelal, cuc'amowaj c'ut ri qui bochi'nic ri e suc' ruc' quicotemal.

Ucab Tzijobelil 16:9

Ri Ajawaxel cäril ronojel ri cac'ulmataj cho ronojel ri uwächulew, rech cuya' qui chuk'ab ri kas caquicu'ba' qui c'u'x chrij are'. ¡Banom c'u la jun conil! Kas c'u camic cächaptaj bic quepe chi na ch'o'j pa wi' la.”

Santiago 5:16

Chik'alajisala' ri i mac chiwäch. Chibanala' ch'awem ruc' Dios piwi', rech quixcunatajic. Sibalaj nim na u cuinem ri u bochi'nic jun suc'alaj winak.

Salmib 65:2

cätatabej c'u la ri ch'awem ri cäban che la! Conojel ri winak quepe na che tzucuxic la.

Ri Ezequiel 15:7

In quink'alajisaj na wib chi e nu c'ulel. Queto'taj na chuwäch jun k'ak', jun k'ak' chi c'ut caq'uisow na tzij paquiwi'. Aretak c'u quink'alajisaj wib chi nu c'ulel, ri ix qui wetamaj na chi ri in, in ri' ri Ajawaxel.

U Camulixic ri Pixab 11:12

Are jun ulew ri kas are' ri Ajawaxel quilinic; puwi' u yo'm wi ri e u bak'wäch ronojel ri junab.

Salmib 80:16

Sacha' la qui wäch ruc' ri oyowal la jachin tak ri quek'ajowic, cäquiporoj c'ut;

Aj Levitib 26:17

In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Aj Levitib 20:3

Quinkasaj ri woyowal puwi' ri achi ri', quinwesaj ri u bi' chquixo'l ri u winakil u tz'ilom ri quink'ijilax wi rawasim ri tastalicalaj nu bi'. Rumal ri u ya'ic ri u c'ojol che ri Moloc.

Ri Jeremiy 21:10

Xa' c'u ne jumul nu bim chi quinc'am ulok ri etzelal che u q'uexwäch utzil puwi' we tinimit ri'. Quinjach na pa u k'ab ri ajawinel re Babilon, cut'ik c'u na k'ak' che. In, ri Ajawaxel, quinjiquiba' u bixic.’

Salmib 11:4

Ri Ajawaxel c'o chupam ri tastalicalaj rachoch, ri Ajawaxel c'o ri u tem re ajawibal pa ri caj, e jaktal ri e u bak'wäch queralwächij conojel ri winak.

Aj Levitib 20:6

We c'o c'u jachin jun que cuc' cacojon chque ri uxlabalib xukuje' tak ri ch'obonelab, cutz'iloj c'u rib rumal qui ternexic, quinkasaj na ri woyowal puwi' ri winak ri', xukuje' quinwesaj na ri u bi' chquixo'l ri u winakil.

Aj Levitib 17:10

“In quinc'ulelaj na ronojel aj israel o ri man i winakil taj ri jekel chixo'l ri cutij, apachique ta ne quic'. In quinwesaj na chquixo'l ri e u tinimit.

Ri Zacariy 4:10

“Ri winak ri man xequiya' ta qui k'ij ri ch'utinalaj tak yacanic pa ri chaplebal, camic quejajat na aretak cäquil ri Zorobabel cätajin quebuq'uis qui banic tak ri chac.” Oc'owinak chi c'u wa', ri tako'n aj caj xutik u bixic: “We wukub chäj ri' e are' ri e u bak'wäch ri Ajawaxel, ri quequibinibej ronojel ri uwächulew.”

Salmib 33:18

Ri Ajawaxel amak'el quebuchajij ri nim quil wi cumal xukuje' ri cu'l qui c'u'x chrij ri lok'ok'ebal u c'u'x,

Ri Jeremiy 39:12

“Chac'ama' chcanaj awuc' che rilixic maban c'ax che, xane' chaya' che ronojel ri cutz'onoj chawe.”