1 Pedro 1:22 - Quiché Bible

²² I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

RI KꞌAKꞌ TESTAMENTO PA TZIJOBꞌAL KꞌICHEꞌ

²² Kamik kꞌut chi ixchꞌajchꞌoj chik rumal xinimaj ri qas tzij, pa ri Uxlabꞌixel, qas chiloqꞌaj iwibꞌ rukꞌ ronojel iwanimaꞌ xuqujeꞌ rukꞌ ronojel ichuqꞌabꞌ.

K'iche'

²² Rumal ri nimanic che ri Kas Tzij i ch'ajom ri iwanima' rumal ri Lok'alaj Espíritu rech kas tzij quiwaj iwib chbil tak iwib nimalaj iwonojel. Kas rajwaxic ba' quiwaj iwib chbil tak iwib. Chijiquiba ri iwanima', chitija c'u i chuk'ab chubanic wa'.

K'iche' (New Orthography)

²² Rumal ri nimanik che ri Qas Tzij i ch'ajom ri iwanima' rumal ri Loq'alaj Espíritu rech qas tzij kiwaj iwib' chb'il taq iwib' nimalaj iwonojel. Qas rajwaxik b'a' kiwaj iwib' chb'il taq iwib'. Chijikib'a ri iwanima', chitija k'u i chuq'ab' chub'anik wa'.

1 Pedro 1:22 Referans Kwoze

1 Timoteo 1:5

Ri q'uisbal c'u u tza'm ri takomal are ri lok'ok'ebal c'uxaj ri q'uiyinak pa jun josok'alaj c'uxaj, pa jun utzalaj etamabal c'uxaj, xukuje' pa jun cojonic ri man xak ta quieb u wäch.

Hebreos 13:1

Chäjekel ri lok'ok'enic aj achalaxic chixo'l.

1 Juan 4:12

Man c'o ta c'u jun ilowinak ta u wäch ri Dios. We c'u cäkalok'ok'ela' kib, jekel ba' ri' ri Dios chkaxo'l uj, c'utuninak c'ut ri lok'ok'ebal u c'u'x kuc'.

1 Juan 4:7

Lok'alaj tak wachalal, chkalok'ok'ela' kib, rumal rech chi ri lok'ok'ebal c'u'x ruc' ri Dios cäpe wi. Ronojel ri cälok'ok'enic, ralc'ual ri Dios, cäquich'ob c'u u wäch ri Dios.

1 Pedro 3:8

Chuq'uisbalil c'ut, chixux iwonojel xa' jun i chomanic, chel i c'u'x chbil iwib, chilok'ok'ela ri iwachalal. Rajawaxic utzalaj i c'u'x xukuje' mach'amoj.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

1 Juan 3:23

Ri u takomal, chi chujcojon che ri Jesucrist, ri u C'ojol, cäkalok'ok'ela' c'u kib, jacha' ri are' uj u lok'ok'em.

2 Tesalonicenses 1:3

Kachalal, rajawaxic chi amak'el cujmaltioxin che ri Dios rumal iwech. Rumal rech chi cätajin cäq'uiy ri i cojonic xukuje' cätajin cänimar ri lok'ok'ebal i c'u'x chbil tak iwib.

1 Tesalonicenses 3:12

Ri Ajawaxel chunimarisaj ri lok'ok'ebal i c'u'x, rech sibalaj quilok'ok'ela' na iwib, rech sibalaj quebilok'ok'ej na conojel ri winak, jas ri uj quixkalok'ok'ej.

1 Juan 4:20

We c'o jun cubij: “In quinlok'ok'ej ri Dios”, cätajin c'u ne cäretzelaj u wäch ri rachalal, xa banal tzij ri'. Apachin ri man culok'ok'ej ta ri rachalal ri rilom, ¿jas ta c'u lo cubano cäcuin ta che u lok'ok'exic ri Dios ri man rilom taj?

1 Pedro 2:17

Nim chebiwila wi conojel. Chebilok'ok'ej ri kachalal. Chixe'j iwib chuwäch ri Dios. Nim chiwila' wi ri ajawinel.

Hechos 15:9

Ri Dios man jalan ta queril ri e are' chkawäch uj, u josk'im c'u ri canima' rumal ri cojonic.

1 Juan 3:11

Are tijonic wa' ri i tom ulok kas pa ri tiquiritajic chi chekalok'ok'ela' kib.

2 Pedro 1:7

Ruc' c'ut ri nimanic che ri Dios rajawaxic chi quiwuc'aj iwib cuc' ri achalaxelab; ruc' c'ut ri ruc'axic iwib cuc' ri achalaxelab rajawaxic chi cac'oji' i lok'ok'ebal c'uxaj.

Filipenses 1:9

Quinban ch'awem ruc' Dios piwi' rech sibalaj caq'uiyir na ri i lok'ok'ebal c'u'x, xukuje' ri i no'jinic xukuje' ri i ch'obonic pa ronojel.

Efesios 4:3

chicojo' i chuk'ab rech amak'el ix nuc'utalic, rumal ri u to'banic ri Uxlabaxel xukuje' rumal ri jamaril ri cuban xa jun chiwe.

Gálatas 5:5

Are c'u ri uj, rumal ri Uxlabaxel xukuje' rumal ri cojonic, c'o ri keyebal c'u'x chi cujsuq'uiritaj na.

Apocalipsis 2:4

C'o c'u jas quinna' chawij, chi a yo'm can ri lok'ok'ebal c'u'x ri c'o awuc' nabe.

1 Pedro 4:17

Xurik ri k'ij aretak cächaplex ri k'atoj tzij paquiwi' ri e aj uwo rachoch ri Dios. We c'u nabe cächaplex kuc' uj, ¿jas c'u lo ri qui q'uistajic ri winak ri man queniman ta che ri u tzij ri Dios?

1 Pedro 4:8

Puwi' ronojel, chicojo' i chuk'ab che u lok'ok'exic iwib, rumal rech chi ri lok'ok'ebal c'u'x cubano chi quesachtaj q'ui mac.

Hebreos 11:8

Rumal ri cojonic, ri Abraham aretak xsiq'uixic, xnimanic xbe pa ri c'olbal ri cuc'am na che rechbal. Xel bic, pune' man reta'm ta c'ut jawije' cäbe wi.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Hebreos 6:10

Suc' ri Dios, man cäsach ta pa u jolom ri chac ri i banom chi xilok'ok'ej ri u bi' aretak xebipatanij ri cojonelab, xukuje' ne c'ä camic.

2 Corintios 6:6

Pa ronojel wa': ch'ajch'oj ri ka c'aslemal, keta'm ri kastzij c'o ka coch'onic, cäkaban tak tok'ob, c'o ri Ruxlabal ri Dios kuc', kastzij quekalok'ok'ej ri winak,

Ri Xuan 15:17

Are c'u wa', ri quixintak wi: Chi chilok'ok'ela' iwib.”

1 Pedro 3:1

Jeri' xukuje' ix, ri ix ixokilaxelab, chijujunal rajawaxic chi quiya' iwib pa takic chque ri kas e iwachajil, ri e achajilab ri man caquicojtaj chi c'o jun colobal ib cuya' quecojonic, man rajawaxic taj c'o ta jas quibij ta chque, xane' rumal ri quiban ix ri ix ixokilaxelab.

Hebreos 5:9

Tz'akatirinak chi c'ut, xux junalic colol quech conojel ri queniman che.

2 Timoteo 1:14

Chachajij ri utzalaj tijonic ri yo'm pa a k'ab, ruc' ri u to'banic ri Ruxlabal ri Dios ri c'o pa kanima'.

1 Timoteo 5:2

Chebapixbej ri nimak tak chuchuyib e jacha' ri a nan. Chebapixbej ri alitomab je jas ri e awana'b ruc' ch'ajch'ojil.

1 Timoteo 4:12

Maya' chque ri winak chi cäquetzelaj a wäch xa' rumal rech chi at ac'al achi na. Xane' chatux jun c'utbal pa ronojel chquiwäch ri cojonelab, rech ri e are catquilo, cäquiban que jas ri caban at. Jeri' cäquita' ri utzalaj a tzij, cäquilo chi utz catbin pa ri a c'aslemal, chi quebalok'ok'ej niq'uiaj chic, chi c'o a cojonic, chi ch'ajch'oj ri a c'aslemal, cäquiban c'u que jas ri caban at.

1 Timoteo 1:3

Xatinbochi'j chi catcanaj can pa Epes aretak xinbe pa Masedon, rech cattakan chque jujun chi mäquiya' jule' tak tijonic chic, chi mäquiya' qui k'ij ri jo'sanic

2 Tesalonicenses 2:13

Kachalal ix lok'ok'em rumal ri Ajawaxel, rajawaxic chi amak'el cujmaltioxin che ri Dios rumal iwech. Rumal rech chi pa ri u tiquiritajic, ri Dios xixucha' rech quixcolotajic rumal ri Uxlabaxel ri cuban tastalic tak winak chiwe, rumal ri i cojonic che ri kastzij.

Gálatas 3:1

¡Ay, ri ix aj Galas, xa' man quiwaj taj quixch'obonic! ¿Jachin xixsubuwic, rech man quixniman ta che ri kastzij? Xkatzijoj chiwe, xkac'ut chiwäch chi ri Jesucrist xrip cho ri ripibal.

Gálatas 5:7

Ri ix utz i banom can nabe. ¿Jachin xixk'atinic rech man quinimaj ta chi ri kastzij?

Romanos 8:13

We are quiban ri u rayibal ri i banic aj winak re mac, quixcäm na. We c'u rumal ri Uxlabaxel quebicämisaj ri itzel tak u banoj ri i cuerp, quixc'asi' na.

Romanos 2:8

are c'u ri winak ri xak xuwi cäquitzucuj ri jastak ri cäcaj ri e are', ri cäquiban ri etzelal xukuje' man cäquinimaj ta ri kastzij, cäpe na ri royowal ri Dios paquiwi', cuc'äjisaj na qui wäch.

Romanos 1:5

Ri rumal kac'amom ri tok'ob xukuje' ri takomal rech cänimax ri cojonic chquixo'l conojel ri man e aj judeyib taj, che u lok'ok'exic ri u bi'.

Ri Xuan 17:17

Chetasa' che la rumal ri kastzij. Ri tzij la are ri kastzij.

Ri Xuan 15:3

Ri ix ix josk'im chic rumal ri tzij ri nu tzijom chiwe.

Hechos 6:7

Cätajin cäq'uiy ri u tzij ri Dios, ri cojonelab sibalaj queq'uiyir pa Jerusalen. Xukuje' sibalaj e q'ui chque ri e cojol tabal tok'ob aj judeyib xeniman che ri cojonic.

Ri Xuan 17:19

Rumal quech ri e are' nu tasom wib chbil wib, rech xukuje' ri e are' quetastaj rumal ri kastzij.

Santiago 1:21

Rumal rech wa' chiwesaj bic ronojel ri tz'ilol xukuje' ronojel ri sibalaj iwetzelal. Minimarisaj i k'ij, chic'ama' ri tzij ri ticom, ri cäcuin che u colic ri iwanima'.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.