1 Pedro 3:1 - Quiché Bible

¹ Jeri' xukuje' ix, ri ix ixokilaxelab, chijujunal rajawaxic chi quiya' iwib pa takic chque ri kas e iwachajil, ri e achajilab ri man caquicojtaj chi c'o jun colobal ib cuya' quecojonic, man rajawaxic taj c'o ta jas quibij ta chque, xane' rumal ri quiban ix ri ix ixokilaxelab.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri ix kꞌulanik taq ixoqibꞌ, chiꞌnimaj ri iwachajilal, rech jeriꞌ we kꞌo jun chike ri achajilom man kukoj taj ri utzij ri Dios, kachꞌeketaj na,

K'iche'

¹ Ri ix ixokib, ri ix c'ulan chic, chixniman chque ri iwachajil. Je ri' we ne e c'o jujun chque ri iwachajil ri man cäquicoj tä ru Lok' Pixab ri Dios, quecojon ta c'u ne rumal ri utzalaj i c'aslemal ix, ri ix ixokib, pune ta ne man cätzijox tä ru Lok' Pixab ri Dios chque.

K'iche' (New Orthography)

¹ Ri ix ixoqib', ri ix k'ulan chik, chixniman chke ri iwachajil. Je ri' we ne e k'o jujun chke ri iwachajil ri man käkikoj tä ru Loq' Pixab' ri Dios, kekojon ta k'u ne rumal ri utzalaj i k'aslemal ix, ri ix ixoqib', pune ta ne man kätzijox tä ru Loq' Pixab' ri Dios chke.

1 Pedro 3:1 Referans Kwoze

Colosenses 3:18

Ix ixokib ri ix c'ulanic, chixniman chque ri iwachajil. Are wa' ri rajawaxic quibano pa ri i cojonic che ri Ajawaxel.

Efesios 5:33

Ri ix c'ut chijujunal chi lok'ok'ej ri iwixokil jas ri u lok'ok'exic iwib. Ri ixok xukuje' rajawaxic nim cäril wi ri rachajil.

1 Corintios 11:3

Quinwaj c'ut quiwetamaj chi ri Crist are' ri qui jolom ri achijab chquijujunal, ri achi are' u jolom ri rixokil, ri Dios c'ut are' u jolom ri Crist.

1 Corintios 7:16

¿Jas aweta'm, ixok, we ne cacol na ri awachajil; o jas aweta'm, achi, we ne cacol na ri awixokil?

Chapletajic 3:16

Xubij c'u ri Dios che ri ixok: “Quinbano chi cänimataj ri a k'oxomal aretak cäc'oji' ri awal, ruc' k'oxom cawil qui wäch ri e awal. Pune' cärik ri k'oxomal, lok' ri' ri awachajil chawäch, cätakan c'u na ri awachajil pawi'.”

1 Pedro 3:7

Xukuje' ri ix achajilaxelab chixjekel cuc' ri e wixokilab ruc' no'jibal, chiya' u k'ij ri iwixokil rumal rech chi man junamataj taj ri u cuerp ruc' ri rech ri rachajil, jacha' xukuje' chi e i wäch echbenelab che ri tok'ob aj c'aslemal, rech ri e i ch'awem ruc' Dios man curik ta k'atibal.

Romanos 7:2

Jun ixok ri c'o rachajil, aretak c'ä c'asal ri rachajil, cubij ri pixab chi ri ixok rajawaxic cäc'oji' ruc'. We c'u cäcäm bic ri rachajil, ri ixok cätzokopitajic quel chuxe' ri pixab ri ximowinak ruc' ri rachajil.

1 Corintios 14:34

Xak cheyinil ri ixokib pa tak ri comon cojonelab, rumal rech chi man ya'tal ta chque quech'awic. Xane' chquiya' quib pa takic jas ri cubij ri pixab.

Ri Matey 18:15

“We ri awachalal cuban jun mac chawe, jät, chach'abej xak pa a tuquiel wi. We cutatabej ri a tzij, xarik utzil chixo'l ruc' ri awachalal.

Colosenses 4:5

Chc'ol utzalaj i no'j che u banic ri quiban chquixo'l ri man e cojonelab taj, utz u cojic ri k'ijol chibana'.

Hebreos 11:8

Rumal ri cojonic, ri Abraham aretak xsiq'uixic, xnimanic xbe pa ri c'olbal ri cuc'am na che rechbal. Xel bic, pune' man reta'm ta c'ut jawije' cäbe wi.

2 Tesalonicenses 1:8

cutoj na u q'uexel chque ri man queta'm ta u wäch ri Dios, ri man queniman ta che ri u tzij ri Kajaw Jesus re colobal ib.

Romanos 6:17

Maltiox c'u che ri Dios, pune' ba xixc'oji' na can che lok'om tak pataninelab che ri mac, camic c'ut ruc' ronojel iwanima' cätajin quinimaj ri tijonic ri yo'm chiwe.

E C'ambal tak Tzij 18:19

Xa sibalaj cuban u tz'apixic rib ri achalaxel ri c'axc'obisam chuwäch ri jun tinimit ri sutim rij cumal nimak tak tapia. Ri ch'o'j quetasanic jacha' ri tasbal u pam jun rachoch ajawinel.

E C'ambal tak Tzij 11:30

Ri suq'uilal cuya' c'aslemal, ri tokinic cäresaj.

1 Pedro 4:17

Xurik ri k'ij aretak cächaplex ri k'atoj tzij paquiwi' ri e aj uwo rachoch ri Dios. We c'u nabe cächaplex kuc' uj, ¿jas c'u lo ri qui q'uistajic ri winak ri man queniman ta che ri u tzij ri Dios?

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

Hebreos 5:9

Tz'akatirinak chi c'ut, xux junalic colol quech conojel ri queniman che.

Romanos 10:16

Man conojel ta c'ut cäquinimaj ri tzij re colobal ib. Jacha' xubij c'u ri Isaiy: “Ajawaxel, ¿jachin cojowinak ri ka bim?”

1 Pedro 3:2

Ri e achajilaxelab quecojonic aretak quequilo chi jicom xukuje' caya' u k'ij ri qui c'aslemal.