1 Pedro 2:1 - Quiché Bible

¹ Je c'u ri, chiwesaj ronojel etzelal xukuje' ronojel subunic. Miban chi iwe jas cäquiban ri quieb qui wäch. Itzel miwil wi aretak jun chic curik utzil. Miyac chi tzij chquij niq'uiaj winak chic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Rumal riꞌ chitzaqa bꞌa kanoq ronojel etzelal, ri taqchiꞌnik pa mak, kawachaj, tiꞌtatem xuqujeꞌ ronojel uwach bꞌanoj tzij.

K'iche'

¹ Rumal c'u ri' chiya ba' can u banic ronojel u wäch etzelal, mixsubun chic, miban xak quieb i wäch, c'äx mina' chquij niq'uiaj winak chic aretak cäquirik utzil, man quiyac tä c'u tzij.

K'iche' (New Orthography)

¹ Rumal k'u ri' chiya b'a' kan u b'anik ronojel u wäch etzelal, mixsub'un chik, mib'an xaq kieb' i wäch, k'äx mina' chkij nik'iaj winaq chik aretaq käkiriq utzil, man kiyak tä k'u tzij.

1 Pedro 2:1 Referans Kwoze

Efesios 4:31

Mitakej c'anal pa ri iwanima', mäpe chi iwoyowal, mibij chi tzij re oyowal, mixyok'on chic, miwetz'bej chi qui wäch niq'uiaj winak chic, miban chi ronojel u wäch etzelal.

Santiago 1:21

Rumal rech wa' chiwesaj bic ronojel ri tz'ilol xukuje' ronojel ri sibalaj iwetzelal. Minimarisaj i k'ij, chic'ama' ri tzij ri ticom, ri cäcuin che u colic ri iwanima'.

Santiago 4:11

Wachalal, miyacala' tzij chiwij. Apachin ri cuyac tzij chrij ri rachalal o cuk'at tzij puwi' ri rachalal, chrij ri pixab cuyac wi tzij xukuje' cuk'at tzij puwi' ri pixab. We cak'at tzij puwi' ri pixab, man at ta ba' nimanel ri' che ri pixab, xane' at k'atal tzij.

1 Pedro 3:10

Rumal rech chi cubij ri Tz'ibatalic: “Apachin ri cäraj culok'ok'ej ri c'aslemal xukuje' cäril utzalaj tak k'ij, mubij ba' etzelal ruc' ri rak', mutzijoj subunic ruc' ri u chi'.

1 Pedro 4:4

E are ri man e cojonelab taj caquimayo, rumal rech chi man quebiwachilaj ta chic che u banic q'ui jastak xak jas ri cäcaj, jas ri xiban nabe. Quixquiyok' c'ut.

1 Pedro 4:2

Pa tak ri u k'ij ri c'o na cho ri uwächulew, man cuban ta chic ri itzel qui rayibal ri winak, xane' cuban na ri u rayibal ri Dios.

Santiago 5:9

Wachalal, mixch'ach'atalob chixo'l rech man cäk'at ta tzij piwi'. Are ri Dios, ri k'atal tzij, tac'al chi' ri uchi'ja.

Hebreos 12:1

Jeri' xukuje' ri uj, ri sutim kij cumal e q'ui k'alajisanelab ri qui c'utum ri qui cojonic, chkesaj ronojel alal, chkesaj ri mac ri c'o chkij che ka chapic. Chkac'ama' kanim, chkach'ija' ruc' coch'onic ri xiq'uinem ri yo'm chkawäch.

1 Timoteo 3:11

Jeri' xukuje' ri ixokib, rajawaxic caquirik ri'jobalil, man cäquiban ta tzijtal, cäquichomaj jas cäquibano, e jic pa ronojel.

Salmib 34:13

Chajic'a' ri awak' che u bixic etzelal; mawi c'u jumul maquibij banoj tak tzij ri e a chi'.

1 Pedro 2:22

Ri Crist man c'o ta mac xubano, mawi ne xriktaj subunic pa u chi'.

Ri Tit 2:3

Junam ri chuchuyib ri e nimak tak winak chquirika' ri'jobic, mebux banal tak tzijtal, mawi quek'abaric. Rajawaxic caquiya' utzalaj c'utbal,

Salmib 32:2

Utz re ri winak ri man c'o ta itzel chomanic pa ranima', ri man cätzujux ta rumal ri Ajawaxel chi c'o u mac.

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

Romanos 1:29

E nojinak che ronojel qui wäch mac. Cäquiban ri man suc' taj. Quequirayij q'ui jastak. Cäquiban etzelal. Cäpe coyowal aretak jun chic curik utzil. Quecämisanic. E yacal tak ch'o'j. Quequisub tak winak. Man e suc' taj. E banal tak tzijtal.

Ri Lucax 6:42

¿La cuya' lo cabij che ri awachalal: ‘Wachalal, chaya' chi quinwesaj na ri mes ri c'o pa ri a bak'wäch’, man cawil ta c'u ri cuta'm ri c'o pa ri a bak'wäch at? Xa' quieb a wäch, nabe chawesaj ri cuta'm pa ri a bak'wäch at. C'äte ri' kas catca'y che resaxic ri mes pa ri u bak'wäch ri awachalal.”

Ri Matey 23:28

Je c'u ri' xukuje' ri ix, ri winak cäquil ri iwij chi ix suc'. Ri ix xa quieb u wäch, ix nojinak c'u che etzelal.

Ri Matey 7:5

¡Quieb a wäch! Nabe chawesaj ri cuta'm ri c'o pa ri a bak'wäch. C'äte ri' kas catca'y che resaxic ri mes pa ri u bak'wäch ri awachalal.

Salmib 37:1

Mäpe awoyowal qui mac quech ri e banal tak etzelal, mawi mebaquiäk rayij ri e banal tak etzelal,

2 Corintios 12:20

Quinxe'j wib, we ne aretak quinopanic, man quixenrika' taj je jas ri quinwaj, xukuje' ri ix man quinirik taj je jas ri quiwaj. We ne c'o ch'o'j chixo'l, we ne quixquiäk rayinic, we ne c'o iwoyowal, qui c'ulelala' iwib, quiyac tak tzij, quixwixwitic, quinimarisaj iwib, xukuje' quituquij iwib.

E C'ambal tak Tzij 24:1

Matitat mana' chquij ri banal tak etzelal mawi marayij cachilaxic,

E C'ambal tak Tzij 3:31

Matititej ri abaj ranima' mawi matijtobej u banic awe ri cubano;

Apocalipsis 14:5

Man xriktaj ta c'u jun banoj tzij pa qui chi', e ch'ajch'oj.

1 Pedro 2:16

Ri Dios cäraj chi ix je jas winak e tzokopim bic. Man utz ta c'ut we quiban etzelal xa' rumal rech chi ix tzokopim bic, xane' chibana' je jas e pataninelab re ri Dios.

Santiago 4:5

¿La quichomaj chi xak lok' cubij ri Tz'ibatalic: “Ri Uxlabaxel ri u banom ri Dios chi jekel pa ri uj sibalaj cujurayij ruc' achixomanic?”

Santiago 3:14

We c'u ri ix quiya' c'olbal chi ri ti'titem cuc'ayirisaj ri iwanima', quebiban c'ut ri jastak che u c'ulelaxic iwib, man c'o ta ba' jasche ri' chquiban ta nimal man are ta cätajin quiban ri' ri kastzij.

1 Tesalonicenses 2:3

Aretak xixkapixbej, man xkabij ta jastak chiwe ri man e tzij taj. Man xkabij ta tz'ilalaj tak jastak, man xixkasub taj.

1 Corintios 5:8

Je c'u ri', chkabana' ri nimak'ij re ri oc'owem, man ruc' ta ri ojer ch'am, mawi ruc' ri ch'am re etzelal, re u banic itzel tak jastak. Xane' chkabana' ruc' caxlanwa ri man c'o ta ch'am ruc'. Man ruc' ta quieb kanima', xane' ruc' kastzij.

Ri Xuan 1:47

Aretak ri Jesus xril ri Natanael cätajin copan ruc', jewa' xubij chrij: “Chiwilampe' jun kas aj israel, ri man c'o ta wi subunic.”

Ri Lucax 11:44

¡C'ax iwe!, ix pariseyib, rumal rech chi ix je jas ri mukubal ri man e k'alaj taj. Ri winak c'ut quebin paquiwi', man c'u quequinabej taj.”

Ri Isaiy 30:22

Cawetzelaj na qui wäch e jacha' jastak ri e tz'il ri e wächbal tak ri e re sak puak ri e a banom chawe, xukuje' tak ri e u wächbal ri diosib ri e a cojom k'an puak che qui ch'ukic quij ri e a banom chawe. Quebaq'uiak na apanok jacha' jun jasach ri tz'il, ri man c'o ta chi u patan, ri xa junam chic ruc' ri mes.

E C'ambal tak Tzij 24:19

Mäpe awoyowal qui mac quech ri banal tak etzelal mawi matitat mana' chquij ri itzel tak winak,

E C'ambal tak Tzij 14:30

Ri chomabal ri man quel ta ch'u'j c'aslemal wa' che ri cuerp, are c'u ri quiäk rayinic copan wa' c'ä cho tak ri bak.

Ri Job 36:13

Ri co canima' quenoj che k'ak'aric, man caquitz'onoj ta c'u ne to'banic pune' ta ne e c'o pa che'.

Ri Lucax 12:1

Qui mulin quib q'ui mil winak ruc' ri Jesus, jeri' chi cäquitac'alela' quib. Nabe ri Jesus xuchaplej u bixic chque ri u tijoxelab: “Chichajij iwib chuwäch ri qui ch'am ri pariseyib, ri quel cubij ri qui cawächil.

Marcos 12:15

Ri Jesus reta'm chi xa quieb qui wäch, xubij chque: “¿Jasche quic'am u pa nu chi'? Chic'ama' ulok jun puak, rech quinwilo.”

Ri Matey 24:51

Ri rajaw cuc'äjisaj c'u na u wäch, cuya' na ri re cuc' ri xa' quieb qui wäch. Quebok' chila', cäquikuch'uch'ej ri qui ware.”

Ri Matey 15:7

¡Quieb i wäch! Utz u bixic ri xubij ri Isaiy chiwij, ri k'axal tzij, aretak xubij:

Ri Isaiy 2:20

Pa ri k'ijol ri' ri winak quebuq'uiaka' na ri e u diosib chquiwäch tak ri ch'o xukuje' chquiwäch tak ri sotz', ri diosib ri e re k'an puak xukuje' e re sak puak, are' xebanowic che rech quebuk'ijilaj.

Salmib 73:3

Xinna' quiäk rayinic aretak xinwilo jas caquiban ri banal tak nimal xukuje' ri e banal tak etzelal quek'inomaric.