1 Pedro 2:23 - Quiché Bible

²³ Aretak xyok'ic, man xuya' ta rajil u q'uexel. Aretak xurik c'ax, man xubij ta chque ri winak chi cuban na c'ax chque. Xane' xujach ronojel pa u k'ab ri Dios, ri cuk'at tzij ruc' suq'uil.

RI KꞌAKꞌ TESTAMENTO PA TZIJOBꞌAL KꞌICHEꞌ

²³ Are xbꞌix kꞌax taq tzij che, man xutzalij ta uwach, are xuriq kꞌax, man xuqꞌat taj tzij pa kiwiꞌ ri winaq, xane xujach ribꞌ choch ri sukꞌ laj qꞌatal tzij.

K'iche'

²³ Ri Are' aretak xyok'ic, man xutzelej tä u q'uexel ri qui tzij ri winak ruc' yok'onic. Aretak xban c'äx che cumal ri winak, man xubij taj chi cäpe na c'äx chquij ri e are', xane xuya can ronojel pu k'ab ri Dios ri jicom cuban chuk'atic tzij.

K'iche' (New Orthography)

²³ Ri Are' aretaq xyoq'ik, man xutzelej tä u k'exel ri ki tzij ri winaq ruk' yoq'onik. Aretaq xb'an k'äx che kumal ri winaq, man xub'ij taj chi käpe na k'äx chkij ri e are', xane xuya kan ronojel pu q'ab' ri Dios ri jikom kub'an chuq'atik tzij.

1 Pedro 2:23 Referans Kwoze

Ri Isaiy 53:7

Xban c'ax che, xak c'u xumach' rib, mawi ne xujak ri u chi'; xc'am bic jacha' alaj ama' chij pa ri pilibal, ri are' c'ut man xch'aw taj mawi xujak ri u chi', jacha' jun chij aretak cäsocax rij.

1 Pedro 4:19

Je c'u ri', ri winak ri cäquirik c'ax jas ri u rayibal ri Dios, chquibana' utzil, chquijacha' ri canima' che ri Dios, ri jic winakirisanel.

Hebreos 12:3

Chichomaj rij ri jun ri xuch'ij ronojel ri c'ax ri xban che cumal ajmaquib, rech man quixcos taj, man quixk'itaj ta pa ri iwanima'.

Salmib 37:5

Chajacha' ri a c'aslemal pa u k'ab ri Ajawaxel; chicu'ba' a c'u'x chrij, cäpe c'u na che a to'ic.

Hechos 4:29

Camic c'ut, Kajaw, chilampe' la. Qui bim chi cäquiban c'ax chque ri ajchaquib la. Ya' la chque ri e pataninel tak ech la chi cäquicoj qui chuk'ab che u bixic ri tzij la, ma ta cäquixe'j quib.

2 Timoteo 4:8

Kas camic c'ut c'olotal chi apan chwe ri corona re suq'uil, ri tojbal ri cuya' na ri Ajawaxel, ri suc'alaj k'atal tzij pa ri k'ij ri'; man xak xuwi ta c'u chwe in, xane' xukuje' chque conojel ri quelok'ok'en ri u petibal.

2 Timoteo 1:12

Xukuje' rumal rech wa' quinrik we c'ax ri'. Man quinq'uix ta c'ut, rumal rech chi weta'm jachin che in cojoninak wi. Elinak chi sak chnuwäch chi c'o u cuinem che u chajixic ri nu yo'm pa u k'ab c'ä pa ri k'ij ri'.

Ri Lucax 23:46

C'äte ri' ri Jesus co xurak u chi', xubij: “Tat, quinjach ri wuxlabal pa k'ab la.” Aretak xbitaj wa' rumal, xcämic.

Salmib 31:5

Pa k'ab la quinjach wi ri wuxlabal; ¡chinto'tajisaj la, Ajawaxel, Dios, aj kastzij!

Salmib 10:14

Lal ilom la ri c'ax ri cäquiban ruc' ri quetzelal; ¡ilom la, cäya' c'u na la rajil u q'uexel chque! Uc' la cäquito' wi quib ri man c'o ta queto'wic; lal ri to'l quech ri minorib.

Apocalipsis 19:11

Xinwil ri caj jaktalic. Xinwil jun sak rij quiej. Are' ri t'uyul chrij cäbix Jic xukuje' Kastzij che. Ruc' suq'uil cuk'at tzij xukuje' cäch'ojinic.

1 Pedro 3:9

Mitoj etzelal che u q'uexel etzelal. Aretak quixyok'ic, mitoj u q'uexel ri yok'obal iwe. Xane' chitewichi'j ri quixyok'owic. Che wa' xixsiq'uix wi, che rechbexic tewichibal.

2 Tesalonicenses 1:5

C'utbal wa' chi ri Dios suc' cubano cuk'at tzij paquiwi' ri winak. Cäril ri Dios chi ya'tal ri rajawibal chiwe. Rumal wa' quirik c'ax.

Efesios 6:9

Xukuje' ri ix ajawib, xa' junam chibana' chque ri e i pataninelab. Chiya' can ri u cojic qui xibriquil. Iweta'm chi ri ix cuc' ri e are', xa' junam ix c'o pa u k'ab ri Iwajaw ri c'o chicaj. Ri are' man are ta cäril qui wäch ri winak we nim o man nim ta qui banic.

Romanos 2:5

Co c'u ri awanima', man caq'uex ta ri a c'u'x. Rumal ri', aretak cäpe ri royowal ri Dios paquiwi' ri winak, xukuje' cäpe na chawij at. Jewa' cäban na chawe aretak cäk'alajisax ri suc'alaj u k'atoj tzij ri Dios.

Hechos 17:31

U chomam c'u ri Dios jun k'ij ri cuk'at na tzij puwi' ri uwächulew ruc' suq'uilal, rumal jun achi ri u cha'om are'; xuya' c'u c'utbal chque conojel aretak xuc'astajisaj.”

Hechos 9:1

Are' c'u ri Sawl man u tanabam ta u cojic xibin ib re cämical chque ri cojonelab che ri Ajawaxel. Rumal ri', xbe che u tzijobexic ri qui nimal ri e cojol tabal tok'ob.

Ri Lucax 23:9

Xebuban q'ui c'otoj chi'aj che, ri Jesus man c'o ta c'u xutzelej u bixic che.

Salmib 96:13

¡Chuwäch ri Ajawaxel, ri cäpetic! ¡Je', cäpe che u k'atic tzij puwi' ri uwächulew! ¡Cätakan na paquiwi' tak ri tinimit cho ri uwächulew ruc' suq'uil xukuje' ruc' kastzij!

Salmib 7:11

Ri Dios are' jun suc'alaj k'atal tzij ri cuc'okoj ri etzelal pa ronojel k'ijol.

Chapletajic 18:25

¡Mäban la ri' chi junam cäcämisaj la ri c'o u mac ruc' ri man c'o ta jubik' u mac, je ta ne ri e quieb e macuninak! ¡Mäban la we c'ax ri'! Lal ri lal nimalaj k'atal tzij puwi' ronojel ri uwächulew, ¿la ma ta c'u cäban na la ri suc'alaj k'atoj tzij?”

Hechos 7:59

Xquibuc' ri Estebn che abaj. Ri Estebn xuta' ri u to'banic ri Ajawaxel, xubij: “Wajaw Jesus, c'ama' la ri wuxlabal.”

Ri Lucax 23:41

Ri ke ri uj kastzij takal chke chi cäc'äjisax ka wäch, rumal rech ri ka banom. Are c'u we achi ri' man c'o ta etzelal u banom.”