1 Pedro 2:15 - Quiché Bible

¹⁵ Are c'u wa' ri u rayibal ri Dios, chi rumal ri u banic utzil quitz'apij u pa qui chi' ri winak ri man utz ta qui chomanic, man c'o ta queta'm.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Ri urayibꞌal ukꞌuꞌx ri Dios are chi kabꞌan ri utzilal rech kaqꞌatex ri etzelal ri kakibꞌan ri itzel taq winaq ri maj ketaꞌmabꞌal.

K'iche'

¹⁵ Are c'u u rayibal ri Dios chi quiban ri utzil rech quik'atej u wäch ri conalaj tak qui tzij ri winak ri man c'o tä quetam. Je ri' man cäquirik tä chic jas cäquibij chiwij.

K'iche' (New Orthography)

¹⁵ Are k'u u rayib'al ri Dios chi kib'an ri utzil rech kiq'atej u wäch ri konalaj taq ki tzij ri winaq ri man k'o tä ketam. Je ri' man käkiriq tä chik jas käkib'ij chiwij.

1 Pedro 2:15 Referans Kwoze

1 Pedro 3:17

Are c'u utz na aretak quirik c'ax rumal ri u banic utzil, we jeri' cäraj ri Dios, chuwäch ri u rikic c'ax rumal ri u banic etzelal.

Ri Tit 2:8

Utz chabana' che ri a tzijonic, rech man c'o ta etzelal cäriktaj chawij. Jeri' queq'uix ri i c'ulel, man quecuin taj cäquibij jun etzelal chkij.

1 Pedro 2:12

Ronojel utz chibana' chquixo'l ri man cojonelab taj. Jeri', pune' cäquiyac tzij chiwij je jas chquij banal tak etzelal, cäquil ri utzalaj tak chac ri quibano, cäquinimarisaj c'u u k'ij ri Dios pa ri k'ij aretak chuta' chke jas ri ka banom.

Ri Matey 7:26

Ronojel ri cutatabej we nu tzij ri', man cunimaj ta c'ut, are' je jas jun conalaj achi ri xuyac jun rachoch puwi' ri sanyeb.

1 Tesalonicenses 5:18

Ronojel chimaltioxij che ri Dios. Are c'u wa' ri cäraj ri Dios chiwe ri ix cojoninak che ri Crist Jesus.

1 Tesalonicenses 4:3

Are wa' cäraj ri Dios, chi quixux tastalic tak winak, chi man quiban ta macunic cuc' ixokib achijab.

Ri Jeremiy 4:22

“Ri nu tinimit moxirinak, man cuch'ob ta nu wäch,” cacha' ri Ajawaxel. “E alc'ualaxelab ri man c'o ta qui no'j, ri man quechoman taj. Coc'ow u wi' ri qui no'j che u banic ri etzelal, man queta'm ta c'u u banic ri utzil.”

2 Pedro 2:12

E are' c'u we winak ri', e je ta ne e awaj ri man c'o ta qui chomanic, pa quech wi e alc'ualam rech quechapic xukuje' quecämisaxic. Quequiyok' ri jastak ri man queta'm taj. Quekaj c'u na pa ri cämisabal ri qui banom.

Romanos 1:21

Pune' ta ne xquich'ob u wäch ri Dios, man xquinimarisaj ta u k'ij jas ri takal che ri Dios, mawi xemaltioxin che. Xane' xquiban ri u chomanic ri canima', ri man c'o ta qui patan. Xk'ekumar c'u ri canima' ri man cäraj taj cäch'obonic.

E C'ambal tak Tzij 9:6

Chebiya' can tak ri e i conil, quixc'asi' c'u na; chixbinok jacha' ri winak ri quec'oxomanic.”

Ri Job 2:10

Ri Job xutzelej u bixic: “¡Ixok, mebabij tak conil! We quekac'am ri utzalaj tak jastak ri quebuya' ri Dios chke, ¿Jas ta c'u che ma ta quekac'am ri c'axc'olil?” Je c'u ri', pune' ruc' ronojel wa', ri Job man xmacun taj mawi ne rumal ta jun tzij.

Ri Juds 1:10

E are c'u wa' cäquiyok' ronojel ri man cäquich'ob ta u wäch; ronojel c'ut ri cäquich'ob pa quech wi jacha' ri awaj ri man c'o ta qui no'j, chupam wa' cäsach wi qui wäch.

1 Pedro 4:2

Pa tak ri u k'ij ri c'o na cho ri uwächulew, man cuban ta chic ri itzel qui rayibal ri winak, xane' cuban na ri u rayibal ri Dios.

1 Timoteo 1:13

Nabe in xinwetz'bej u wäch ri Dios, xinyok'o, xukuje' xinban c'ax chque ri e rech. Ri Dios c'ut xel u c'u'x chwe, rumal rech chi majok quincojonic, rumal ri' man xinch'ob taj jas ri xinbano.

Salmib 107:42

Aretak cäquil wa' ri winak ri utz canima', quequicot na, are c'u ri e banal tak etzelal cäquitz'apij na u pa qui chi'.

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

Gálatas 3:1

¡Ay, ri ix aj Galas, xa' man quiwaj taj quixch'obonic! ¿Jachin xixsubuwic, rech man quixniman ta che ri kastzij? Xkatzijoj chiwe, xkac'ut chiwäch chi ri Jesucrist xrip cho ri ripibal.

Ri Matey 25:2

Job chque ri alitomab, utz qui chomanic. Ri e job chic man utz ta qui chomanic.

Salmib 5:5

mawi c'o ta c'olbal chwäch la chque ri e banal tak nimal. Lal quetzelaj la qui wäch ri banal tak etzelal,

Ri Job 5:16

are c'u eyebal qui c'u'x ri tukarib wa', ¡are' cätz'apin ri u pa qui chi' ri banal tak etzelal!

U Camulixic ri Pixab 32:6

¿La jewa' ri rajil q'uexel ri quiya' che ri Ajawaxel? Tinimit con, ri man c'o ta u no'j, ¿la ma ta are' a tat ri q'uiyisal awech? Are' xatq'uiyisanic xukuje' are' xattac'abanic.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.