1 Pedro 3:11 - Quiché Bible

¹¹ Chutasa' ba' rib chrij ri etzelal, chubana' ri utzil, chutzucuj ri jamaril chutakej c'ut.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Chuqꞌila ribꞌ chubꞌanik etzelal, are chubꞌana ri utzilal. Chutzukuj xuqujeꞌ chutereneꞌj ubꞌanik ri jaꞌmaril.

K'iche'

¹¹ Chutasa rib chrij ri etzelal, chubana c'u ri kas utz. Chutzucuj ru banic utzil chquixol ri winak, kas c'u cutakej u banic wa'.

K'iche' (New Orthography)

¹¹ Chutasa rib' chrij ri etzelal, chub'ana k'u ri qas utz. Chutzukuj ru b'anik utzil chkixol ri winaq, qas k'u kutaqej u b'anik wa'.

1 Pedro 3:11 Referans Kwoze

Ri Matey 5:9

Utz que ri caquicoj qui chuk'ab rech cac'oji' jamaril, quebinax c'u na rumal ri Dios chi e ralc'ual.

Salmib 34:14

Chatasa' awib chrij ri etzelal, chabana' c'u ri utz; chatzucuj u banic ri jamaril, chatakej c'ut.

Hebreos 12:14

Chicojo' ri chuk'ab che ri c'olem pa jamaril cuc' conojel xukuje' ri ruc'axic jun tastalic c'aslemal; we c'u man jewa', man c'o ta jun cäcuinic querila' u wäch ri Ajawaxel.

Romanos 14:19

Chkabana' ba' ri jastak ri cäquiya' jamaril chkaxo'l xukuje' ri cäquiya' ka chuk'ab pa ri ka cojonic.

Colosenses 3:15

Chiya' ba' che ri u jamaril ri Crist chajawin pa tak ri iwanima', xukuje' xixusiq'uij c'ut rech quiban xa' jun cuerp; xukuje' chiya' ta c'u xmaltioxinic.

Romanos 14:17

Ri rajawibal c'u ri Dios man wa ja' taj, xane' suq'uil, jamaril xukuje' quicotemal rumal ri Ruxlabal ri Dios.

Romanos 12:18

We cuya', chibana' ronojel ri quixcuin che u banic rech cäc'oji' jamaril chixo'l cuc' conojel ri winak.

3 Juan 1:11

Lok'alaj wachalal, maban ba awe ri etzelal, xane' chbana' ri utzilal. Apachin ri cuban utzilal, are ri' rech ri Dios. Apachin c'u ri cuban etzelal, man rilom ta u wäch ri Dios ri'.

Santiago 4:17

Apachin c'u ri reta'm u banic utzil, we c'u man cubano, are ri' c'o u mac.

Hebreos 13:16

Chibana' utzil. Chijachala' ri jastak iwech chbil iwib. Mäsach wa' pa i jolom. Je tak sipanic wa' quekaj chuwäch ri Dios.

1 Timoteo 6:18

Chebataka' chi chquibana' utzil, chebux e k'inom pa utzalaj tak chac, chebux utzalaj tak sipanelab, mäquibij chi quech ri c'o cuc' chquijacha' chque ri niq'uiaj chic.

Gálatas 6:10

Jeri', joropa' mul ri cujcuin che u banic utzil, chkabana' ba' chque conojel, kas c'u are na chque ri kachalal pa ri cojonic.

Gálatas 5:22

Are c'u wa' ri u wächinic ri Uxlabaxel: c'o lok'ok'ebal qui c'u'x ri winak, quequicotic, c'o jamaril chquixo'l cuc' niq'uiaj chic, c'o qui coch'onic, ch'uch'uj ri canima', cäquibanala' tok'ob, e jic pa ri qui tzij,

Romanos 8:6

Ri u banic ri chomanic aj uwächulew cuya' cämical. Are c'u ri u banic ri u rayibal ri Uxlabaxel cuya' c'aslemal xukuje' jamaril.

Romanos 7:21

Quinwilo chi jewa' nu c'ulmam: Chi aretak quinwaj quinban ri utz, are cuya' rib ri etzelal chnuwäch.

Romanos 5:1

Aretak k'alajisam chic chi uj suc' rumal ri ka cojonic, c'o jamaril chkaxo'l ruc' ri Dios, rumal ri Kajaw Jesucrist.

Ri Xuan 17:15

Man quinbochi'n ta che la chi quebesaj la cho ri uwächulew, xane' quinbochi'n che la chi quechajij la chuwäch ri etzelal.

Ri Matey 6:13

Mujya' la chuwäch ri takchibal macaj, xane' chujto' la chujesaj la pa u k'ab ri banal etzelal.’

Ri Matey 5:45

We je quiban wa', quixux ralc'ual ri i Tat ri c'o pa ri caj. Are c'u quesan ulok ri k'ij paquiwi' ri winak chi e utz chi man e utz taj. Cuya' ri jäb paquiwi' ri winak chi e suc' chi man e suc' taj.

Salmib 37:27

Chatasa' awib chrij ri etzelal, chabana' c'u ri utzilal, cärik c'u na jun c'olbal ri catjeki' wi.

Romanos 7:19

Man quinban ta c'u ri utz ri quinwaj quinbano. Xane' ri etzelal ri man quinwaj taj, are wa' quinbano.

Ri Lucax 6:35

Chebilok'ok'ej ba' ri cäquiban qui c'ulel chiwe. Chibana' utzil, chiya' jolomal, micu'ba' i c'u'x chrij chi cätzelex chi na. Nim c'u ri tojbal iwe, quixux na ralc'ual ri Dios aj chicajil, rumal rech chi ri are' ch'uch'uj chque ri man quemaltioxin taj xukuje' chque ri itzel tak winak.

Ri Lucax 6:9

C'äte ri' ri Jesus xubij chque ri winak: “Quinc'ot na i chi': ¿Jachique ri ya'tal u banic pa ri k'ij re uxlanem, ri utzil, o ri lawaloyil? ¿U colic ri c'aslemal o u sachisaxic u wäch?”

Ri Lucax 1:79

Ri are' cuc'ut na rib chquiwäch ri winak ri e c'o pa k'eku'm, pa ri u mu'jal ri cämical, cuc'am ka be rech cäc'oji' utzil chkaxo'l.”

Marcos 14:7

Ronojel k'ij e c'o mebayib iwuc'. Aretak c'u quiwaj, quixcuinic quiban utzil chque. Are c'u ri in man ronojel ta k'ij in c'o iwuc'.

E C'ambal tak Tzij 16:17

Ri qui be ri e suc' are ri u najtajisaxic quib che ri etzelal; ri u chajixic ri ka c'aslemal are wa' ri u chajixic kib pa kech wi.

E C'ambal tak Tzij 16:6

Ruc' lok'ok'ebal c'uxaj, xukuje' kastzij, cäcuy ri macaj; we cäkaya' u k'ij ri Ajawaxel canajtin jun ri' che ri etzelal.

E C'ambal tak Tzij 3:7

Maban awib chi sibalaj ta c'o a no'j; chaya' u k'ij ri Ajawaxel chatasa' awib mat be chupam ri lawalolaj be:

Salmib 125:4

Ajawaxel, bana' la utzil chque ri e utzalaj tak winak, chque ri suc'um ri canima';

Ri Job 28:28

xubij c'ut ri Dios chque ri winak: ‘Ri jicalaj u patanixic ri Ajawaxel: are no'j wa'; ri u tasic ib chrij ri etzelal: are' c'oxomanic wa'.’ ”

Ri Job 2:3

Xubij c'ut ri Ajawaxel che: “¿La ma ta at oquinak il che ri Job ri pataninel wech? Man c'o ta jun chuwäch ri uwächulew jacha' ta ri are', ri sibalaj ta jic che nu patanixic, ri ruc'am jun c'aslemal ri sibalaj colom ri man c'o ta jubik' macaj pa ri u c'aslemal sibalaj c'u cuchajij rib chi man c'o ta jun c'ax cuban ta che jachin jun. Pune' c'u ne xaban chwe chi xinsachisaj u wäch ronojel ri c'o ruc' man chutojic ta c'u ne jun macaj ri u banom taj, ri are' jic cabinic man c'o ta c'u ne macaj pa ri u c'aslemal.”

Ri Job 1:1

Chupam ri rulewal ri Uz xc'oji' jun achi Job u bi', ri xruc'aj jun jicomalaj c'aslemal ri man c'o ta wi jubik' macaj, are c'u jun jicalaj pataninel rech ri Dios, sibalaj c'u cuchajij rib chi man c'o ta jun c'ax cuban ta che jun rajil u tz'akat.

1 Pedro 3:12

Are c'u ri Ajawaxel quebuchajij ri e suc', cuta' ri qui ch'awem. Man utz ta c'ut queril wi ri winak ri cäquiban etzelal.”

K'atal tak Tzij 11:14

Ri Jepte xebutak chi bic niq'uiaj tako'n chic ruc' ri cajawinel ri aj amonib,